வெங்காயம் விலை உயர்வால் பரமக்குடி ஓட்டல்களில் முட்டைகோஸ் ஆம்லேட்

**krishnaamma** · **krishnaamma** Wed Dec 22, 2010 9:14 pm

வெங்காயத்தின் விலை அதிரடியாக உயர்ந்துள்ளதால் பரமக்குடி பகுதியில் உள்ள ஓட்டல்களில் ஆம்லேட் கிடையாது என அறிவிப்பு பலகை வைக்கப்பட்டுள்ளது.

வெங்காயத்தின் விலை எப்போதும் இல்லாத வகையில் தற்போது விண்ணை தொடும் அளவுக்கு உயர்ந்துள்ளது. சமீபத்தில் பெய்த தொடர் மழை காரணமாக வெங்காய பயிர்கள் அழுகி நாசமடைந்ததால் உற்பத்தி வெகுவாக குறைந்தது. தேவை அதிகமாகி உற்பத்தி குறைந்ததன் காரணமாக வெங்காயத்தின் விலை வரலாறு காணாத அளவுக்கு உயர்ந்து விட்டது. பக்கத்து நாடான பாகிஸ்தானில் இருந்து வெங்காயம் இறக்குமதி செய்யும் அளவிற்கு நிலைமை வந்துவிட்டது.

குறிப்பாக சின்ன வெங் காயத்தின் விலை கிலோ ரூ.40 முதல் ரூ.60 வரையிலும், பெரிய வெங்காயம் ரூ.80 முதல் ரூ.100 வரையிலும் விற்கப்படுகிறது. இதனால் பொதுமக்கள் வெங் காயத்தை வாங்குவதற்கு பெரிதும் தயக்கம் காட்டி வருகின்றனர். ஓட்டல் களிலும் வெங்காயத்தின் பயன்பாட்டை மிகவும் குறைத்து விட்டனர்.

ராமநாதபுரம் மாவட்டம் பரமக்குடியில் உள்ள காய்கறி மார்க்கெட்டில் நேற்று முன்தினம் பெரிய வெங்காயத்தின் விலை கிலோ ரூ.40 ஆக இருந்தது. நேற்று ரூ.56-க்கு விற்கப் பட்டது. இன்று ரூ.100 ஆக உயர்ந்துள்ளது. எனவே பொதுமக்கள் வெங் காயத்தை வாங்க முன் வராததால் அவை அப் படியே சாக்கு மூட்டை களில் தேக்கம் அடைந்துள்ளன.

பரமக்குடியில் உள்ள ஓட்டல்களில் வெங்காய விலை உயர்வு எதிரொலி யாக ஆம்லேட் கிடையாது என்று அறிவிப்பு பலகை வைக்கப்பட்டுள்ளது. ஒரு சில கடைகளில் வெங்காயத்திற்கு பதிலாக முட்டைகோசை பயன்படுத்தி ஆம்லேட் தயார் செய்து கொடுக்கிறார்கள். அந்த ஆம்லேட்டும் ரூ.8-க்கு விற்கப்படுகிறது. இதனால் ஆம்லேட் பிரியர்கள் பெரிதும் ஏமாற்றம் அடைந் துள்ளனர்.

வெங்காயம் விலை உயர்வால் பரமக்குடி ஓட்டல்களில் முட்டைகோஸ் ஆம்லேட்

வெங்காயம் விலை உயர்வால் பரமக்குடி ஓட்டல்களில் முட்டைகோஸ் ஆம்லேட்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக