தனித்துவிடப்பட்டவர்கள்..

jeevaraj · jeevaraj Mon Aug 17, 2009 10:21 am

தனித்துவிடப்பட்டவர்கள்..

தனித்துவிடப்பட்டவர்கள்.. 148d9bd

எத்தனை சுலபமாகச் சொல்லிவிட முடிகிறது இவன்/இவள் அனாதை என்று. யாரும் உறவென்றில்லாத உலகை கணநேரம் கற்பனை செய்து பார்க்கவே நெஞ்சுறைந்து போய்விடுகிறது நமக்கு.

தனித்துப் போனவர்களின் துயரம் அவர்களோடு இணைந்திருக்கையில் மட்டுமே நம்மால் உணரப்படுகிறது. விலகிவந்தபின் நம் வேலைகளுக்குள், வீட்டுப் பிரச்சனைகளுக்குள் சுலபமாக அவர்தம் நினைவுகளைத் தொலைத்துவிடுகிறோம்.

மறந்திருக்கும் ஓர்நாளில் ஏதோ காரணங்களால் சட்டென்று மீளுயிர்க்கும் அவலம் நிறைந்த அவர்களது ஞாபகங்கள் நம் எண்ணங்களைச் சுட்டெரிக்கிறது.

அண்மையில் நான் சந்தித்த, தன் சொந்தபந்தங்களில் இருந்து திடீரென தனித்து விடப்பட்ட நபர், நீண்ட நேரமாக என்னுடன் பேசமுடியாது தவித்தார். அவர் எண்ணங்கள் மு்ழுவதும் இழந்துபோனவர்களால் நிறைந்திருந்தது.

சிறிது நேரத்தின்பின் என்னிரு கைகளையும் திடீரென்று அவர் இறுகப் பற்றிக் கொண்டார். சந்திப்பின் இறுதிவரை எண்ணி ஓரிரு வார்த்தைகள் மட்டுமே இருவரும் பேசி இருந்தோம். அவருக்கான ஒருவர் என்பது தவிர்த்து தேவையற்றதாய் இருந்தது வார்த்தைகளின் ஆலாபனை.

தனித்துவிடப்பட்டவர்கள்.. 1zm156v

பற்றி இருந்த என் கரம் வழி அவரது உறவுகள் பற்றிய நினைவுகளை ஓருவித நடுக்கத்துடன் அவர் மீள அசைபோட்டபடி இருந்திருக்கக்கூடும். பிரிதலுக்கான நேரம் வந்து என்கரம் தளர்ந்தபோது அவரும் ,நானும் அனுபவித்தது நரகவேதனை.

அவசரம் நிறைந்த இந்த உலகில் பிறப்பில் இருந்தோ அல்லது இடையிலோ தனித்து விடப்பட்டவர்களை நாளும் நாம் சந்தித்தவண்ணம் இருக்கிறோம்.

பெரியவர்களின் உணர்வுகளே இப்படி இருக்கையில் திடீரென தனித்துவிடப்பட்ட குழந்தைகளைப்பற்றி எண்ணிப் பார்க்கையில் தொண்டைக்குழி வரண்டுகொள்கிறது.

தனித்துவிடப்பட்டவர்களின் வாழ்க்கைப் பயணத்தில் ஏக்கங்களால் நிறைந்திருக்கும் இடைவெளிகளில் ஒருசிறு பகுதியையாவது நிரப்ப வேண்டிய கடப்பாடு உடையவர்களாக இருக்கிறோம் என்பதோடு, அதற்குரிய தேவை நிறைந்த காலகட்டத்தில் வாழ்கிறோம் என்பதனையும் புரிந்து கொள்ளவேண்டியவர்களாக இருக்கிறோம்.

தனித்துவிடப்பட்டவர்கள்.. 4rrzww

kirupairajah · kirupairajah Mon Aug 17, 2009 10:26 am

தற்காலத்திற்கு (நம்மக்களுக்கான) ஏற்ற சிறந்த ஓர் பதிவு. நன்றி

jeevaraj · jeevaraj Mon Aug 17, 2009 8:56 pm

நன்றி நண்பரே
நம்மாலானதைச் செய்வோம்

nandhtiha · nandhtiha Mon Aug 17, 2009 9:11 pm

பேரன்பு மிக்கீர்
வணக்கம்

திரு ஜீவராஜ் ஜீவனை உருக்கும் விடயத்தைப் பதிவு செய்துள்ளார். அடிபட்டவர்களுக்குத் தான் வேதனை தெரியும். உணர்வு பூர்வமான கட்டுரை.தளும்மும் கண்ணீரைத் துடைத்துக் கொண்டு
நந்திதா

**Manik** · **Manik** Mon Aug 17, 2009 9:26 pm

அப்படியே என்னோட கதையை படிச்ச மாதிரி இருக்கு எல்லாரும் இருந்தும் இல்லாத நிலைமை........... நன்றி நண்பரே

**சிவா** · **சிவா** Tue Aug 18, 2009 6:52 am

மிகவும் அருமையான் கட்டுரையை வெளியிட்ட நண்பர் ஜீவனுக்கு வாழ்த்துக்கள். இதுநாள்வரை நான் உணர்ந்ததில்லை தனியாக வாழ்ந்துவருகிறேன் என்று! இப்பொழுதுதான் தெரிகிறது காலச்சக்கரத்தில் நானும் தனித்துவிடப்பட்டவந்தான் என்று! வாழ்க்கையில் ஒன்றை தேடிச் செல்லும்பொழுது வல விடயங்களை இழந்துவிடுகிறோம், அதில் உறவுகளும் ஒன்று. நமக்கே இப்படியென்றால் குழந்தைகளின் நிலை, நினைக்கும்பொழுதே மனது பதறுகிறது..

jeevaraj · jeevaraj Tue Aug 18, 2009 12:12 pm

நன்றி நந்திதா அவர்களே
சொல்ல முடிந்தவை இவை

மீனு · மீனு Tue Aug 18, 2009 1:18 pm

Miha Miha Arumaiyaana katturai..thanithu vida pattavangalil naanum oruthi..intha katturai yennai poola ullavngalaal thaan purinchukka mudium..yaarum yaaraium nambi illaithaan..yenraalum thunai yellorukkum thevaiyaana onnu..nanrihal..

jeevaraj · jeevaraj Thu Aug 20, 2009 1:15 pm

நன்றிகள் நண்பர்கள் Manik , சிவா , meenuga

உதவும் கரங்களுக்கான தேவை நிறைந்த உலகமிது

Sponsored content · Sponsored content

தனித்துவிடப்பட்டவர்கள்..

தனித்துவிடப்பட்டவர்கள்..

Re: தனித்துவிடப்பட்டவர்கள்..

Re: தனித்துவிடப்பட்டவர்கள்..

Re: தனித்துவிடப்பட்டவர்கள்..

Re: தனித்துவிடப்பட்டவர்கள்..

Re: தனித்துவிடப்பட்டவர்கள்..

Re: தனித்துவிடப்பட்டவர்கள்..

Re: தனித்துவிடப்பட்டவர்கள்..

Re: தனித்துவிடப்பட்டவர்கள்..

Re: தனித்துவிடப்பட்டவர்கள்..

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக