சிங்கத்தின் தோற்றத்துடன் பெண் குழந்தை

மோகன் · மோகன் Sun Dec 19, 2010 1:04 pm

சிங்கத்தின் தோற்றத்துடன் பெண் குழந்தை ஒன்று பிறந்துள்ளது என்ற தகவல் சென்னையை அடுத்த குன்றத்தூரில் பரவியதை அடுத்து, அங்கு பரபரப்பு நிலவியது. பிறந்த குழந்தை சிறிது நேரத்தில் இறந்துவிட்டதாக தகவல்கள் கூறுகின்றன.

சென்னையை அடுத்த குன்றத்தூரைச் சார்ந்த சரவணன் என்பவரது மனைவி அஞ்சலை 7 மாதக் கர்ப்பினியாக இருந்த நிலையில் செவ்வாய்க் கிழமையன்று குழந்தை பிறந்ததாகக் கூறப்படுகிறது.

இந்தக் குழந்தையின் கண்கள் சிவந்து இருந்தன என்றும் பெரிய பற்கள், முதுவரை முடி, கை கால் விரல்கள் அனைத்தும் இணைந்து, காண்பதற்கு அந்தக் குழந்தை சிங்கத்தின் வடிவில் இருந்ததாகக் கூறப்படுகிறது. பார்ப்பதற்கு விகாரமாக இருந்ததாகவும் அதனால் பிரசவம் பார்த்த தனியார் மருத்துவர்கள் இக்குழந்தையை அரசுப் பொது மருத்துவமனைக்குச் செல்லுமாறு கூறியுள்ளனர். ஆனால் குழந்தையின் உறவினர்கள் ஆஸ்பத்திரியில் இருந்து புறப்பட்டு நேராக வீட்டிற்கு சென்று விட்டனர்.

குழந்தை மிகவும் வித்தியாசமான தோற்றத்துடன் பிறந்து உள்ளது என்ற செய்தி அப்பகுதி முழுவதும் பரவியதை அடுத்து அப்பகுதியில் இருந்த பொதுமக்கள் குழந்தையை பார்க்க பெருந்திரளாக கூடினார்கள். இரவு 8.30 மணியளவில் குழந்தையின் உடல் நிலை மிகவும் மோசமடைந்தது.

சென்னை அரசு ஆஸ்பத்திரிக்கு கொண்டு செல்ல உறவினர்கள் 108 ஆம்புலன்சுக்கு போன் செய்தனர். விரைந்து வந்த டாக்டர்கள் பரிசோதனை செய்ததில் குழந்தை இறந்து விட்டதாக தெரிவித்தனர். குழந்தையை அருகில் இருந்த சுடுகாட்டில் அடக்கம் செய்தனர்.

இந்நேரம்