உலகிலேயே பெரிய மிருக காட்சிச் சாலை

**தமிழ்நேசன்1981** · 21/11/2010

உலகிலேயே பெரிய மிருக காட்சிச் சாலை தென்னாப்பிரிக்காவில்
"டிரான்ஸ்வா' என்ற இடத்தில் இருக்கிறது. இதன் பெயர் "க்ரூகர் நேஷனல்
பார்க்' என்பதாகும். இந்த மிருகக்காட்சி சாலை சுமார் 12 ஆயிரத்து 441.6
சதுர கி.மீ., பரப்பளவு கொண்டது. இதில் சுமார் ஆயிரம் யானைகளும், 250
ஒட்டகங்களும், 600 காட்டெருமைகளும், 500 சிங்கங்களும், பலவகைப்பட்ட 20
ஆயிரத்திற்கும் மேற்பட்ட விலங்குகள் உள்ளன. இந்த மிருகக் காட்சி சாலையை
சுற்றி 448 கி.மீ., நீளத்துக்கு மோட்டார்கள் போகக் கூடிய அளவிற்கு அகலமான
சாலை போடப்பட்டிருக்கிறது. காடுகளில் மிருகங்கள் எவ்வித இயற்கை
சூழ்நிலையில் இருந்தனவோ அதே போன்று இருக்கும்படியாக இந்த மிருகக்காட்சி
சாலையில் மிருகங்களை வைத்திருக்கின்றனர்.

உலகிலேயே பெரிய மிருக காட்சிச் சாலை Deddee4a-f702-466a-a810-d53d44e01967.h2

உலகிலேயே பெரிய மிருக காட்சிச் சாலை Deddee4a-f702-466a-a810-d53d44e01967.h2

அநேக விலங்குகள் திறந்த வெளியில் திரிய விடப்பட்டுள்ளன.
இவைகள் பார்வையாளர்களை எந்த விதத்திலும் தீங்கு செய்யாத வண்ணம்
மிருகக்காட்சி சாலையை வடிவமைத்து இருக்கின்றனர்.
உலகின் பல்வேறு இடங்களில் வாழும் விலங்குகளை ஒரே இடத்தில் சேர்த்து வைப்பது
என்பது அவ்வளவு சுலபமல்ல. உதாரணமாக போலார் கரடி ஆண்டு முழுவதும் பனியிலேயே
வசிக்கக் கூடியது. இவற்றின் நிலை இப்படி என்றால் சிலந்திக் குரங்குகளை
பனியில்லாத வெப்ப பிரதேசத்தில் வசிக்கக் கூடியது. இவற்றை ஒரே இடத்தில்
வைக்க வேண்டுமே. மிருகக்காட்சி சாலையை பாதுகாக்கிறவர்கள் போலார் கரடி
பனியில் இருக்கும்படியாகவும், சிலந்தி குரங்குள் உஷ்ணமான இடத்தில்
இருக்கும்படியாகவும் சூழ்நிலையை அமைத்துள்ளார்கள்.
உணவு விஷயத்திலும் விலங்குகளை பராமரிப்பது கஷ்டமான காரியம். யானைக்கும்
புல்லும் தழையும் அதிகமாக வேண்டும். ஆனால், புலி புல்லையும் தழையையும்
தின்னாது. அதற்கு அசைவம்தான் வேண்டும். சில விலங்குகளுக்கு புத்தம் புதிய
மீன்கள் வேண்டும். குரங்குகளுக்கு புதிய காய்கனிகள் வேண்டும். இதனால் இந்த
மிருக காட்சி சாலையில் தினமும் நூற்றுக்கணக்கான வித்தியாசமான உணவு வகைகள்
தேவைப்படுகின்றன.
நாள்தோறும் ஏராளமான மாடுகள், மீன்கள், ரொட்டிகள், புல், தானியம், திராட்சை,
பால், ஆரஞ்சு, முட்டை, பால் பவுடர் போன்றவை கொண்டு வந்து கொடுக்கிறார்கள்.
இரையை சாப்பிடுவதற்கும் விலங்குகளை தாஜா செய்ய வேண்டியுள்ளது.
மலைப்பாம்புக்கு இரை போடும்போது அதன் உணவை தொண்டைக்குள் வைத்து
தள்ளிவிட்டால் தான் சாப்பிடுகிறது. அதே போல் மிருகங்களுக்கு வியாதிகள்
வந்து விட்டாலும் பிரச்னைதான்.
பல் வலியால் அவதிப்படும் சிங்கத்தின் பல்லை பிடுங்குவதும், யானைக்கு
தொந்தரவு தரும் கால் நகத்தை வெட்டுவதும், கொரில்லா குரங்கின் கப வாத
காய்ச்சலை கட்டுப்படுத்துவதும் சாதாரண வேலையல்ல. அதெல்லாம் உண்மையான
அக்கறையோடு இருந்தால் மட்டுமே செய்ய முடியும்.