கார்களில் சுழலும் சிவப்பு விளக்கு நடவடிக்கைக்கு தயங்கும் போலீஸ்

தமிழகம் முழுவதும், அனுமதியில்லாமல் கார்களில் சிகப்பு விளக்குகள் பொருத்தியிருந்தாலும், நடவடிக்கை எடுக்க போலீசார் தயக்கம் காட்டுகின்றனர். வி.ஐ.பி.,க்களின் கார்களில் சிகப்பு விளக்கு எரிந்தால், உள்ளே இருப்பது யார் என்று தெரியாமலே சிக்னலில் நிற்கும் போலீசார் சல்யூட் அடித்து அனுப்பி வைப்பார்கள். எந்த இடத்திலும் சிக்கல் இல்லாமல் செல்ல முடிகிறது. இதை சிலர் தவறாக பயன்படுத்துகின்றனர்.



சிகப்பு சுழல் விளக்குகளை கார்களில் பயன்படுத்த தகுதி உள்ளவர்கள் :
1. கவர்னர்
2. முதல்வர்
3. சபாநாயகர்
4. மாநகராட்சி மேயர்கள்
5. அமைச்சர்கள்
6. தலைமை நீதிபதி மற்றும் ஐகோர்ட் நீதிபதிகள்
7. போலீஸ் தலைமை டி.ஜி.பி.,
8. மாநகர போலீஸ் கமிஷனர்கள்
9. ஆம்புலன்ஸ்
10. பாதுகாப்பு பைலட் வாகனங்கள்
11. கலெக்டர்கள்
12. போலீஸ் எஸ்.பி.,க்கள்
13. மண்டல டி.ஐ.ஜி.,க்கள்
14. மாநில தேர்தல் கமிஷனர்
15. தமிழ்நாடு அரசுப் பணியாளர் தேர்வாணைய தலைவர்
16. சட்டம் ஒழுங்கு ஐ.ஜி.,
17.தெற்கு பிரிவு சட்டம் ஒழுங்கு ஐ.ஜி.,
18. ஆலோசனை வாரிய தலைவர் மற்றும் உறுப்பினர்கள்
19. ஆற்காடு நவாப் முகமது அப்துல் அலி.
இந்த 19 பிரிவுகளைச் சேர்ந்தவர்கள் மட்டுமே சிகப்பு விளக்குகளை பயன்படுத்த அனுமதிக்கப்பட்டுள்ளது. இதுகுறித்து சட்டசபையிலும் விவாதம் வந்தது. இருப்பினும் நெல்லையில் துணைமேயர், மண்டல தலைவர்கள், மாவட்ட பஞ்., தலைவர், பல்கலை துணைவேந்தர்கள் என பலரும் சிகப்பு விளக்குகளை பயன்படுத்துகின்றனர்.எனவே, இருசக்கர வாகனங்களில் நம்பர் பிளேட்டை சோதனையிடுவதைப்போல வி.ஐ.பி.,களின் போர்வையில் செல்லும், இவர்கள் மீதும் போலீசார் நடவடிக்கை எடுக்க வேண்டும்.