ஈகரை தந்த தங்கை

First topic message reminder :

ஈகரை தந்த தங்கை - Page 2 00ps054mfcu

தொப்புள் கொடி உறவு இல்லை..உன்
சொந்த பந்தத்திலும் நானில்லை..
குடும்ப அட்டையில் பெயரில்லை..நீ
குடியிருக்கும் வீட்டின் அருகிலில்லை..
ஆனாலும்...நான் உன் அண்ணனே..!

மழலைகல்வி பயில சேர்ந்து நாம் சென்றதில்லை..
மதியஉணவும் நாம் பகிர்ந்ததில்லை..-என்
பள்ளிப் புத்தகத்தில்..உன் கிறுக்கலில்லை-.உந்தன்
கபடமில்லா சிரிப்பும் நான் கண்டதில்லை..

பால்நிலா பார்த்து சாதம் உண்ணவில்லை..நம்
பாட்டியையும் அங்கே நான் பார்த்ததில்லை..உன்
பாட்டும் பரதமும் கண்டதில்லை..
வீட்டின் விட்டதில் பட்டம் விட்டதில்லை..உன்
பட்டு பாதமும் எனை எட்டி உதைத்ததில்லை

ஆற்றுக்குச் சென்று ஆடிக் குளித்ததில்லை..நாம்
அதனோரம் தூண்டிலில் மீன் பிடித்ததில்லை.
அலைகடல் மண்ணில் வீடு கட்டியதில்லை.-உனக்காக
மழையில் நனைந்து நான் ஆடிக் குதித்ததில்லை.

வீட்டுத் தோட்டத்தில் பூ பறித்ததில்லை..உன்
விளையாட்டு தனத்தையும் நான் ரசித்ததில்லை..
சோர்வு போக்க உனை சிரிக்க வைத்ததில்லை..
அடம்பிடித்து நீ எதையும் கேட்டதில்லை...நீ கேட்காத
அதையும் வாங்கி தந்ததில்லை... .

சோகத்துடன் என் தோளில் நீ சாய்ந்ததில்லை.-உன்
வழிகின்ற விழிநீரை நான் துடைத்ததில்லை.
வாழும் தூரம் அதிகமிருந்தும் நம்மில்
வளர்ந்த பாசம் தூரமில்லை..

வரமும் தரவில்லை..இறைவனும்.. நாமும்
ஒரு தாயின் வயிற்றில் பிறக்கவில்லை..இந்த.
வசந்தமும் கிடைக்கவில்லை இதுவரையும்..-இனி
வருகின்ற காலமதில் மீதமும் கிட்டுமோ..?
வசந்தமும் நம்மோடு வலய வருமோ..?

இருவரையும் எங்கேயோ.. விதைத்து..
எங்கேயோ விளைய வைத்து.. இன்று
இக்கரையில் நானும்,அக்கரையில் நீயும்..
நம் உறவின் பாசமாய்..பாலமாய்..ஈகரையும்.

காதலன்றி.. கலப்பு திருமணமின்றி..
இப்படியும் மாற்றலாமோ..? இந்த நாட்டை..
இன மத ஜாதியற்ற அன்பெனும்..வடிவம் கொண்டு..
அளவற்ற நேசம் கொண்டு...
அண்ணன் தங்கை பாசம் கொண்டு.

பருவம்.2.வரம் தராத வசந்தங்கள்.. என்ற தலைப்பில் எழுதியது..
தற்போது என் பகுதியில் இணைக்கிறேன்.

by மகாலிங்கம் Mon Dec 27, 2010 8:27 pm

மிகவும் நெகிழ்வான கவிதை. வாழ்த்துக்கள்.

by கலைவேந்தன் Tue Dec 28, 2010 12:00 am

தங்கைக்கோர் கவிதை எழுதிய பாசமிகு அண்ணனுக்கும் அந்த பாசத்துக்கு அடிப்படையாய் அமைந்த புவனா குட்டித்தங்கைக்கும் என் அன்பான வாழ்த்துகள்...!

by srinihasan Tue Dec 28, 2010 11:38 am

நண்பா மிக்க மகிழ்ச்சி .... தங்கைக்கு ஓர் கீதமாய்... அன்பு பாசமலர்கள் போல் கவிதை வரிகளால் அன்பினை காட்டி உள்ளீர்கள்.... அன்று தொலைபேசியில் சொன்னது போல் இன்று படிப்பதிலும் உண்மையான சந்தோஷம் இதயத்தில்... என்றும் அன்பின் உறவுகள் நிலைத்திருக்க இறைவனை வேண்டுகிறேன்...

நானும் ஓர் அண்ணாவாக தங்கைக்கு இக்கவிதையை அன்பாய் அளிக்கிறேன்.... ஈகரை தந்த தங்கை - Page 2 154550

by புவனா Tue Dec 28, 2010 12:11 pm

நன்றி வாசன் அண்ணா...

by balakarthik Tue Dec 28, 2010 12:14 pm

srinihasan wrote:நண்பா மிக்க மகிழ்ச்சி .... தங்கைக்கு ஓர் கீதமாய்... அன்பு பாசமலர்கள் போல் கவிதை வரிகளால் அன்பினை காட்டி உள்ளீர்கள்.... அன்று தொலைபேசியில் சொன்னது போல் இன்று படிப்பதிலும் உண்மையான சந்தோஷம் இதயத்தில்... என்றும் அன்பின் உறவுகள் நிலைத்திருக்க இறைவனை வேண்டுகிறேன்...

நானும் ஓர் அண்ணாவாக தங்கைக்கு இக்கவிதையை அன்பாய் அளிக்கிறேன்....

ரிப்பீட்டு மகிழ்ச்சி