நெருப்பு உண்ட பறவைகளே! (கவிதை)

**kirikasan** · **kirikasan** Sat Dec 18, 2010 2:36 pm

நெருப்புண்டு இடிபோர்த்து மின்னலேந்தி
நின்றுகளம் கண்டவரே நெஞ்சம்சோர்ந்து
கருப்பென்று வாழ்வாகிக் காய்ந்தே போனோம்
கண்ணீரும் வற்றியது கண்கள்பூத்து
உருக்குலைந்து ஓடுகிறோம் வாழ்வி னெல்லை
ஓரத்தில் நிற்கின்றோம் உறுதிகொண்டு
திருப்புவோம் ஓடியே செல்லும் பாதை
திசைநடந்து தேசத்தை காப்போம் பாரீர்

தெருவெல்லாம் பெரஹரா ஊர்வலங்கள்
திமிர்கொண்ட யானைகளும் சிங்கம்கூடி
கருமமாம் எம்தேசம் ஈழம்தன்னில்
காட்டாற்று வெள்ளமாய் பரவுதப்பா
செருப்படியே கொடுத்தவரை விரட்ட வென்றால்
திசைமாறித் தம்பிசிலர் தெற்கே செல்ல
விருப்புற்று நான்குகால் நன்றிகுரியோன்
நக்கும்சிறு தட்டேந்தி நகர்ந்தே கெடுத்தார்

வருத்தமுடன் நின்றாலும் வளையமாட்டோம்
வாதாடி உலகத்தில் உண்மைகாக்க
விருப்பமுடன் புறப்பட்டோம் வேகம்காண
வேங்கைகளின் மைந்தர்களே ஆசீர்வதியும்
சரித்திரமும் படைத்திடவே திடமும் கொண்டோம்
சத்தியமும் ஜெயித்திடவே உரமும் கொண்டோம்
பருத்த ஒருமாற்றத்தே செய்தே நிற்போம்
பனிவிலகிச்சூரியனாய் ஈழம் தோன்றும்

குருத்துகளே சாய்ந்துவிட்ட குணத்தின்குன்றே
குழுமி ஒரு திரைகடலாய் ஆர்ப்பரித்து
விருப்புகளை நிறைவேற்ற, வெள்ளி பூத்து
விடிந்துவிட, தமிழ் ஈழம் வென்றேகொள்ள
மருத்துவமே செய்துமன நோயை மாற்றி
மாற்றானைக் குணமடையச்செய்தே மேலும்
திருப்பணிகள் ஆற்றிப் பலபேய்கள் ஓட்டி
தெய்வத்தமி ழீழத்தை காப்போம் காணீர்

கலைவேந்தன் · கலைவேந்தன் Sun Dec 19, 2010 3:07 pm

தமிழீழக் கனவு நனவு பட வேண்டுமென்ற ஆதங்கம் உங்கள் கவின் மிகு வரிகளில் அழகாக எடுத்தியம்பி இருக்கிறிர்கள் கிரிகாசன்...!

கண்ணீரும் வற்றியது கண்கள்பூத்து
உருக்குலைந்து ஓடுகிறோம் வாழ்வி னெல்லை
ஓரத்தில் நிற்கின்றோம் உறுதிகொண்டு
திருப்புவோம் ஓடியே செல்லும் பாதை
திசைநடந்து தேசத்தை காப்போம் பாரீர்

ஓங்கிப் பறையறைந்து ஓதிடும் உன்வரிகள்
தாங்கிடும் தமிழரின் ஏக்கங்கள்...நீ வாழி...!

**kirikasan** · **kirikasan** Sun Dec 19, 2010 3:17 pm

கலை wrote:தமிழீழக் கனவு நனவு பட வேண்டுமென்ற ஆதங்கம் உங்கள் கவின் மிகு வரிகளில் அழகாக எடுத்தியம்பி இருக்கிறிர்கள் கிரிகாசன்...!

கண்ணீரும் வற்றியது கண்கள்பூத்து
உருக்குலைந்து ஓடுகிறோம் வாழ்வி னெல்லை
ஓரத்தில் நிற்கின்றோம் உறுதிகொண்டு
திருப்புவோம் ஓடியே செல்லும் பாதை
திசைநடந்து தேசத்தை காப்போம் பாரீர்

ஓங்கிப் பறையறைந்து ஓதிடும் உன்வரிகள்
தாங்கிடும் தமிழரின் ஏக்கங்கள்...நீ வாழி...!

நன்றிகள் கலையண்ணா!

பெரும் நம்பிக்கை இருந்தது. இவையெல்லாம் கனவுகளோ என்றா சந்தேகம் எழுகிறது. வெளி நாட்டில் என்ன நடக்கிறது என்று புரியவில்லை. இன்று சிவா இணைத்துள்ள கட்டுரை ஒன்று படித்தீர்களா
”அன்பார்ந்த புலம் பெயர் மக்களே” என்று!

என் கவிதையெல்லாம் கற்பனை மட்டும்தானோ?

தமிழ்ப்ரியன் விஜி · 26/06/2009

வருத்தமுடன் நின்றாலும் வளையமாட்டோம்
வாதாடி உலகத்தில் உண்மைகாக்க
விருப்பமுடன் புறப்பட்டோம் வேகம்காண
வேங்கைகளின் மைந்தர்களே ஆசீர்வதியும்
சரித்திரமும் படைத்திடவே திடமும் கொண்டோம்
சத்தியமும் ஜெயித்திடவே உரமும் கொண்டோம்
பருத்த ஒருமாற்றத்தே செய்தே நிற்போம்
பனிவிலகிச்சூரியனாய் ஈழம் தோன்றும்

அருமை ஐயா வீர்கொண்ட உணர்வுகள் வீழ்வதும் எழுவதும் வரிகளில் ...