மலேசியாவிற்கு செல்லவிருந்த விமானத்தை கொழும்புவிற்கு திருப்பிய மகிந்தா

நிசாந்தன் · நிசாந்தன் Fri 10 Dec 2010 - 4:56

ஜனாதிபதி மஹிந்தவின் லண்டன் பயணத்தில் ஏற்பட்ட நெருக்கடிகளை அடுத்து, அங்கிருந்து தப்பிவருவதற்காக மலேசியாவுக்குச் செல்லவிருந்த விமானத்தைத் திருப்பி கொழும்புக்குக் கூட்டிவந்த விடயம் தற்போது வெளிச்சத்துக்கு வந்துள்ளது. போர்க் குற்றங்களுக்காக மஹிந்த ராஜபக்ஷவுடன் சென்றிருந்த சிலர் கைதுசெய்யப்படக்கூடிய நிலைமை லண்டனில் உருவாகியது. எனவே கைதாகுவதற்கு முன்னர் அங்கிருந்து தப்பிவிடவேண்டும் எனத் தீர்மானித்த மஹிந்தவும் அவரது குழுவும், தமது முழு அதிகாரத்தைப் பயன்படுத்தி ஒரு விமானத்தைக் கொழும்புக்குக் கூட்டி வந்துள்ளனர்.

உண்மையில் சிறிலங்கன் எயார்லைன்ஸுக்குச் சொந்தமான அவ்விமானம் மலேசியா சென்று அங்கிருந்து கொழும்பு வரவிருந்தது. ஆனால் மஹிந்த தாம் மலேசிய செல்வதை விரும்பவில்லை. எனவே நேரடியாக அவ்விமானத்தை கொழும்புக்குக் கூட்டி வந்துள்ளார். இதனால் ஏற்கனவே விமானத்தில் இருந்த வெளிநாட்டவர்கள் குழப்பம் அடைந்ததாக அறியப்பட்டுள்ளது. லண்டனில் இருந்து நேராக மலேசியா செல்வதாயின் 10 மணித்தியாலங்கள் போதும். ஆனால் கொழும்பினூடாக மலேசியா செல்வதற்கு மேலதிகமாக 5 மணித்தியாலம் செல்லும் என்பதாலேயே பயணிகள் குழப்பமடைந்து தமது எதிர்ப்பையும் வெளிக்காட்டி இருந்தனர்.

எனவே பயணிகளிடமிருந்து எதிர்ப்புக் கிளம்புவதை அவதானித்த மஹிந்த, உடனும் ஆளும் தரப்பு நாடாளுமன்ற உறுப்பினர் சஜித்வாஸ் குணவர்த்தனவைத் தொடர்பு கொண்டு, மலேசியாவுக்கு பயணம் செய்யும் பயணிகள் அனைவருக்கும் அவர்களுடைய பயணக் கட்டணத்தில் 50 சதவீத கழிவை வழங்குவதுடன் தேவையான உணவுப் பொருட்களையும் குடிபானங்களையும் பயணத்தின்போது வழங்குமாறு உத்தரவிட்டார். இதன் மூலம் பயணிகள் சமாதானப்படுத்தப்பட்டனர்.

இவ்வாறு மஹிந்தவும் அவரது குழுவினரும் அவசரமாக கொழும்புக்கு வந்துவிட்ட போதிலும், அவர்களுடைய பயணப்பொதிகள் அனைத்தும் நான்கு நாட்களின் பின்னரே மலேசியாவிலிருந்து கொண்டுவரப்பட்டதாகவும் சிங்கள ஊடகம் ஒன்று தகவல் வெளியிட்டுள்ளது.

மலேசியாவிற்கு செல்லவிருந்த விமானத்தை கொழும்புவிற்கு திருப்பிய மகிந்தா

மலேசியாவிற்கு செல்லவிருந்த விமானத்தை கொழும்புவிற்கு திருப்பிய மகிந்தா

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக