உளுத்தங்களி

by **krishnaamma** Thu Dec 23, 2010 11:46 am

First topic message reminder :

உளுத்தங்களி, உளுத்தங்க கஞ்சி எல்லாமே குருக்க்கு (இடுப்புக்கு நல்லது)
உளுந்து சுண்டல், உளுந்து வடையும் சாப்பிடலாம்.

தேவையானவை:

தோலுடைய முழு உளுத்தம் பருப்பு - 1 1/4 கப்
பனை வெல்லம் - 200 கிராம்
நெய் 100 கிராம்
ஏலக்காய் தூள் - அரை தேக்கரண்டி
தண்ணீர் - அரை லிட்டர்

செய்முறை:

உளுந்தை சிவக்க வறுத்து நன்கு பவுடராக அரைத்து சலித்து கொள்ளவும். ஒரு உருளியில் தண்ணீர் ஊற்றி பனை வெல்லத்தை இடித்து கரைத்து தெளிய வைத்து வடிகட்டிக் கொள்ளவும்.
பின் உளுந்து மாவில் கலந்து கட்டியில்லாமல் கரைத்து அடுப்பில் வைத்து கரண்டியால் கிளறிக்கொண்டே இருக்கவும்.
சுருண்டுவரும் பதம் வந்ததும் நெய், ஏலக்காய் தூள் சேர்த்து சிறிது நேரம் கிளறி இறக்கவும்.

குறிப்பு: சிலர் நல்லெண்ணெய் விட்டும் செய்வார்கள்.

by **krishnaamma** Mon Oct 08, 2012 5:24 pm

தேவையானவை :

குண்டு உளுத்தம் பருப்பு - 1/4 கிலோ
கருப்பட்டி(பனை வெல்லம்) - 1/2 கிலோ
ஏலக்காய் - 10
முற்றிய தேங்காய் - 1
சுக்கு - 1/2 அங்குல நீளம்.

செய்முறை :

உளுத்தம்பருப்பை வாசனை வரும் வரை லேசாக வறுக்கவும்.
ஆறிய பின் 1/2 மணி நேரம் ஊற வைக்கவும்.
தேங்காயை துருவி முதல் பால் 1/4 லிட்டர் அளவும், இரண்டாம் பால் 1/4 லிட்டர் அளவும் எடுக்கவும்.
உளுத்தம்பருப்பை கிரைண்டரில் போட்டு கெட்டியாக அரைக்கவும்.
கருப்பட்டியை நசுக்கி 1/2 லிட்டர் வெந்நீரில் கரைத்துக்கொள்ளவும்.
சுக்கையும்,ஏலக்காயையும் பொடியாக்கி மாவுடன் சேர்க்கவும்.
கிரைண்டரை அலம்பி அந்த தண்ணீர் சேர்த்து அடுப்பில் வைத்து கிளறவும்.
(மொத்தம் ஒரு அரை லிட்டர் இருக்கலாம் )
கருப்பட்டியை கரைத்த நீரை வடிகட்டி மாவுடன் சேர்த்து கொதிக்க விடவும்.
நன்கு கொதித்து திக்காக வரும் போது ஒரு சிட்டிகை உப்பும், இரண்டாம் தேங்காய்ப்பாலும் சேர்க்கவும்.
கைவிடாமல் கிளறவும்.
ஒரு 5 நிமிடம் கழித்து முதல் தேங்காய்ப்பாலை ஊற்றி ஒரு கொதி வந்ததும் இறக்கவும்.
சுவையான உளுத்தங்கஞ்சி தயார் புன்னகை

குறிப்பு : அடுப்பில் இருக்கும் பொது அடிக்கடி கிளறி விட வேண்டும். இல்லையேல் அடி பிடித்துவிடும். பெண்களுக்கு இடுப்புக்கும், ஆண்களுக்கு நெஞ்சுக்கும் மிகவும் நல்லது. கர்ப்பிணிப்பெண்களுக்கு அடிக்கடி செய்து கொடுத்தால் பிரசவம் சுலபமாக இருக்கும். சேலம் மாவட்ட சிறப்பு உணவு.

by **மாணிக்கம் நடேசன்** Mon Oct 08, 2012 5:47 pm

அன்பான அக்கா, இதையெல்லாம் சப்பிட்டால் தலையில் முடி முளைக்குமா, ரொம்ப மோசமா இருக்கு தல, ஏதாவது நல்ல பதிலா சொல்லுங்க அக்கா, உங்க ஊருள எல்லாம் என்ன போத்தா போத்தான்னு சொல்லுராங்க, அர்த்தம் சிவா மாமா அங்கள் கிட்ட கேளுங்க, சொல்லுவாரு.

by **மாணிக்கம் நடேசன்** Mon Oct 08, 2012 5:49 pm

உங்க ஊருள இல்ல எங்க ஊருள, மனக்கஷ்டத்துல தப்பா டைப் அடிச்சுட்டேன்.

by **krishnaamma** Mon Oct 08, 2012 9:20 pm

மாணிக்கம் நடேசன் wrote:உங்க ஊருள இல்ல எங்க ஊருள, மனக்கஷ்டத்துல தப்பா டைப் அடிச்சுட்டேன்.

by யினியவன் Mon Oct 08, 2012 9:23 pm

அம்மா சொன்ன களிய தலைல தடவுனா நல்லா
முடி வளர்ந்து ரெட்டை சடை போடலாமாம் அய்யா. புன்னகை

by **krishnaamma** Mon Oct 08, 2012 9:26 pm

யினியவன் wrote:அம்மா சொன்ன களிய தலைல தடவுனா நல்லா
முடி வளர்ந்து ரெட்டை சடை போடலாமாம் அய்யா.

by யினியவன் Mon Oct 08, 2012 9:28 pm

krishnaamma wrote:

களிய வயிறார சாப்பிட்டுட்டு கைய தலைல தடவினாலும் ஒகேதானேம்மா? புன்னகை

by அசுரன் Mon Oct 08, 2012 9:59 pm

krishnaamma wrote:
யினியவன் wrote:அம்மா சொன்ன களிய தலைல தடவுனா நல்லா
முடி வளர்ந்து ரெட்டை சடை போடலாமாம் அய்யா.

ஒருவேளை இப்படி திட்டுற மாதிரி திட்டிட்டு களிய பயன்படுத்துறாரோ இனியவன் நக்கல் நாயகம்

by **krishnaamma** Tue Oct 09, 2012 9:50 am

யினியவன் wrote:
krishnaamma wrote:
களிய வயிறார சாப்பிட்டுட்டு கைய தலைல தடவினாலும் ஒகேதானேம்மா?

ஒ ... அப்படி வேற நடக்குதா ? புன்னகை

by **krishnaamma** Tue Oct 09, 2012 9:51 am

அசுரன் wrote:
krishnaamma wrote:
யினியவன் wrote:அம்மா சொன்ன களிய தலைல தடவுனா நல்லா
முடி வளர்ந்து ரெட்டை சடை போடலாமாம் அய்யா.

ஒருவேளை இப்படி திட்டுற மாதிரி திட்டிட்டு களிய பயன்படுத்துறாரோ இனியவன்

இருக்கலாம் ... இருக்கலாம் புன்னகை