நிசான் அறிமுகப்படுத்தியது மைக்ரா டீசல் கார்

சென்னை: நிசான் நிறுவனம் தனது மைக்ரா டீசல் காரை அறிமுகப்படுத்தியது. ஜப்பான் நாட்டின் முன்னணி கார் தயாரிப்பு நிறுவனமான, நிசான் மோட்டார் லிமிடெட், சென்னை, வேளச்சேரியில் உள்ள அங்கீகரிக்கப்பட்ட டீலரான ஷெரீப் நிசான் ÷ஷாரூமில் அறிமுகப்படுத்தியது. இது குறித்து நிசான் மோட்டார் இந்தியாவின் நிர்வாக இயக்குனர் கிமினோபு டோகுயாமா கூறியதாவது: எங்களது பயணத்தில் முக்கியமான கட்டத்தில் இருப்பதை உணர்கிறோம். பெட்ரோல் மைக்ரா கார் அறிமுகப்பத்தி வெற்றியடைந்த ஆறு மாதத்திலேயே மைக்ரா டீசலை அறிமுகம் செய்வதில் பெருமை அடைகிறோம். இந்திய வாடிக்கையாளர்களுக்கு முழு அளவிலான சேவைகளை அளிப்பதில் தொடர்ந்து முனைப்புடன் செயல்படுவோம். இவ்வாறு கிமினோபுடோகுயாமா கூறினார்.

நிசான் மைக்ரா டீசல் கார், "மைக்ரா எக்ஸ்வி மற்றும் எக்ஸ்வி பிரிமீயம்' ஆகிய இரண்டு வகைகளில், ஆறு வண்ணங்கள் உள்ளன. இது 5 லட்சத்து 60 ஆயிரம் ரூபாயிலிருந்து 6 லட்சத்து 5,000 வரை கிடைக்கும். இந்நிறுவனத்திற்கு சென்னையை அடுத்த, ஒரகடத்தில் தொழிற்சாலை உள்ளது. இது விற்பனை துவங்கப்பட்ட, கடந்த ஜூலை மாதத்திலிருந்து இது வரை 6,000 கார்களை விற்பனை செய்துள்ளது. நாடு முழுவதும் இந்நிறுவனத்திற்கு 20 டீலர்கள் உள்ளனர். ஐரோப்பா, ஆப்ரிக்க மற்றும் மத்திய கிழக்கு நாடுகளுக்கு ஏற்றுமதி செய்து வருகிறது என்பது குறிப்பிடத்தக்கது.

அடுத்து மைக்ரா டீசலை போட்டாதான் இந்த கார் ஓடும் என்பார்கள். சோ , டிசலையும் பிரித்து விலை ஏற்ற்ற இதும் ஒரு டெக்னிக். ஹும்.......