"தமிழ்த் தாழி" கட்டியிருந்த பெண் கனடா நாட்டின் பாதுகாப்பிற்கு அச்சுறுத்தலாம்!

நிசாந்தன் · நிசாந்தன் Thu Dec 23, 2010 3:09 am

கடந்த ஓகஸ்ட் மாதம் கனடாவை அடைந்த எம்.வி சன் சீ கப்பலில் சென்ற அகதிப் பெண்ணொருவர் கனடா நாட்டின் பாதுகாப்புக்கு அச்சுறுத்தல் எனக் கூறப்பட்டுத் தடுத்து வைக்கப்பட்டுள்ளார். இவர் தமிழீழ விடுதலைப் புலிகளின் நிதியுதவியுடன் நடாத்தப்பட்ட ஒரு நூலகத்தில் பணியாற்றியதாகவும், இவர் 'தமிழ்த் தாலி' கட்டியிருந்ததாகவும் தெரிவிக்கப்படுகிறது. தமிழீழ விடுதலைப் புலிகள் இயக்கத்தில் உள்ளவர்களுக்கு மட்டுமே வழங்கப்படும் இந்தத் தாலியால் அவரை கனேடிய அதிகாரிகள் சந்தேகப்படுவதாகவும் செய்திகள் தெரிவிக்கின்றன. இவரால் கனடா நாட்டின் பாதுகாப்புக்கு அச்சுறுத்தல் எனத் தெரிவித்து அவர் தடுத்து வைக்கப்பட்டுள்ளார்.

மேற்படி பெண்ணின் விவரங்களை வெளியிட தடையுள்ளதால் அவரைப் பற்றி மேலும் தகவல் கிடைக்கவில்லை. இப்பெண்மணி மணமுடித்த நபரும் ஒரு விடுதலைப் புலி உறுப்பினர் எனக் கூறப்படுகிறது. அவரது விவரங்களும் வெளிவிடப்படவில்லை. தடுத்து வைக்கப்பட்ட பெண்மணி மீளாய்வு விசாரணைகளுக்கு நேரில் ஆஜராகவில்லை என்றும், தொலைபேசி ஊடான விசாரணைகளை மொழிபெயர்ப்பாளர் ஒருவரை அமர்த்தி அவரிடம் கேள்விகள் கேட்கப்பட்டதாகவும் மேலும் கூறப்பட்டுள்ளது.

இப்பெண்ணின் கணவரைப் பற்றிக் கேட்கப்பட்ட கேள்விகளுக்கு அவர் தெளிவற்ற பதில்களை வழங்கியுள்ளதாக கனேடிய அதிகாரி தெரிவித்துள்ளார். சன் சீ கப்பலில் பயணித்த 492 பேரில் தனது குடும்பத்தைத் தவிர வேறொருவரையும் தனக்குத் தெரியாதென இப்பெண் தெரிவித்துள்ளார். ஆனால் சன் சீ அகதிகள் சிலர் தமக்கு இவரைத் தெரியும் எனப் பதிலளித்துள்ளனராம்.

"தமிழ்த் தாழி" கட்டியிருந்த பெண் கனடா நாட்டின் பாதுகாப்பிற்கு அச்சுறுத்தலாம்!

"தமிழ்த் தாழி" கட்டியிருந்த பெண் கனடா நாட்டின் பாதுகாப்பிற்கு அச்சுறுத்தலாம்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக