தேவதாசிகள் யார்???

Jeyashalini · Jeyashalini Fri Dec 17, 2010 11:46 am

அய்யா!!!
தேவதாசி என்று குறிபிடுவது யாரை? அவர்களின் வேலை என்ன? அவர்களை பற்றிய விரிவான விளக்கத்தை தர முடியுமா?

**கா.ந.கல்யாணசுந்தரம்** · 28/02/2009

தேவதாசிகள் ஒரு பரம்பரை குலத்தொழிலை மேற்கொண்டுள்ளனர். கோவில்களில் இவர்கள் நடனம், நாட்டியம், நட்டுவாங்கம் போன்ற கலைத்துறைகளில் ஈடுபட்டு பரதக் கலையையும் வளர்த்துள்ளனர். தேவதாசிகள் திருமணம் கொள்ளாது வாழ்ந்து வந்துள்ளனர். சிலர் திருமணம் முறைப்படி கொண்டு தமது கலைத்தொழிளையும் மேற்கொண்டு வாழ்ந்து வந்தனர். கரக ஆட்டம், மயிலாட்டம், ஒயிலாட்டம் என்றும் கிராமப்புறக் கலைகளில் ஆர்வமுடன் ஈடுபட்டு வந்த இவர்களில் பலர் பாலியல் பலாத்காரத்திற்கு ஆட்பட்டு தங்கள் வாழ்வுதனில் விளைமகளிறாய் ஆனா கதைகளும் உண்டு. தெய்வீக சிந்தனைகளுடன் பரதம் ஆடி மாமன்னர்களின் சிற்றின்ப வேட்கைகளுக்கு முற்றுப்புள்ளி வைத்து அவர்களை இலக்கியம் படைக்க வைத்த வரலாற்று நாயகிகளாய் தேவதாசிகள் இருந்திருக்கின்றனர்.

வாழ்வியலனைத்தும் பெயர்க்காரணம் பெற்று தொழிலோடு இனம் கண்ட வரலாறு படைத்தது தமிழக மண்.

நன்றி ஜெயஷாலினி அவர்களே. எனக்கு தெரிந்தவரை உங்களுக்கு விளக்கினேன். மேலும் தகவல் தெரிந்தவர்கள் கருத்துக்களை பகிரலாம்.

அன்புடன், கா.ந.கல்யாணசுந்தரம்.

இந்த பதிவைத் துவங்கியவர் நன்றி கூறியுள்ளார் கா.ந.கல்யாணசுந்தரம்

**சிவா** · **சிவா** Fri Dec 17, 2010 1:22 pm

தாசிகள் அல்லது தேவதாசிகள் தமிழ் நாட்டுக் கோயில்களைச் சார்ந்த நாட்டியமாடும் மகளிர். “தேவ” அல்லது “தேவர” என்பதற்கு “தெய்வம்” என்று பொருள் கொள்ளலாம். “தேவதாசி”, என்பதற்கு தெய்வங்களுக்கு சேவகம் செய்வோர் அல்லது தெய்வங்களின் அடிமைகள் என்ற பொருள்.

இந்தக் கடவுள் அடிமைகள் திருமணம் செய்து கொள்ளக் கூடாது என்றும், இவர்களுக்கு கோவில் நிலமும் வழங்கப்பட்டது. இவர்களின் இந்தத் தனிமை வாழ்க்கையை தமக்குச் சாதகமாகப் பயன்படுத்திய ஆண்கள், தேவதாசிகள் என்றால் விலைமாதர் என்னும் நிலைக்குக் கொண்டு வந்து அதையே நடைமுறைப் படுத்தவும் செய்தனர்.

சங்க காலங்களில் உள்ள தேவதாசி என்பதற்கு, இப்பொழுது நாம் அழைக்கும் தேவதாசி என்ற சொல்லுக்கும் அர்த்தங்கள் மாறிவிட்டது!