சமாதான முயற்சிகளின் தோல்வி குறித்து ஆராயும் நோர்வே விசாரணையாளர்கள் சிறிலங்காவுக்குள் நுழையத் தடை

நிசாந்தன் · நிசாந்தன் Mon 13 Dec 2010 - 17:21

சிறிலங்காவில் மேற்கொள்ளப்பட்ட சமாதான முயற்சிகள் தோல்வியடைந்தது ஏன் என்பது குறித்து விசாரணை நடத்தும் நோர்வே முகவர் அமைப்பின் இரு பிரதிநிதிகளுக்கு சிறிலங்கா அரசாங்கம் நுழைவு அனுமதி வழங்க மறுத்துள்ளது.
அத்துடன் நோர்வே அரசின் இந்த விசாரணைகளுக்கு ஒத்துழைப்பு வழங்குவதில்லை என்றும் சிறிலங்கா அரசாங்கம் முடிவு செய்துள்ளது.
சிறிலங்காவில் அமைதியை ஏற்படுத்த 1997ம் ஆண்டு தொடக்கம் 2009ம் ஆணடு வரையான காலத்தில் நோர்வே அரசாங்கம் சமாதான முயற்சிகளில் ஈடுபட்டிருந்தது.
இந்த அமைதி முயற்சிகள் தோல்வி கண்டது ஏன் என்பது குறித்து ஆராய்வதற்கு நோர்வே அரசாங்கம் அண்மையில் முடிவு செய்திருந்தது.
இதற்கான பொறுப்பை நோர்வே அரசாங்கம் கிறித்ரியன் மக்கெல்சன் இன்ரிரியூட் என்ற தனியார் முகவர் அமைப்பிடம் ஒப்படைத்தது.
கனர் சோர்போ என்பரின் தலைமையிலான இந்த விசாரணைக் குழுவுக்கு ஒத்துழைப்பு வழங்குவதாக சிறிலங்கா அரசாங்கமும் முன்னர் கூறியிருந்த்து.
ஆனால் தற்போது இந்த விசாரணைக் குழுவுக்கு ஒத்துழைப்பு வழங்குவதில்லை என்று சிறிலங்கா அரசாங்கம் முடிவு செய்துள்ளது.
இதையடுத்து சமாதான முயற்சிகள் தோல்வி கண்டது ஏன் என்பது குறித்து விசாரணை செய்யும் முகவர் அமைப்பின் தலைவர் சோர்போ உள்ளிட்ட இரண்டு பேருக்கு நுழைவு அனுமதி வழங்க சிறிலங்கா அரசாங்கம் மறுப்புத் தெரிவித்துள்ளது.
இவர்கள் சிறிலங்காவில் சமாதான முயற்சிகளுடன் தொடர்புபட்டிருந்த பல்வேறு தரப்பினருடனும் கலந்துரையாடுவதற்குத் திட்டமிட்டிருந்தனர்.
அண்மையில் ஒசுலோ சென்றிருந்த ரணில் விக்கிரமசிங்கவுடனும் இதுகுறித்து சோர்போ பேச்சு நடத்தியிருந்தார் என்பது குறிப்பிடத்தக்கது.

சமாதான முயற்சிகளின் தோல்வி குறித்து ஆராயும் நோர்வே விசாரணையாளர்கள் சிறிலங்காவுக்குள் நுழையத் தடை

சமாதான முயற்சிகளின் தோல்வி குறித்து ஆராயும் நோர்வே விசாரணையாளர்கள் சிறிலங்காவுக்குள் நுழையத் தடை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக