ஈகரை தந்த தங்கை

தொப்புள் கொடி உறவு இல்லை..உன்
சொந்த பந்தத்திலும் நானில்லை..
குடும்ப அட்டையில் பெயரில்லை..நீ
குடியிருக்கும் வீட்டின் அருகிலில்லை..
ஆனாலும்...நான் உன் அண்ணனே..!

மழலைகல்வி பயில சேர்ந்து நாம் சென்றதில்லை..
மதியஉணவும் நாம் பகிர்ந்ததில்லை..-என்
பள்ளிப் புத்தகத்தில்..உன் கிறுக்கலில்லை-.உந்தன்
கபடமில்லா சிரிப்பும் நான் கண்டதில்லை..

பால்நிலா பார்த்து சாதம் உண்ணவில்லை..நம்
பாட்டியையும் அங்கே நான் பார்த்ததில்லை..உன்
பாட்டும் பரதமும் கண்டதில்லை..
வீட்டின் விட்டதில் பட்டம் விட்டதில்லை..உன்
பட்டு பாதமும் எனை எட்டி உதைத்ததில்லை

ஆற்றுக்குச் சென்று ஆடிக் குளித்ததில்லை..நாம்
அதனோரம் தூண்டிலில் மீன் பிடித்ததில்லை.
அலைகடல் மண்ணில் வீடு கட்டியதில்லை.-உனக்காக
மழையில் நனைந்து நான் ஆடிக் குதித்ததில்லை.

வீட்டுத் தோட்டத்தில் பூ பறித்ததில்லை..உன்
விளையாட்டு தனத்தையும் நான் ரசித்ததில்லை..
சோர்வு போக்க உனை சிரிக்க வைத்ததில்லை..
அடம்பிடித்து நீ எதையும் கேட்டதில்லை...நீ கேட்காத
அதையும் வாங்கி தந்ததில்லை... .

சோகத்துடன் என் தோளில் நீ சாய்ந்ததில்லை.-உன்
வழிகின்ற விழிநீரை நான் துடைத்ததில்லை.
வாழும் தூரம் அதிகமிருந்தும் நம்மில்
வளர்ந்த பாசம் தூரமில்லை..

வரமும் தரவில்லை..இறைவனும்.. நாமும்
ஒரு தாயின் வயிற்றில் பிறக்கவில்லை..இந்த.
வசந்தமும் கிடைக்கவில்லை இதுவரையும்..-இனி
வருகின்ற காலமதில் மீதமும் கிட்டுமோ..?
வசந்தமும் நம்மோடு வலய வருமோ..?

இருவரையும் எங்கேயோ.. விதைத்து..
எங்கேயோ விளைய வைத்து.. இன்று
இக்கரையில் நானும்,அக்கரையில் நீயும்..
நம் உறவின் பாசமாய்..பாலமாய்..ஈகரையும்.

காதலன்றி.. கலப்பு திருமணமின்றி..
இப்படியும் மாற்றலாமோ..? இந்த நாட்டை..
இன மத ஜாதியற்ற அன்பெனும்..வடிவம் கொண்டு..
அளவற்ற நேசம் கொண்டு...
அண்ணன் தங்கை பாசம் கொண்டு.

பருவம்.2.வரம் தராத வசந்தங்கள்.. என்ற தலைப்பில் எழுதியது..
தற்போது என் பகுதியில் இணைக்கிறேன்.

by varsha Thu Dec 23, 2010 10:23 am

நல்ல கவிதை அண்ணா ஈகரை தந்த தங்கை 677196

யார் அந்த அதிஷ்டசாலி தங்கை

by தாமு Thu Dec 23, 2010 1:12 pm

நல்ல கவிதை

யார் அந்த அதிஷ்டசாலி தங்கை சிரி

by thippu Thu Dec 23, 2010 1:18 pm

by ரபீக் Thu Dec 23, 2010 1:33 pm

பிரமாதம் சூர்யா ,,,,,,, மகிழ்ச்சி

by **சிவா** Thu Dec 23, 2010 2:38 pm

///இருவரையும் எங்கேயோ.. விதைத்து..
எங்கேயோ விளைய வைத்து.. இன்று
இக்கரையில் நானும்,அக்கரையில் நீயும்..
நம் உறவின் பாசமாய்..பாலமாய்..ஈகரையும்.

காதலன்றி.. கலப்பு திருமணமின்றி..
இப்படியும் மாற்றலாமோ..? இந்த நாட்டை..
இன மத ஜாதியற்ற அன்பெனும்..வடிவம் கொண்டு..
அளவற்ற நேசம் கொண்டு...
அண்ணன் தங்கை பாசம் கொண்டு.////

புவானாவிற்கு எழுதிய இக்கவிதை வரிகள் நம் உறவுகள் ஒவ்வொருவருக்கும் பொருந்தும் பாஸ்!

மிகவும் அருமை!

by உதயசுதா Thu Dec 23, 2010 2:41 pm

தங்கைக்காக எழுதி இருக்கற கவிதை அருமை சூர்யா

இக்கவிதைக்கு போட்டியின் போது வாக்குகள் இட்ட உள்ளங்களுக்கும்..
தற்போது வாழ்த்திய
வர்சா
தாமு
திப்பு
ரபிக்
சிவா
உதயசுதா
அவர்களுக்கு என் மனமார்ந்த நன்றிகள்.. ஈகரை தந்த தங்கை 678642

by புவனா Mon Dec 27, 2010 3:00 pm

இந்த தங்கைக்காக கவி எழுதிய அண்ணனுக்கு....

ஜாதிகள் களைந்து...

சமத்துவம் மலர்ந்து...

கவிதைகளில் இணைந்து..

உரையாடலில் பகிர்ந்து...

உள்ளமதில் இணைந்து...
அழகாய் கிடைத்தாய் நீ என் அண்ணனாய்...

தடுமாறும் பொழுது தோழனாய்
தவறிழைக்கும் பொழுது தந்தையாய்
மனம் துவளும் பொழுது அன்னையாய்
அனைத்துமான அண்ணனாய் அருகில் நீ
இல்லை என்றல் என்ன...
என்றும் இணைபிரியா தொடர்பில் இருக்கிறாயே...

எங்கள் உறவுகளை இணைத்த ஈகரைக்கு நன்றி....

by **Aathira** Mon Dec 27, 2010 7:30 pm

ஒவ்வொரு எழுத்திலும் பாசம் பசுமையாய்த் தெரிகிறது. பாசமாக் இணைந்த இரு உள்ளங்களுக்கும் இதே பிணைப்பு தொடர வாழ்த்துக்கள்.. அன்பான வாழ்த்துக்கள் சூர்யா- புவனா.. ஈகரை தந்த தங்கை 755837