எங்க வீட்டு குழம்பு, சாம்பார் வகைகள் இங்கே :) கத்தரிக்காய் காரக் குழம்பு !

**krishnaamma** · **krishnaamma** Thu Dec 09, 2010 4:14 pm

First topic message reminder :

இந்த பகுதியில் நாம் குழம்பு பொடி செய்வது எப்படி என்றும் அதை உபயோகித்து பலவகையான குழம்பு மற்றும் சாம்பார் வகைகள் செய்வது எப்படி என்றும் பார்க்கலாம்.

அனைவருக்கும் ஒரு வேண்டுகோள் : இங்கு எல்லா குழம்பு வகைகளும் இருக்கட்டும். உங்களதுமேலான கருத்துகளை மற்றும் ஒரு திரியில் போடவும். நான் அதற்காக தனியே ஒரு திரி ஆரம்பித்துள்ளேன். சற்று சிரமம் பார்க்காது உங்கள் கருத்துகளை அணங்கே சொல்லவும். அவ்வாறு சொல்வதால், குழம்பு வகைகள் மற்றும் சாம்பார் வகைகளை தொடர்ச்சியாக இங்கு காணலாம்.

புரிந்து கொண்டதற்கும் உங்கள் ஒத்துழைப்புக்கும் முன்னதாகவே நன்றி புன்னகை

எங்க வீட்டு குழம்பு, சாம்பார் வகைகள் இங்கே :) கத்தரிக்காய் காரக் குழம்பு ! - Page 4 B5f8

மோர் குழம்பு

கருத்துக்களை இங்கு எழுதவும் எங்க வீட்டு குழம்பு, சாம்பார் வகைகள் இங்கே :) கத்தரிக்காய் காரக் குழம்பு ! - Page 4 154550

**krishnaamma** · **krishnaamma** Mon Sep 12, 2011 8:54 pm

தேவையானவை:

புளிப்பில்லாத தயிர் 2 கப்
துவரம் பருப்பு 1 டேபிள் ஸ்பூன்
மிளகாய் வற்றல் 4 -6
சீரகம் 1 spoon
கடுகு 1/2 ஸ்பூன்
எண்ணை கொஞ்சம்
உப்பு

செய்முறை:

ஒரு வாணலி இல் ரொம்ப துளி எண்ணை விட்டு, துவரம் பருப்பு மிளகாய் வற்றல் இரண்டையும் வறுக்கவும்.
நன்கு வறுபட்டதும் , அடுப்பை அனைத்து விட்டு சீரகம் போட்டு பிரட்டி எடுக்கவும்.
தயிர் ஐ நன்கு குழப்பவும்.
அரைத்தது, உப்பு போட்டு கலக்கவும்
வாணலி இல் எண்ணை விட்டு கடுகு தாளித்து இதில் கொட்டவும்.
அவ்வளவுதான். மோர் சாறு தயார்.
சுட பண்ணவே வேண்டாம். அடுப்பில் கொதிக்க விடவேண்டாம் புன்னகை

**krishnaamma** · **krishnaamma** Mon Sep 12, 2011 9:21 pm

தேவையானவை:

கடலை பருப்பு 2 spoon
உளுத்தம் பருப்பு 1 ஸ்பூன்
துவரம் பருப்பு 1 ஸ்பூன்
மிளகாய் வற்றல் 2 -4
மிளகு 1/2 ஸ்பூன்
கடுகு 1 ஸ்பூன்
வெந்தயம் 1/4 ஸ்பூன்
பெரும்காயப்பொடி 1/2 ஸ்பூன்
தேங்காய் துருவல் 2 ஸ்பூன்
எண்ணை
உப்பு
குழப்பிய மோர் 2 குப்

செய்முறை:

கடுகு, தேங்காய் தவிர எல்லாவற்றையும் வறுத்து அரைக்கவும்.
அரைக்கும்போது தேங்காய் சேர்த்து அரைக்கவும்.
வாணலி இல் எண்ணை விட்டு கடுகு தாளித்து, அரைத்தத்தை கொட்டவும்.
மோரையும் சேக்கவும், உப்பு போட்டு நன்கு கொதித்ததும் இறக்கவும்.
அவ்வளவுதான், மோர் குழம்பு ரெடி.

**krishnaamma** · **krishnaamma** Tue May 07, 2013 9:47 pm

தேவையானவை :

காய்ந்த மாங்காய் துண்டங்கள் - 10 -12
மிளகு - 2 -4 டீ ஸ்பூன்
மிளகாய் வற்றல் 10 -12
தனியா 2 டேபிள் ஸ்பூன்
பெருங்காயப்பொடி 1/4 டீ ஸ்பூன்
புளி ஜலம் - 2 கப் அல்லது 2 டீ ஸ்பூன் புளி பேஸ்ட்
உப்பு
எண்ணெய் - 4 டேபிள் ஸ்பூன்
கறிவேப்பிலை - கொஞ்சம்
மஞ்சள் பொடி - கொஞ்சம்
தாளிக்க கொஞ்சம் கடுகு , கறிவேப்பிலை

செய்முறை:

மாங்காய் துண்டங்களை கொஞ்சம் தண்ணிரில் ஊற வைக்கவும்.
வாணலி இல் மிளகு,மிளகாய் வற்றல், தனியா மற்றும் கறிவேப்பிலையை கொஞ்சம் எண்ணெய் விட்டு வறுக்கவும்.
மிக்சி இல் அரைக்கவும்.
வாணலி இல் எண்ணெய் விட்டு கடுகு கறிவேப்பிலை தாளிக்கவும்.
புளி ஜலம் விடவும்.
மட்டாக உப்பு போடவும்.
ஊறவைத்த மாங்காய் துண்டங்களை போடவும்.
பெருங்காயப்பொடி மற்றும் மஞ்சள் பொடி போடவும்.
அரைத்து வைத்த மசாலாவையும் போடவும்.
எல்லாமாக சேர்ந்து நன்கு கொதிக்கட்டும்.
மாங்காய் வெந்து குழம்பு இறுகும் வரை குழம்பு கொதிக்கட்டும்.
பிறகு இறக்கவும்.
ரொம்ப மணமான மிளகு குழம்பு தயார்.
சுடு சாதத்தில் நிறைய நெய் விட்டு இதை சாப்பிடவும்.
காச்சின அப்பளம் போறும் தொட்டுக்க புன்னகை

குறிப்பு: மிளகு குழம்பு உடலுக்கு ரொம்ப நல்லது. இதை மாங்காய் போட்டு அல்லது போடாமலும் செய்யலாம். குளிர் காலத்தில் சளி பிடித்திருக்கும் போது வாய்க்கு ரொம்ப ஆரோகியமாக இருக்கும்.

மாங்காய் இல் உப்பு இருப்பதால் உப்பு போடும் போது நினைவாக குறைந்த அளவே போடவும்

**krishnaamma** · **krishnaamma** Mon Jan 06, 2014 8:28 pm

கிள்ளு குழம்பு - வெடிக்க விட்ட குழம்பு

இந்த குழம்பும் எங்க விட்டில் 'ஹிட்' புன்னகை

இந்த குழம்புடன் வதக்கின கறியமுதுகள் ரொம்ப நல்லா இருக்கும். அதாவது உருளைக்ழங்கு அல்லது வாழைகாய் வதக்கல், அல்லது உருளை வாழைக்காய் + வெங்காய வதக்கல் ரொம்ப நல்லா இருக்கும்.

தேவையானவை :

1 கப் வெந்த துவரம் பருப்பு
10 - 12 மிளகாய் வற்றல்
2 டேபிள் ஸ்பூன் புளி பேஸ்ட் அல்லது 1 கப் புளி ஜலம்
1/2 டீ ஸ்பூன் பெருங்காயப்பொடி
கடுகு 1 டீ ஸ்பூன்
உளுத்தம் பருப்பு 1 டீஸ்பூன்
1 டீ ஸ்பூன் வறுத்து அரைத்த வெந்தய பொடி
1 டீ ஸ்பூன் மஞ்சள் பொடி
கறிவேப்பிலை கொஞ்சம்
உப்பு
தாளிக்க எண்ணெய்

செய்முறை :

ஒரு ஆழமான வாணலி அல்லது உருளி இல் எண்ணெய் விடவும்.
கடுகு, உளுத்தம் பருப்பு, மிளகாய் வற்றல் போட்டு வதக்கவும்.
பிறகு கறிவேப்பிலை மற்றும் மஞ்சள் பொடி போடவும்.
1 டம்பளர் தண்ணீர் விட்டு புளி பேஸ்ட் ஐ போடவும்.
அல்லது புளி ஜலம் விடவும்.
உப்பு போடவும்.
மெந்தயபொடி மட்டும் பெருங்கயப்பொடி போடவும்.
வெந்த பருப்பை நன்கு கரைத்து குழம்பில் விடவும்.
நன்கு கிளறிவிடவும்.
நன்கு கொதித்ததும் இறக்கவும்.
ரொம்ப காரம் இல்லாமல் நல்லா இருக்கும்.