நடிகர் அர்ஜூனின் தாய் தேர்தலில் நிற்கிறார்

by மோகன் Sun Dec 19, 2010 3:19 pm

நடிகர் அர்ஜூனின் தாய் லட்சுமி தேவம்மா தேர்தலில் நிற்கிறார்

கர்நாடகத்தில் வருகிற 26, 31-ந் தேதிகளில் 2 கட்டமாக மாவட்ட, தாலுகா பஞ்சாயத்து தேர்தல் நடக்கிறது. இந்த தேர்தலில் நடிகர் அர்ஜுனின் தாய் லட்சுமி தேவம்மா போட்டியிடுகிறார். தும்கூர் மாவட்ட பஞ்சாயத்து தொட்டேரியில் அவர் காங்கிரஸ் சார்பில் களத்தில் இறங்கி உள்ளார்.

இவர் ஏற்கனவே 1987-ம் ஆண்டு காங்கிரஸ் சார்பில் மாவட்ட பஞ்சாயத்து தேர்தலில் போட்டியிட்டு வெற்றி பெற்றவர். அவரது கணவர் சக்தி பிரசாத் மறைவுக்கு பிறகு அரசியலில் இருந்து சற்று ஒதுங்கி இருந்தார்.

இந்த நிலையில் மீண்டும் அவருக்கு காங்கிரஸ் கட்சி டிக்கெட் கொடுத்து போட்டியிட செய்துள்ளது. அவர் போட்டியிடும் தொட்டேரி அருகே அவரது சொந்த ஊரான ஜக்கேனஹள்ளி உள்ளது. ஜக்கேனஹள்ளியில் உள்ள பண்ணை வீட்டில் அவர் வசித்து வருகிறார்.

லட்சுமி தேவம்மா தீவிரமாக பிரச்சாரம் செய்யும் பணியில் இறங்கி உள்ளார். வீடு வீடாக சென்று அவர் வாக்கு சேகரித்து வருகிறார். சொந்த ஊரில் போட்டியிடுவதால் அவருக்கு மக்கள் ஆதரவு உள்ளது.

லட்சுமி தேவம்மா போட்டியிடும் தொட்டேரி மதுகிரி சட்டமன்ற தொகுதியில் இருக்கிறது. இந்த தொகுதியில் ஜனதாதளம்(எஸ்) மாநில தலைவரும், முன்னாள் முதல்-மந்திரியுமான குமாரசாமியின் மனைவி அனிதா எம்.எல்.ஏ.வாக உள்ளார். இதனால் இந்த மாவட்ட பஞ்சாயத்து தேர்தலில் பலத்த போட்டி நிலவுகிறது.

நன்றி நக்கீரன்.இன்