கண்ணீர் கவிதை!

04/04/2010

கடந்த 20. 12. 2010 அன்று வி.களத்தூர் கல்லாற்று(தரைவழி)பாலத்தை கடக்கும்போது பக்கத்து ஊரான பசும்பலூரைச் சேர்ந்த தேன்மொழி (35) என்றப்பெண் தவறி விழுந்து, உயிரிழந்தார். இவர் வி.களத்தூரில் வாக்கப்பட்டவர்.
இவருக்கு கண்ணீர் அஞ்சலி செலுத்தும் வகையில் ஊரினரின் சார்பில் என் கவிதை!

ஊருவிட்டு ஊருவந்து! கண்ணீர் கவிதை!

சாதி மதம் பாராமல்
சமத்துவம் வாழுதுன்னும்..
நீர்நிலையும் நெற்கதிரும்
நெறஞ்சி நின்னு பாடுதுன்னும்..
வாழ உகந்த ஊரிதுன்னு
வாக்கப்பட்டு வந்தயம்மா..!
புகுந்த ஊரு பெருமைய நீ
புனிதமுன்னு சொன்னியம்மா..!!

வாழப்போன எம்பொண்ணெ,
களத்தூரு கல்லாறு
வாழைப்போல சாச்சிட்டதா
உம்மூரு சாதி சண
ஒப்பாரி கேக்கயிலே...
என் ஈரக்குல நடுங்குதம்மா..!
என் உசிருங்கூட ஒடுங்குதம்மா..!

களத்தூரு கல்லாறு
பொல்லாறு இல்லையம்மா..
கலங்கமில்லா ஊரிலோடும்
நல்லூற்று பிள்ளையம்மா..!
அரசின் அலட்சியமோ
ஆள்பவரின் அலட்சியமோ..
பாலம் வர நாளாச்சு,
பாவம் ஒன்னு நடந்திடுச்சு..!

வந்தவரை வாழவச்சே
வழக்கமுள்ள ஊருதாயி..
உன் இழப்பால் கலங்கி நிற்கும்,
என் ஊர் தவிப்பை..
கொஞ்சம் கண்முழிச்சு பாருதாயி..!

வானம் பாத்த பூமின்னாலும்
மானம் காத்த மக்களிங்கே..
வெயிலில் வேர்த்து உழைச்சாலும்
வேரில் பூக்கும் நட்பு இங்கே..!
கனவாய் பிரிந்த
தேன்மொழிக்கு...
காணிக்கையாய் எங்கள்
கண்ணீர்த் துளி!!

வி.களத்தூர் பொதுமக்கள்.

Guest · Guest Sat Dec 25, 2010 8:52 pm

கவியாய் ஒரு கண்ணீர் அஞ்சலி...

அவரது ஆத்ம இறைவனை அடய பிரதிக்குறேன்

கண்ணீர் கவிதை!

கண்ணீர் கவிதை!

Re: கண்ணீர் கவிதை!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக