இலங்கை தொடர்பான கேள்விக்கு பதில் அளிக்கமுடியாமல் ராகுல் காந்தி

நிசாந்தன் · நிசாந்தன் Sun 26 Dec 2010 - 2:57

கடந்த புதன்கிழமை சென்னையில் எழுத்தாளர்களையும் கலைஞர்களையும் தனிப்பட்ட முறையில் சந்தித்து உரையாடியபோது, கேட்கப்பட்ட கேள்விகளுக்கு உடனுக்குடன் விளக்கமாக பதில் அளித்த ராகுல் காந்தி, இலங்கை தொடர்பான கேள்விகளைக் கேட்டபோது, அவரால் முழுமையாக பதில் அளிக்கமுடியாமல் தடுமாறினார்.

இலங்கையில், தமிழீழ மக்கள் பட்ட, படுகிற அவஸ்தைகள் கொடூரமானவை. இந்த விஷயத்தில் காங்கிரஸ் கட்சி தங்களைக் கைவிட்டதாக அவர்கள் நினைக்கிறார்கள். போரினால் பட்ட காயங்களை விடவும் இந்த வேதனை அவர்கள் நெஞ்சில் ஆழமாகப் பதிந்து இருக்கிறது. போரினால் பாதிக்கப்பட்டவர்களுக்கு ஒரு சில வீடுகளைக் கட்டிக் கொடுத்துவிட்டு, அதோடு நமது கடமை முடிந்துவிட்டதாக இந்திய அரசு நினைக்கிறது என அம்மக்கள் நினைக்கின்றார்கள். இது தொடர்பாக நீங்கள் என்ன நினைக்கின்றீர்கள்? என கேட்டார் ஒருவர்.

பொறுமையாக கேட்டுக்கொண்டிருந்த ராகுல் காந்தி, நீங்கள் சொன்னபடி அங்கே நாம் ஒரு சில வீடுகளை கட்டிக்கொடுக்கவில்லை. 50 ஆயிரம் வீடுகளைக் கட்ட நிதி கொடுத்து இருக்கிறோம். மறுவாழ்வுப் பணிகளை மேற்கொள்ள 200 கோடி நிதி அனுப்பினோம். பிரணாப் முகர்ஜி, தேசிய பாதுகாப்பு ஆலோசகர் ஆகியோர் போனார்கள். இந்தப் பிரச்னையில்இலங்கை அரசுக்கு, எவ்வளவு அழுத்தம் கொடுக்க முடியுமோ அவ்வளவு அழுத்தம் கொடுத்தோம். இதைத் தாண்டி வேறுஎன்ன செய்திருக்க வேண்டும்?என்று கேட்டார்.

அங்கு கலந்துகொண்ட இன்னுமொருவர், அந்த நாட்டுக்கு எதிராக பொருளாதாரத் தடை விதித்திருக்க வேண்டும்! என்றார். அதெல்லாம் சரி. இவ்வளவு நடந்தும், இலங்கை அரசைக் கடுமையான வார்த்தைகளால்கூட காங்கிரஸ் கட்சிகண்டிக்கவில்லையே..! என்று விமர்சிக்க, இதை ஏற்றுக்கொள்ள மாட்டேன். தமிழ்நாட்டின் ஐந்து பொதுக் கூட்டங்களில்நானே இதைப்பற்றி பேசி இருக்கிறேன். இலங்கை அரசின் செயல்பாடுகளைக் கண்டித்தேன்! என்றார் ராகுல்.

கூட்டத்தில் இருந்து கிளம்பிய இன்னொரு குரல், வெறும் வார்த்தைகளால் அவர்களது துயரத்தை எப்படிப் போக்கஉதவும்? நீங்கள் எந்த நடவடிக்கையுமே எடுக்கவில்லை என்பதுதானே உண்மை! காங்கிரஸ் கட்சியும், அரசும் இலங்கைமக்களுக்கு என்ன உதவிகள் செய்ததாக நீங்கள் சொன்னாலும் அவை டூ லேட்... டூ லிட்டில்!
என்றது.

ராகுல் இதற்குப் பதில் சொல்வதற்குள், அப்படி என்றால் கொமன் வெல்த் விளையாட்டுப் போட்டிகளுக்கு ராஜபக்ஷேவை ஏன் அழைத்தீர்கள்? என்று இன்னொருவர் குரலை உயர்த்த...

இதுவரை எல்லாக் கேள்விகளையும் நம்பிக்கையோடு எதிர்கொண்டு பதிலளித்த ராகுல், ''அவரை நான்அழைக்கவில்லை!'' என்று இரண்டு கைகளையும் தூக்கிக்கொண்டு பின்வாங்கினார்!

அனைத்துப் பிரச்சனைகளிலும் உற்சாகமாக கருத்துச் சொல்லிய ராகுலால் இலங்கைப் பிரச்சனையில் எதுவுமே பேச முடியவில்லை!

இதுபோன்று மதுரையில் நடந்த ஆலோசனைக்கூட்டத்தில் கலந்துகொண்ட ராகுலிடம், ஒரு காங்கிரஸ் நிர்வாகி கேள்விஒன்றை கேட்டிருந்தார்.

நான் , தலைவர் ராஜீவ்காந்தி கொலை வழக்கில் சம்பந்தப்பட்ட நளினி, முருகன், சாந்தன், பேரறிவாளன் ஆகியோருக்குதூக்குத்தண்டனை பெற்றுத்தரவேண்டும் என்று கடிதம் எழுதினேன்.

விடுதலைப்புலிகள் இயக்கத்தலைவர் பிரபாகரனை பிடித்து தூக்கில் போட வேண்டும் என்றும் கடிதம் எழுதினேன். அதற்கும் தாங்கள் எந்த பதிலும் தெரிவிக்கவில்லையே’ என்று கேள்வி எழுப்பினார்.

காங்கிரஸ் நிர்வாகியின் இந்த கேள்விக்கு ராகுல்காந்தி பதில் சொல்ல மறுத்துவிட்டார். அது பற்றி இப்போது பேசவேண்டாம் என்று சொல்லிவிட்டார்.

பின்னர் பேசிய ராகுல்காந்தி, ‘நான் தமிழ் கற்றுக்கொள்ளப் போகிறேன். தமிழ் கற்றுக்கொண்டு தமிழில்
பேசவிரும்புகிறேன்’ என்று தெரிவித்தார்.

இலங்கை தொடர்பான கேள்விக்கு பதில் அளிக்கமுடியாமல் ராகுல் காந்தி

இலங்கை தொடர்பான கேள்விக்கு பதில் அளிக்கமுடியாமல் ராகுல் காந்தி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக