திருப்பாவை

First topic message reminder :

திருப்பாவை பன்னிரண்டு வைணவ ஆழ்வார்களில் ஒருவரான ஆண்டாள் பாடிய நூல் ஆகும். இது 30 பாடல்களால் ஆனது. வைணவப் பக்தி நூல்களின் தொகுப்பான நாலாயிரத் திவ்வியப் பிரபந்தத்தின் 473 தொடக்கம் 503 வரையுள்ள பாடல்கள் திருப்பாவைப் பாடல்கள் ஆகும். தமிழ் நாட்டில் மார்கழி மாதத்தில் கன்னிப் பெண்கள் பாவை நோன்பு நோற்றனர். இதன் போது விடியு முன்பே எழும் கன்னியர் பிற பெண்களையும் துயில் எழுப்பிக்கொண்டு ஆற்றில் நீராடி இறைவனைத் துதித்து வழிபடுவர். இதனைப் பின்னணியாகக் கொண்டு எழுந்ததே இந் நூல். இதனால் தற்காலத்திலும் பாவை நோன்புக் காலத்தில் இப் பாடல்கள் பாடப்பட்டு வருகின்றன.




இதன் இரண்டாம் பாடல், நெய் உண்ணமாட்டோம், பால் அருந்த மாட்டோம் என எவ்வித உணவு வகைகளையும் உட் கொள்ளாதிருத்தலையும், காலையிலே நீராடுவதையும், கண்ணுக்கு மையிடுதல், தலையைச் சீவி முடித்து மலர்களைச் சூட்டிக்கொள்ளுதல் முதலிய அழகூட்டும் வேலைகளைச் செய்யாதிருத்தலையும், செய்யத் தகாதனவற்றைச் செய்யாது தவிர்த்தலையும், தீய நூல்களைப் படிக்காதிருத்தலையும், பிச்சை முதலியன இட்டு நற்செயல்களில் ஈடுபடுவதையும், இறைவனைப் பாடித் துதித்தலையும் பாவை நோன்பு காலத்தில் செய்ய வேண்டியனவாகக் கூறி அந் நோன்பு நோக்கும் விதத்தை விளக்குகிறது.


மூன்றாம் பாடல் அதனால் உண்டாகும் பயன்களையும் எடுத்துக் கூறுகிறது. நாடு முழுதும் மாதம் மும்மாரி பெய்யும், வயல்களில் நெற் பயிர் ஓங்கி வளரும். அவற்றிடையே கயல் மீன்கள் துள்ளும், பசுக்கள் நிறையப் பால் கொடுக்கும், எங்கும் நீங்காத செல்வம் நிறையும் என்பது அப் பயன்களாகும். பாடல்கள் அனைத்தும் இறைவனின் பெருமைகளைக் கூறிக் கன்னியரைத் துயில் எழுப்பும் பாங்கில் எழுதப்பட்டுள்ளன.

தாய்லாந்தில் திருப்பாவை, திருவெம்பாவை மன்னர் முடிசூட்டலில் பாடப்படுகிறது. மார்கழி மாதத்தில் அனைத்து பெருமாள் கோயில்களிலும் சுப்ரபாதத்துக்கு பதில் திருப்பாவை பாடப்படுகிறது.

நன்றி விக்கி பிடியா

M.Jagadeesan wrote:தங்களுடைய விளக்கத்தில் ஆண்டாள் , இராமானுஜருக்கு எப்படித் தங்கையானாள் என்பதை சொல்லவில்லையே  !

மேற்கோள் செய்த பதிவு: 1181420


வேறு ஒரு திரி இல் இதே தலைப்பை விவாதித்தொமே ஐயா, அதனால் தான் அதில் இல்லாத குறிப்பை எடுத்து இங்குபோட்டேன்.............அன்று விவாதிக்கும்போது, ஆண்டாளுக்கு இராமானுஜர் ஏன் அண்ணா?..தம்பி இல்லை என்று கூட பேசினோமே  ?

மன்னிக்கவும் . நீங்கள் கூறியது சரிதான் . நான்தான் மறந்துவிட்டேன் . வயதாகிவிட்டதல்லவா ?

M.Jagadeesan wrote:மன்னிக்கவும் . நீங்கள் கூறியது சரிதான் . நான்தான் மறந்துவிட்டேன் . வயதாகிவிட்டதல்லவா ?

மேற்கோள் செய்த பதிவு: 1181986


அய்யய்யோ........ எதுக்கு ஐயா பெரியவார்த்தை எல்லாம் பேசிக்கொண்டு...........நான் ஜஸ்ட் நினைவு படுத்தினேன் ............................ ..நம்மைப்போல வயசானவாளுக்கு இதெல்லாம்  சகஜம் தானே ஐயா   

அருமையான பதிவு. இன்னும் நிறைய படிக்க வேண்டும் போல் உள்ளது  நமது புராணங்கள், இதிகாசங்களில் தெரிந்து கொள்ள வேண்டியது கடல் அளவு உள்ளது. நேரமின்மையின் காரணமாக நிறைய படிக்க இயலவில்லை தங்களை போன்ற பதிவுகளினால் ஏக்கம் ஓரளவாவது நிறைவேறுகிறது. நன்றி அம்மா

சசி wrote:அருமையான பதிவு. இன்னும் நிறைய படிக்க வேண்டும் போல் உள்ளது  நமது புராணங்கள், இதிகாசங்களில் தெரிந்து கொள்ள வேண்டியது கடல் அளவு உள்ளது. நேரமின்மையின் காரணமாக நிறைய படிக்க இயலவில்லை தங்களை போன்ற பதிவுகளினால் ஏக்கம் ஓரளவாவது நிறைவேறுகிறது. நன்றி அம்மா

மேற்கோள் செய்த பதிவு: 1182070


நன்றி சசி, இன்னும் எனக்குத்தெரிந்ததை போடப் பார்க்கிறேன்   !

இப்போது மார்கழி மாதம் ஆனதால் இதை மேலே கொண்டுவருகிறேன்