கள்ளக்காதலுக்கு தடையாக இருந்த மகள் கொலை!

ரபீக் · ரபீக் Tue Dec 21, 2010 11:36 am

கள்ளக்காதலனுடன் உள்ள தொடர்பு அம்பலமாகி விடுமோ என்ற பயத்தில் தன்து எட்டு வயது மகளை அணைக்கட்டில் தள்ளி கொலை செய்த பெண்ணும் அவளது கள்ளக் காதலனும் காவல்துறையினரால் கைது செய்யப்பட்டனர்.

பெங்களூரு அருகே தலகட்டபுராவில் வசித்து வருபவர் நாகராஜ் இவரது மனைவி சரிதா இவர்களுக்கு தனுஸ்ரீ (வயது 8) என்ற மகளும், 3 வயதில் ஒரு மகனும் உள்ளனர். இந்நிலையில் சரிதா குடியிருந்த வீட்டு உரிமையாளர் மகன் சிவுவுடன், சரிதாவுக்கு தொடர்பு ஏற்பட்டது. கணவனுக்கு தெரியாமல் சிவுவுடன் செல்ல நினைத்த அவர், தன்னுடன் மகள் தனுஸ்ரீயையும் அழைத்து சென்றார். ஆனால், தனுஸ்ரீயை அழைத்து வந்தது சிவுவுக்கு பிடிக்கவில்லை. நம் உறவை தெரிந்து கொண்ட தனுஸ்ரீ, ஊர் திரும்பினால் அனைத்து உண்மைகளையும் சொல்லி விடுவார் என்று கருதிய சரிதா, மகளை கொல்ல முடிவு செய்தார்.

இதனையடுத்து இகலூர் அணைக்கட்டுக்கு சுற்றுலா செல்வதாக கூறி அழைத்து சென்றவர், தனுஸ்ரீயை அணைக்கட்டிலிருந்து கீழே தள்ளி கொலை செய்துவிட்டு காதலனுடன் சென்று விட்டார். இதற்கிடையில், தன் மனைவியையும், மகளையும் காணவில்லை என, சரிதா கணவர் நாகராஜ், காவல்துறையில் புகார் செய்தார். காவல் விசாரணையில், சரிதாவுக்கும், சிவுவுக்கும் இருந்த கள்ளத்தொடர்பு வெளிவந்தது. சிவுவும் ஊரில் இல்லாததால் காவல்துறையினரின் சந்தேகம் ஊர்ஜிதமானது.

உடனே மொபைல் போன் தொடர்புகளை காவல்துறையினர் தொடர்ந்து கண்காணித்தனர். அவர்கள் இருவரும், ஷிமோகாவில் தங்கியிருப்பது தெரியவந்தது. லாட்ஜ் ஒன்றில் தங்கியிருந்த அவர்களை கைது செய்து விசாரித்த போது, தனுஸ்ரீயை பற்றி தனக்கு எதுவும் தெரியாது. தன் கணவர் தான் அவரை கொன்றிருக்கலாம் என்று கூறினார்.

காவல்துறையினர் அவர்களது ஸ்டைலில் விசாரித்தனர். இதையடுத்து, தனுஸ்ரீயை அணைக்கட்டிலிருந்து தள்ளி கொலை செய்ததை, சரிதா ஒப்புக்கொண்டார். தர்மஸ்தலாவுக்கு சென்று தாலியை விற்று புதிய தாலி வாங்கி, சிவுவை திருமணம் செய்து கொண்டதையும், ஷிமோகா வந்து தங்கியதையும் கூறினார். அணைக்கட்டில் தனுஸ்ரீயை தள்ளி கொலை செய்த பகுதியை பார்வையிட்ட காவல்துறையினர் அவரது உடலை தேடினர்.

சிம்சா நதியில் அடித்து செல்லப்பட்ட தனுஸ்ரீயின் அழுகிய உடலை, சென்னபட்டணா அருகில் இருபாறைகளுக்கிடையே அவர் அணிந்திருந்த பள்ளி சீருடையுடன் கண்டெடுத்தனர். தலகட்டபுரா காவல்துறையினர் இவ்வழக்கை தீவிரமாக விசாரித்து வருகின்றனர்

inneram