கல்லால் அடித்து கொல்லப்படமாட்டார்: ஈரான் பெண்ணை தூக்கில் போட முடிவு

**சிவா** · **சிவா** Sun Dec 12, 2010 4:14 pm

ஈரானை சேர்ந்தவர் சாகினே மொகமதி அஸ்தியானி. இவரை கல்லால் அடித்து கொல்ல ஈரான் அரசு உத்தரவிட்டுள்ளது. வேறு ஒரு ஆணுடன் கள்ளக் காதலில் ஈடுபட்டதாக இவருக்கு அந்த தண்டனை வழங்கப்பட்டுள்ளது.

இந்த தண்டனையை ரத்து செய்ய வேண்டும் என உலக நாடுகளும், சமூகசேவை அமைப்புகளும் கேட்டுக் கொண்டன. எனவே அந்த தண்டனையை ஈரான் அரசு நிறுத்தி வைத்தது.

கடந்த 5 ஆண்டுகளுக்கு முன்பு அஸ்தியானியின் கணவர் கொலை செய்யப்பட்டார். அவரை கொலை செய்ய கள்ளக் காதலர்களுக்கு உதவியதாக அஸ்தியானி மீது மற்றொரு குற்றச்சாட்டும் உள்ளது.

இந்த நிலையில் நேற்று திடீரென அஸ்தியானியின் ஒப்புதல் வாக்குமூலத்துடன் கூடிய வீடியோ படம் ஈரான் டெலிவிஷனில் ஒளிபரப்பப்பட்டது.

அதில், தான் கள்ளக்காதலர்களுடன் சேர்ந்து கணவரை கொலை செய்தது எப்படி என அவர் நடித்து காட்டினார். இது ஈரானில் பெரும் பரபரப்பை ஏற்படுத்தியது.

இதற்கிடையே கல்லால் அடித்து கொல்லும் தடை கடந்த 2006-ம் ஆண்டு அஸ்தியானிக்கு வழங்கப்பட்டது. ஆனால் கடந்த 2005-ம் ஆண்டு முதல் இதுபோன்ற கொடூர தண்டனையை ஈரான் அரசு தடை செய்துள்ளது.

எனவே அவர் கல்லால் அடித்து கொல்லப்பட மாட்டார் என இந்த வீடியோவை ஒளிபரப்பிய டி.வி. தெரிவித்தது. அதே நேரத்தில் கணவரை கொன்ற வழக்கில் இவருக்கு தூக்கு தண்டனை விதிக்கப்படலாம் என்றும் கூறியது.

அதை உறுதிப்படுத்தும் விதமாகதான் அஸ்தியானியின் வாக்குமூலத்தை ஒளிபரப்பியிருக்கலாம் என கருதப்படுகிறது.

மாலைமலர்

உதயசுதா · உதயசுதா Sun Dec 12, 2010 4:24 pm

கண்டிப்பா இந்த பெண்ணுக்கு மரணதண்டனை கொடுக்கறதுல எந்த தப்பும் இல்லை.கணவர் பிடிக்கலைன்னா அவர விட்டு விலகி வர்றதை விட்டுட்டு எல்லாரும் இப்படி கொலை செய்ய கிளம்பினா எப்படி,அதுவும் கள்ள காதலுக்காக

**சிவா** · **சிவா** Sun Dec 12, 2010 4:26 pm

உதயசுதா wrote:கண்டிப்பா இந்த பெண்ணுக்கு மரணதண்டனை கொடுக்கறதுல எந்த தப்பும் இல்லை.கணவர் பிடிக்கலைன்னா அவர விட்டு விலகி வர்றதை விட்டுட்டு எல்லாரும் இப்படி கொலை செய்ய கிளம்பினா எப்படி,அதுவும் கள்ள காதலுக்காக

கள்ளக் காதலனுக்கு இல்லை சுதா, கள்ளக் காதலர்களுக்கு!

Sponsored content · Sponsored content

கல்லால் அடித்து கொல்லப்படமாட்டார்: ஈரான் பெண்ணை தூக்கில் போட முடிவு

கல்லால் அடித்து கொல்லப்படமாட்டார்: ஈரான் பெண்ணை தூக்கில் போட முடிவு

Re: கல்லால் அடித்து கொல்லப்படமாட்டார்: ஈரான் பெண்ணை தூக்கில் போட முடிவு

Re: கல்லால் அடித்து கொல்லப்படமாட்டார்: ஈரான் பெண்ணை தூக்கில் போட முடிவு

Re: கல்லால் அடித்து கொல்லப்படமாட்டார்: ஈரான் பெண்ணை தூக்கில் போட முடிவு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக