மதுபான விளம்பரத்தில் நடிக்காததால் சச்சினுக்கு 20 கோடி இழப்பு

ரபீக் · ரபீக் Wed Dec 15, 2010 12:56 pm

மதுபானா விளம்பரங்களில் நடிக்க நட்சத்திர கிரிக்கெட் வீரர் சச்சின் டெண்டுல்கர் மறுத்துவிட்டதை அடுத்து அவருக்கு ஆண்டுக்கு சுமார் 20 கோடி ரூபாய் அளவில் வருமான இழப்பு ஏற்பட்டுள்ளதாக தகவல்கள் கூறுகின்றன.

இந்தியவின் நட்சத்திர கிரிக்கெட் வீரர் சச்சின் டெண்டுல்கர் பல்வேறு நிறுவனங்களின் விளம்பரத் தூதராக உள்ளார். அவர் நடிக்கும் விளம்பரங்களுக்கு மக்கள் மத்தியில் பெரும் வரவேற்பு உள்ளது. இதனால் பெரும் நிறுவனங்கள் விளம்பர வாய்ப்புக்காக அவரையே தேடி வருகின்றன. இவ்வாறு வரும் விளம்பரங்கள் மூலம் டெண்டுல்கர் ஆண்டுக்கு ரூ. 200 கோடிக்கு மேல் சம்பாதிக்கிறார்.

தனது பெயரில் அறக்கட்டளை ஒன்றை நிறுவி பல்வேறு சமூக பணிகளையும் டெண்டுல்கர் செய்து வருகிறார். இந்நிலையில் அண்மையில் பிரபல மதுபான நிறுவனம் ஒன்று தங்களது நிறுவனத்தின் விளம்பரத்திற்காக டெண்டுல்கரை அணுகியது. தங்கள் நிறுவன விளம்பரத்தில் தோன்ற ஆண்டுக்கு ரூ. 20 கோடி தருவதாக கூறியது. ஆனால் இந்த வாய்ப்பை டெண்டுல்கர் மறுத்துவிட்டார்.

இதற்கு முன்பும் டெண்டுல்கர் மதுபான விளம்பரங்களை தவிர்த்துள்ளார். அத்துடன் சிகரெட், புகையிலை நிறுவன விளம்பரங்களிலும் நடிப்பதில்லை என்பதை ஒரு கொள்கையாகவே வைத்துள்ளார். டெண்டுல்கர் தனது தந்தைக்கு கொடுத்துள்ள வாக்குறுதியே இதற்கு காரணம் என்று கூறப்படுகிறது.

உடலுக்குத் தீங்கு விளைவிக்கும் சிகரெட், புகையிலை, மதுபானம் உள்ளிட்ட எந்த விளம்பரங்களிலும் நடிக்கக் கூடாது என்ற தன்னுடைய தன்தையின் கண்டிப்பான அறிவுரையை அடுத்து, டெண்டுல்கர் தன் தந்தைக்கு வாக்குறுதி அளித்துள்ளாராம்
இந்நேரம்