எந்திரன் கதை விவகாரம்: ஷங்கர் அளித்த விளக்கத்தை ஏற்க போலீசார் மறுப்பு

எந்திரன் கதை விவகாரம்: ஷங்கர் அளித்த விளக்கத்தை ஏற்க போலீசார் மறுப்பு

ரஜினி நடித்துள்ள எந்திரன் படத்தை ஷங்கர் இயக்கியுள்ளார். எந்திரன் படம் வெளியான சில நாட்களில் எழுத்தாளர் ஆரூர் தமிழ்நாடன், இனிய உதயம் எனும் பத்திரிகையில் தான் எழுதிய ஜுகிபா என்ற கதையை திருடி எந்திரன் திரைப்படம் எடுக்கப்பட்டுள்ளது என்று போலீசில் புகார் கொடுத்தார்.

எழுத்தாளர் ஆரூர் தமிழ்நாடன் கொடுத்த புகாரின் அடிப்படையில் சென்னை போலீசார் விசாரணை மேற்கொண்டனர். இந்நிலையில் சென்னை போலீஸ் கமிஷனர் ராஜேந்திரன், எந்திரன் கதை விவகாரம் தொடர்பாக விசாரணை நடத்துமாறு மத்திய குற்றப்பிரிவின் திருட்டு வீடியோ பிரிவுக்கு உத்தரவிட்டார்.

இதையடுத்து துணைக் கமிஷனர் ஸ்ரீதர் மேற்பார்வையில் இன்ஸ்பெக்டர் முத்துவேல் பாண்டி விசாரணையை துவக்கினார். இந்த புகாரில் தொடர்புடைய இயக்குனர் ஷங்கர், ஆருர் தமிழ் நாடன் ஆகியோருக்கு சம்மன் அனுப்பினார்.

அந்த சம்மனில் நேரில் ஆஜராகி விளக்கம் அளிக்க வேண்டும் என்று மத்திய குற்றப்பிரிவின் திருட்டு வீடியோ தடுப்பு பிரிவு உத்தரவிட்டது. சம்மனை பெற்ற ஆரூர் தமிழ் நாடன் வழக்கறிஞர்கள் சிவக்குமார், எட்வின் ஆகியோருடன்

சென்னை போலீஸ் கமிஷனர் அலுவலகத்தில் ஆஜராகி விளக்கம் அளித்தார். அப்போது 1996ல் ஏப்ரல் மாத "இனிய உதயம்' இதழில் வெளியான ஜூகிபா கதையின் ஒரிஜினல் புத்தக பிரதியை ஒப்படைத்தார். அப்போது போலீசாரின் சில கேள்விகளுக்கும் ஆரூர் தமிழ்நாடன் விளக்கம் அளித்தார்.


இதேபோல் போலீசார் சம்மனை ஏற்ற இயக்குனர் ஷங்கர் அல்லது அவரது சார்பில் வழக்கறிஞர்
ஆஜராகலாம் என எதிர்பார்க்கப்பட்டது. அதன்படி ஷங்கர் தரப்பில் போலீசாரிடம் விளக்கம் அளிக்கப்பட்டது. ரோபோடிக் கதை எல்லாமே பொதுவானது. காதல் பொதுவான விஷயம் தான். இது எல்லாருமே எடுக்கக்கூடியதுதான் என்று ஷங்கர் வழக்கறிஞர்கள் கூறினர்.

இந்த விளக்கத்தை ஏற்க மறுத்த போலீசார், எந்திரன் படத்துக்காக எழுதப்பட்ட கதையின் ஒரிஜினல் பிரதியை ஒப்படைக்குமாறும், இரண்டு நாட்கள் இதற்கு அவகாசம் அளிக்கப்படுகிறது என்றும் போலீசார் அறிவுறுத்தினர்.

இதற்கிடையே இந்த விவகாரம் தொடர்பாக சென்னை உயர்நீதிமன்றத்தில் ஆரூர் தமிழ்நாடான் தொடர்ந்த வழக்கின் மறு விசாரணை வரும் ஜனவரி 3ஆம் தேதிக்கு வருகிறது.

அந்த ஜூகிபா கதை இணையத்தில் எங்காவது உள்ளதா, யாருக்காவது தெரியுமா?
உண்மையிலயே ரோபோட்களும் காதலும் தான் இரண்டு கதைகளுக்கும் பொருத்தம் என்றால் தமிழ்நாடன் ஐயா மீது நுற்றுக்கணக்கான... ம்ஹூம்ம், ஆயிரக்கணக்கான ஆங்கில எழுத்தாளர்கள் வழக்கு தொடுக்க வேண்டி இருக்கும் இதே "கதை திருட்டு"க்காக. ஐசாக் அசிமோவ் போன்றவர்கள் 1960 களிலேயே எழுதத் தொடங்கி விட்டனர் எந்திரக் காதல்களை.

sundaryourfriend wrote:அந்த ஜூகிபா கதை இணையத்தில் எங்காவது உள்ளதா, யாருக்காவது தெரியுமா?
உண்மையிலயே ரோபோட்களும் காதலும் தான் இரண்டு கதைகளுக்கும் பொருத்தம் என்றால் தமிழ்நாடன் ஐயா மீது நுற்றுக்கணக்கான... ம்ஹூம்ம், ஆயிரக்கணக்கான ஆங்கில எழுத்தாளர்கள் வழக்கு தொடுக்க வேண்டி இருக்கும் இதே "கதை திருட்டு"க்காக. ஐசாக் அசிமோவ் போன்றவர்கள் 1960 களிலேயே எழுதத் தொடங்கி விட்டனர் எந்திரக் காதல்களை.