நஜிப்பின் மக்கள்செல்வாக்கு விலைஉயர்வுகளினால் 69%-க்குச் சரிந்தது

by **சிவா** Fri Dec 24, 2010 11:10 pm

மக்களிடையே பிரதமர் நஜிப் அப்துல் ரசாக்கின் செல்வாக்கு இலேசான சரிவு கண்டிருக்கிறது. மே மாதம் 72 விழுக்காடாக இருந்த அது இப்போது மூன்று புள்ளிகள் குறைந்து 69 விழுக்காடாகியுள்ளது.

அவருக்குள்ள செல்வாக்கை அளவிட மெர்டேகா ஆய்வுமையம் நடத்திய ஒரு கணக்கெடுப்பில் இது தெரியவந்தது. நஜிப் இந்தியர்களிடையே அதிக மதிப்பைப் பெற்றிருப்பதை அது காண்பித்தது. ஆண்டுமுழுவதும் அவர்களிடையே பிரதமரின் மதிப்பு உயர்ந்தே இருந்தது.

இந்தியர்களிடையே,மே மாதம் 80 விழுக்காடாக இருந்த நஜிப்பின் செல்வாக்கு டிசம்பரில் 85 விழுக்காட்டுக்கு உயர்ந்தது. என்றாலும் இவ்வாண்டு மார்ச் மாதம் 91 விழுக்காடாக உயர்ந்திருந்த நிலையுடன் ஒப்பிடும்போது இது குறைவுதான்.

ஆனால், மலாய்க்காரர்களிடமும் (77-விழுக்காட்டிலிருந்து 74 விழுக்காடு) சீனர்களிடத்திலும் (58 விழுக்காட்டிலிருந்து 54 விழுக்காடு) நஜிப்பின் செல்வாக்கு சரிவு கண்டிருந்தது.

மெர்டேகா மையம், 21 வயதுக்கு மேற்பட்ட 1,005 பேரிடம் இந்தக் கணக்கெடுப்பை மேற்கொண்டது.

தொலைபேசி அழைப்புகளின்வழி நவம்பர் 30 தொடங்கி டிசம்பர் 11 வரை அந்தக் கணக்கெடுப்பு நடத்தப்பட்டது.

நஜிப்பின் செல்வாக்கு பிஎன்னின் தேர்தல் பரப்புரையில் அவரே அதன் முக்கிய சொத்தாக விளங்குகிறார் என்பதை உறுதிப்படுகிறது.

அவர் பிரதமராக பதவியேற்றபோது அவரின் செல்வாக்கின் அளவீடு 44 விழுக்காடு என்ற எல்லைக்குள்தான் இருந்தது என்பது குறிப்பிடத்தக்கது.

நஜிப்பின் மக்கள்செல்வாக்கு விலைஉயர்வுகளினால் 69%-க்குச் சரிந்தது Polls

மலேசியாஇன்று!

by vbharathan Sat Dec 25, 2010 6:40 am

எனக்கறிந்த வகையில் மற்ற சமீபத்திய மலேசியா பிரதமர்களில் இவர் ஒருவர் மட்டும் தான் இந்தியா சமுதாய மக்களுக்கு ஆதரவான முன்னேற்ற உதவிகளை செய்தவாராய்யும், நல்ல அபிமானம் உள்ளவராகவும் இருக்கிறார். மற்ற ஏனைய முந்தைய பிரதமர்கள் நம்ம ஊரு கருங்கண்ணாடி போட்ட பெருசு மாதிரி தான்

நஜிப்பின் மக்கள்செல்வாக்கு விலைஉயர்வுகளினால் 69%-க்குச் சரிந்தது

நஜிப்பின் மக்கள்செல்வாக்கு விலைஉயர்வுகளினால் 69%-க்குச் சரிந்தது

Re: நஜிப்பின் மக்கள்செல்வாக்கு விலைஉயர்வுகளினால் 69%-க்குச் சரிந்தது