உடல் நலக் குறிப்புகள்

தண்ணீர்!

தாகமோ விக்கலோ வந்தால் மட்டுமே சிலர் தண்ணீரைத் தேடுவார்கள். இது தவறு. குறைந்தபட்சம் ஒரு நாளைக்கு 8 டம்ளர் தண்ணீராவது குடிக்க வேண்டும். போதுமான தண்ணீர் குடிக்கா விட்டால் சிறுநீர் இயக்கம் பாதிக்கப்படும். உடலில் உள்ள நீர் அளவு குறைந்து உப்புக் கல் உருவாகி விடும். மலச்சிக்கல் ஏற்படும். தலைவலி, நரம்பு தளர்ச்சி, பசியின்மை என பல பிரச்னைகள் வரும். எனவே குடிங்க, குடிங்க, குடிதண்ணீரை குடிச்சுக்கிட்டே இருங்க!

நகத்தில் பூ?

நகத்திற்கும் நோய்களுக்கும் நிறைய தொடர்பு இருக்கிறது. நகத்தை வைத்தே நோய்களை அறியலாம். நகம் வெளுத்து காணப்பட்டால் ரத்த அணுக்கள் குறைவு என்று அர்த்தம். இது ரத்தசோகை வருவதற்கான அறிகுறி. இதேபோல், தாது உப்புச் சத்து குறைவாக இருந்தால் நகங்கள் உடையும். நகத்தில் பூ விழுந்தால் அதிர்ஷ்டம் என்று நினைப்பது மூடநம்பிக்கை. கால்சியம் குறைபாடு இருந்தால் நகத்தில் பூ விழும். இனிமேல் நகம் மீதும் ஒரு கண் வையுங்க..


தரைல படுங்க!

மெத்தை விரித்து தூங்குவது சுகமாகத்தான் இருக்கும். ஆனால், அதில் ஆபத்தும் இருக்கிறது. மனிதனின் முதுகெலும்புக்கு படுக்கும் போதுதான் முழு ஓய்வு கிடைக்கும். சமதளமான இடத்தில் படுத்து உறங்கினால் முதுகெலும்புக்கு நல்லது. பஞ்சணைகள் வைத்துப்படுத்தால் சமதளப் பகுதி கடினமாக மாறி விடும். இதனால் முதுகெலும்புக்கு போதிய ஓய்வு இல்லாமல் முதுகு வலி ஏற்படும். ஸோ, உங்களுக்கு முதுகு வலி இருக்கிறதா? தரையில் படுத்து பாருங்க!


சூரிய குளியல்

சூரிய ஒளியில் பல நன்மைகள் உள்ளன. விடியற்காலையில், சூரிய ஒளியில் புற ஊதாக் கதிர்கள் அதிகமாக வெளிப்படும். இதில் வைட்டமின் ‘டி’ சத்து அதிகமாக இருப்பதால் உடலுக்கு நல்லது. வைட்டமின் டி பற்றாக்குறையால் குழந்தைகளுக்கு வரும் ரிக்கெட்ஸ், எலும்பு சம்பந்தப்பட்ட நோய்களை குணமாக்கும் ஆற்றல் சூரிய ஒளிக்கு உண்டு. அதுமட்டுமல்ல, தோலிலுள்ள நோய்க்கிருமிகளை அழிக்கும் ஆற்றலும் சூரிய ஒளிக்கு உண்டு.