அவள் அப்படி ஒன்றும் அழகில்லை

amjadfha · amjadfha Wed Aug 19, 2009 3:34 pm

First topic message reminder :

அவள் அப்படி ஒன்றும் அழகில்லை
அவளுக்கு யாரும் இணையில்லை

அவள் அப்படி ஒன்றும் கலரில்லை
ஆனால் அது ஒரு குறையில்லை

அவள் பெரிதாய்
ஒன்றும் படிக்கவில்லை
அவளைப் படித்தேன் முடிக்கவில்லை

அவள் உடுத்தும்
உடைகள் பிடிக்கவில்லை
இருந்தும் கவனிக்க மறுக்கவில்லை

அவள் பெரிதாய்
ஒன்றும் உயரமில்லை
அதனால் ஒன்றும் துயரமில்லை

அவள் அம்மா அப்பா கவிஞர்
இல்லை
ஆனால் அவள் போல் கவிதையில்லை

அவள் கராத்தே குங்பூ
கற்றதில்லை
கண்களில் அடித்தால் மருந்து இல்லை

அவள் வம்சம் ராஜ
வம்சமில்லை
அவள் குணத்தில் என்றும் வறுமையில்லை

அவள் பொம்மைகள் அணைத்து
உறங்கவில்லை
நான் பொம்மை போலே பிறக்கவில்லை

அவள் கூந்தல் ஒன்றும் நீளம்
இல்லை
அந்தக்காட்டில் தொலைந்தேன் மீளவில்லை

அவள் கைவிரல் மோதிரம்
தங்கமில்லை
கை பிடித்திடும் ஆசை தூங்கவில்லை

அவள் பட்டுப்புடவை என்றும்
அணிந்ததில்லை
அவள் சுடிதார் போல சிறந்ததில்லை

அவள் இடைகள் மின்னல்
இழைகளில்லை
அதன் இடையில் விழுந்தால் வழிகளில்லை

அவள் ஆங்கிலம் எதுவும்
கற்றதில்லை
ஐ லவ் யூ சொன்னால் சொற்களில்லை

அவள் திட்டும்போதும்
வலிக்கவில்லை
அந்த அக்கறை போலே வேறில்லை

அவள் சொந்தம் பந்தம்
எதுவுமில்லை
அவள் சொந்தம் இன்றி எதுவுமில்லை

-------"கவிஞர்
நா.முத்துக்குமார் பெண் பார்த்து
விட்டு எழுதியதாக இணையத்தில்
பகிர்ந்தது"---------