ஜனவரியில் கார்களின் விலை அதிகரிக்கும்

by **krishnaamma** Thu Dec 16, 2010 2:15 pm

புதுடில்லி : வரும் ஜனவரி மாதம் முதல், கார்களின் விலையை உயர்த்த முன்னணி கார் தயாரிப்பு நிறுவனங்கள் முடிவு செய்துள்ளன. கார் தயாரிக்க பயன்படும் மூலப் பொருட்களின் விலை அதிகரித்துள்ளதை‌யடுத்து இந்த முடிவு எடுக்கப்பட்டுள்ளதாக இந்தியாவின் முனன்ணி கார் தயாரிப்பு நிறுவனங்களான மாருதி சுசூகி, ஹூண்டாய், ஜெனரல் மோட்டார்ஸ் உள்ளிட்ட நிறவனங்கள் தெரிவித்துள்ளன.

இதுகுறித்து, மாருதி சுசூகி நிறுவன நிர்வாக இயக்குனர் மயாங்க் பரீக் வெளியி்ட்டுள்ள அறிக்கையில் தெரிவித்துள்ளதாவது : கார் தயாரிக்க பயன்படும் மூலப்பொருட்களின் விலை கணிசமான அளவில் அதிகரித்திருப்பதாகவும், கடந்தாண்டு கி‌லோ 100 ரூபாய்க்கு விற்கப்பட்ட 1 கிலோ ரப்பர் தற்போது ரூ.210 என்ற அளவில் விற்கப்படுவதாகவும், அதேபோல், ஸ்டீலின் விலை 12 முதல் 15 சதவீதம் அதிகரித்திருப்பதாகவும், காப்பரின் விலை 15 முதல் 18 சதவீத அளவிலும், மற்ற மெட்டல்களின் விலை 10 முதல் 12 சதவீத அளவிற்கு உயர்ந்திருப்பதாக அவர் தெரிவித்துள்ளார்.

மூல்பபொருட்களின் விலை ஏற்றத்தால் கார்களின் விலை உயர்த்த இருப்பதாகவும், எவ்வளவு உயர்வு என்பது குறித்து முடிவு செய்யப்படவில்லை என்று அவர் அதில் தெரிவித்துள்ளார். இதன்காரணமாக, இந்த டிசம்பர் மாதத்தில் கார்களின் விற்பனை அதிகளவில் இருக்கும் என்று எதிர்பார்க்கப்படுவதாக அவர் மேலும் தெரிவித்தார். ஹூண்டாய் நிறுவனம், 1.5 சதவீதம் முதல் 2 சதவீதம் வரையிலும், ஜெனரல் மோட்டார்ஸ் நிறுவனம் 1.5 சதவீதம் முதல் 2.5 சதவீதம் வரை விலை உயர்வு என்று தெரிவிக்கப்பட்டுள்ளது.