மருத்துவச் செலவு அதிகமாவதால் மகனை உயிருடன் புதைத்தத் தாய்

நிசாந்தன் · நிசாந்தன் Fri Dec 10, 2010 11:48 pm

எட்டயபுரம் கிராமத்துக்கு அருகிலுள்ள தாப்பாத்தி கிராமத்தில் உள்ள இலங்கை அகதிகள் முகாமிலுள்ள இலங்கைப் பெண்ணொருவர் தனது மகனை உயிருடன் குழிதோண்டிப் புதைத்துள்ள சம்பவத்தால் அங்கு பரபரப்பு நிலவுகிறது. யோகேஸ்வரி என்னும் இப்பெண்ணுக்கு ஒரு மகளும் இரு மகன்களும் உள்ளனர். கணவர் இராஜேந்திரன் கூலித் தொழில் செய்து வந்தார். இதில் ஒரு மகனான மணிகண்டன் என்பவருக்கு இளம்பிள்ளைவாதம் நோய் இருக்கிறது.

கூலித்தொழில் செய்து குடும்பத்தை நடத்திவந்த நிலையில், மகனின் மருத்துவத்துக்கென பெருமளவு பணம் செலவாகியுள்ளது. மருத்துவச் செலவு அதிகரித்து உள்ளதே ஒழிய மணிகண்டனின் நோய் சுகமாகவில்லை.

சில நாட்களுக்கு முன்னர் மணிகண்டன் அகதி முகாமில் இல்லாததை உணர்ந்த ஒருவர், "மணிகண்டன் எங்கே?" எனக் கேட்டுள்ளார். அதற்கு அனாதை ஆச்சிரமம் ஒன்றில் சேர்த்துள்ளதாக யோகேஸ்வரி அளித்த பதில், குறித்த நபருக்குச் சந்தேகத்தை உண்டுபண்ணியது. எனவே அவர் கிராம அதிகாரியிடம் விடயத்தைப் புகார் செய்துள்ளார்.

இதையடுத்து மார்சார்பட்டி போலீஸ் நிலையத்துக்கு கிராம அதிகாரி தகவல் கொடுக்க, அவர்கள் யோகேஸ்வரியிடம் விசாரணை மேற்கொண்டனர். அவ்விசாரணையின்போதே, சிகிச்சைச் செலவு அதிகரித்ததால் மகனை முகாமுக்கு அருகிலுள்ள மரத்தடியில் குழி தோண்டிப் புதைத்துவிட்டதாக யோகேஸ்வரி பதிலளித்துள்ளார். இச்சம்பவத்தால் அகதி முகாமில் பரபரப்பாக உள்ளது.

மருத்துவச் செலவு அதிகமாவதால் மகனை உயிருடன் புதைத்தத் தாய்

மருத்துவச் செலவு அதிகமாவதால் மகனை உயிருடன் புதைத்தத் தாய்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக