கலைஞரைத் தெரியும், திமுகவைத் தெரியாது!! - விஜய்யின் தந்தை

எனக்கு தலைவர்களைத்தான் தெரியும்... அவர்களின் கட்சிகளைத் தெரியாது, என்று விஜய்யின் தந்தை எஸ்ஏ சந்திரசேகரன் தெரிவித்துள்ளார்.

அடுத்து தான் இயக்கும் 'சட்டப்படி குற்றம்' படத்துக்காக ஈரோடு மாவட்டம், தாளவாடி மலைப்பகுதியில் படப்பிடிப்புக்கு ஏற்ற இடங்களைப் பார்வையிட வந்திருந்தார் எஸ்ஏசி.

பின்னர் நிருபர்களைச் சந்தித்தார். அவர் கூறுகையில், "1982ல் வெளியாகி வெற்றி பெற்ற சட்டம் ஒரு இருட்டறை படத்தை இந்த காலத்துக்கு ஏற்றாற்போல மாற்றி சட்டப்படி குற்றம் என்ற பெயரில் எடுத்து வருகிறேன். முதல் பாதி சென்னையிலும், பின் பாதி காடுகள் நிறைந்த பகுதிகளிலும் காட்சிகள் வருகின்றன. அத‌ற்கான லொகேஷன் பார்க்கத்தான் வந்தேன்.

நான் ஜெயலலிதாவை மரியாதை நிமித்தமாகச் சந்தித்தேன். எனக்குள்ள சில பிரச்சினைகள் குறித்தும் மக்கள் தலைவர் என்ற முறையில் அவரிடம் சொன்னேன். இதில் மறைத்துப்பேச ஒன்றுமில்லை.

எனக்கு மக்களுக்கு நல்லது செய்யும் தலைவர்களை தெரியும். அவர்கள் இருக்கும் கட்சியை எனக்கு தெரியாது. காமராஜரைத் தெரியும், காங்கிரசை தெரியாது, எம்.ஜி.ஆரை தெரியும், அ.தி.மு.க.வை தெரியாது. கலைஞரை தெரியும், திமுகவைத் தெரியாது. விஜயகாந்தை தெரியும், தேமுதிக தெரியாது... அ.தி.மு.க. பொதுச் செயலாளர் ஜெயலலிதாவை மரியாதை நிமித்தமாகத்தான் சந்தித்தேன்.

அரசியல் கட்சியில் இணையும் எண்ணம் கிடையாது. ஆனால் அரசியலுக்கு வர வாய்ப்பு உள்ளது. அதை நான் மறுக்கவில்லை. மக்களுக்கு நல்லவற்றை செய்யும் கட்சிக்காக வரும் தேர்தலில் நான் பிரச்சாரம் செய்யவும் வாய்ப்புகள் உள்ளது", என்றார்.

தற்போது விஜய் நேரடியாக அரசியலுக்கு வரமாட்டார். அரசியல் கட்சியும் உடனடியாகத் தொடங்க மாட்டார். அரசியலுக்கு வந்தால் கண்டிப்பாக ஜெயிக்க வேண்டும். அதற்கு அஸ்திவாரம் நன்றாக இருக்க வேண்டும். தற்போது அதற்கான அஸ்திவாரம் போட்டு வருகிறேன்...", என்றார்.

கவிக்காதலன் wrote:
தற்போது விஜய் நேரடியாக அரசியலுக்கு வரமாட்டார். அரசியல் கட்சியும் உடனடியாகத் தொடங்க மாட்டார். .

காவலன் படம் ரிலீஸ் செய்ய மாட்டார் . என்னதான் செய்வார்?

தலைவா தவப்புதல்வா வருகவே

சங்கு தெரியும் ..... ஆப்பு தெரியாதுடோய்

உனக்கு கலைஞர் வைக்க போற ஆப்பு கண்ணுக்கு தெரியாது.
அப்புறம் ஆப்பு அசைத்த குரங்கு கதைதான் உனக்கு

திமுக-வை தெரியாதா? சீக்கிரமா தெரிய வைப்பாங்க பாரு....

"தலைவர்களை தெரியும் ஆனால் அவர்கள் சார்ந்திருக்கும் கட்சியை தெரியாது" - அப்படியானால் ஜெயலலிதாவை தெரியும் அ தி மு க வை தெரியாது. அப்படித்தானே? "மக்களுக்கு நல்லவற்றை செய்யும் கட்சிக்காக வரும் தேர்தலில் நான் பிரச்சாரம் செய்யவும் வாய்ப்புகள் உள்ளது" - எந்த கட்சியையும் பற்றி உங்களுக்கு தான் எதுவுமே தெரியாதே பின்னர் நல்லவற்றை செய்யும் கட்சியை எவ்வாறு கண்டு பிடிக்கப்போகிறீர்கள்? கட்சி ஆரம்பிப்பதற்கு முன்னரே இவ்வளவு முரண்பாடுகளா சந்திரசேகர் அவர்களே?

சொந்த பிரச்சினைக்காக ஒரு கட்சியே ஆரம்பிக்க துணிவு வேண்டும் என்றால்..... இந்த கேவலம் தமிழ் நாட்டில் மட்டுமே நடக்கும்.

தமிழ்ப்ரியன் விஜி wrote:"தலைவர்களை தெரியும் ஆனால் அவர்கள் சார்ந்திருக்கும் கட்சியை தெரியாது" - அப்படியானால் ஜெயலலிதாவை தெரியும் அ தி மு க வை தெரியாது. அப்படித்தானே? "மக்களுக்கு நல்லவற்றை செய்யும் கட்சிக்காக வரும் தேர்தலில் நான் பிரச்சாரம் செய்யவும் வாய்ப்புகள் உள்ளது" - எந்த கட்சியையும் பற்றி உங்களுக்கு தான் எதுவுமே தெரியாதே பின்னர் நல்லவற்றை செய்யும் கட்சியை எவ்வாறு கண்டு பிடிக்கப்போகிறீர்கள்? கட்சி ஆரம்பிப்பதற்கு முன்னரே இவ்வளவு முரண்பாடுகளா சந்திரசேகர் அவர்களே?

சொந்த பிரச்சினைக்காக ஒரு கட்சியே ஆரம்பிக்க துணிவு வேண்டும் என்றால்..... இந்த கேவலம் தமிழ் நாட்டில் மட்டுமே நடக்கும்.

சொந்த பிரச்சினைக்காக அவர்கள் கட்சி ஆரம்பிக்க நினைக்கவில்லை. அவர்கள் கட்சி ஆரம்பிக்க நினைத்ததால்தான் பிரச்சனையே வந்தது...