எங்க வீட்டு குழம்பு, சாம்பார் வகைகள் இங்கே :) கத்தரிக்காய் காரக் குழம்பு !

First topic message reminder :

இந்த பகுதியில் நாம் குழம்பு பொடி செய்வது எப்படி என்றும் அதை உபயோகித்து பலவகையான குழம்பு மற்றும் சாம்பார் வகைகள் செய்வது எப்படி என்றும் பார்க்கலாம்.

அனைவருக்கும் ஒரு வேண்டுகோள் : இங்கு எல்லா குழம்பு வகைகளும் இருக்கட்டும். உங்களதுமேலான கருத்துகளை மற்றும் ஒரு திரியில் போடவும். நான் அதற்காக தனியே ஒரு திரி ஆரம்பித்துள்ளேன். சற்று சிரமம் பார்க்காது உங்கள் கருத்துகளை அணங்கே சொல்லவும். அவ்வாறு சொல்வதால், குழம்பு வகைகள் மற்றும் சாம்பார் வகைகளை தொடர்ச்சியாக இங்கு காணலாம்.

புரிந்து கொண்டதற்கும் உங்கள் ஒத்துழைப்புக்கும் முன்னதாகவே  நன்றி




மோர் குழம்பு  

கத்தரிக்காய் காரக் குழம்பு !

தேவையானவை:

மஞ்சள் பொடி 1/2 ஸ்பூன்
கடுகு 1 ஸ்பூன்
பூண்டு 10 - 15 பற்கள்
வெங்காயம் 2 பெரியது
தக்காளி 2 பெரியது
இஞ்சி 1 டேபிள் ஸ்பூன் துருவியது
குழ்ம்பு மிளகாய் பொடி 1 1/2 ஸ்பூன்
வற்றல் மிளகாய் பொடி 1 ஸ்பூன்
கசகசா 1 ஸ்பூன்
கறிவேப்பிலை கொஞ்சம்
தேங்காய் துருவல் 1 கப் ( 1 மூடி தேவைப்படும் )
உப்பு
எண்ணை குழம்பு செய்ய
குட்டி கத்தரிக்காய் 1/4 கிலோ அல்லது பெரிய கத்தரிக்காய்
முருங்கைக்காய் தேவைப்பட்டால் 10 -12 துண்டுகள்
வறுத்து அரைத்த வெந்தயப் பொடி 1/2 ஸ்பூன்
புளித்தண்ணீர் 2 2/12 கப்

செய்முறை:

முதலில் வெங்காயம் 1, தக்காளி 1, இஞ்சி, பூண்டு, உப்பு, குழம்பு பொடி மற்றும் மிளகாய் பொடி எலாவற்றையும் ஒன்றாக மிக்ஸி இல் போட்டு அரைத்து ( தண்ணீர் விடாமல்) எடுத்துக் கொள்ளவும்.
குட்டிக் கத்தரிகாய்களை நான்காக பிளந்து கொள்ளவும்.
காம்புகளை நீக்கிவிடவும்.
அரைத்து வைத்துள்ள பொடியை இவைகளில் அடைக்கவும்.
வாணலி இல் எண்ணை விட்டு எண்ணை விட்டு கடுகு தாளித்துக் கொண்டு மீதி வெங்காயம் தக்காளி போட்டு வதக்கவும்.
அவை கொஞ்சம் வதங்கியதும், பொடி அடைத்துவைத்திருந்த கத்தரிகாய்களை போட்டு வதக்கவும்.
(ஒருவேளை குட்டி கத்தரிகாய்கள் கிடைக்காவிட்டால், பெரிய கத்தரிக்காய்களை கொஞ்சம் பெரிய பெரிய துண்டங்களாக போட்டுக்கொள்ளவும்.
எண்ணை விட்டு கடுகு தாளித்துக் கொண்டு, கத்தரிகாய் துண்டங்களை போட்டு இந்த பொடியைத்தூவி கிளறவும். )
அவை நன்கு வதங்கியதும் புளித்தண்ணீர் சேர்க்கவும்.
கொதிக்க ஆரம்பித்ததும் வெந்தயப்பொடி மற்றும் மஞ்சள் பொடி போடவும்.
அது அப்படியே கொதிக்கட்டும்.
மிக்ஸியில் தேங்காய் மற்றும் கசகசா போட்டு நன்கு விழுதாக அரைத்து கொதித்துக் கொண்டிருக்கும் குழம்பில் விடவும்.
நன்கு கொதித்து கெட்டியானதும் இறக்கி விடவும்.
அருமையான கத்தரிக்காய் காரக் குழம்பு தயார்.

குறிப்பு: சிலர் தாளிக்க சின்ன வெங்காயம் உபயோகிப்பர்கள். அது குழம்பின் சுவையைக் கூட்டும். சிலர் இத்துடன் முருங்கைக்காய் துண்டுகளும் போடுவார்கள். அதுவும் குழம்பின் சுவையைக் கூட்டும். )