குளிர்சாதனப் பெட்டியில் பயணிப்பவரா? இதைப் படியுங்கள் முதல்ல...

by நிசாந்தன் Thu Dec 09, 2010 4:08 pm

இடம் : திருச்சி தொடர்வண்டி நிலையம்

நேரம் : காலை 9 மணி

சில தினங்களுக்கு முன்…

மதுரையில் இருந்து சென்னை செல்லும் வைகை அதிவிரைவு தொடர்வண்டி தனக்கே உரிய பரபரப்புடன் திருச்சி தொடர் வண்டி நிலையத்துக்கு வந்தது. 60 வயது மதிக்கத்தக்க ஒருவர் குளிர்சாதன பெட்டியிலிருந்து தனது பெட்டிகளுடன் இறங்கினார். சற்று நேரத்தில் ‘குழப்பம்’ அடைந்தவராக, தொடர்வண்டி நிலைய அதிகாரியிடம் சென்றார். தன்னை சுதர்சன் எனவும், ஓய்வு பெற்ற மத்திய அரசு ஊழியர் எனவும் தன்னை பற்றி அறிமுகம் செய்துக் கொண்டு குமுறத் தொடங்கினார்.

சுதர்சனத்துக்கு வந்த சோதனை

”நான் மதுரையில் இருந்து சென்னை செல்ல பயணச்சீட்டு எடுத்தேன். சிறிது நேரத்தில் தூங்கிவிட்டேன். பிறகு வண்டி நின்றதைத் தொடர்ந்து சென்னை வந்துவிட்டதாக இறங்கினேன். நான் இறங்கியதற்கு முழுக்க தொடர்வண்டி நிர்வாகமே பொறுப்பு” என ஒரு போடு போட்டார். அதெப்படி நிர்வாகம் பொறுப்பாகும் என அதிகாரி யோசிப்பதற்குள், தனது கருத்தை அதே வேகத்தில் கூறினார்.

“ஐயா, குளிர்சாதன பெட்டி எப்பொழுதுமே மூடியே இருக்கும். பெட்டிக்குள் சென்றால், வெளியே நடப்பது எதுவுமேத் தெரியாது. பெட்டிக்குள் இருப்பவர்கள் வெலியில் வந்து தொடர்வண்டி நிலையம் வந்துள்ளது என்பதைப் பார்க்க ஒரே வழி சாளரம் மட்டுமே. இந்த சாளரத்தில் விளம்பரம் ஒட்டப்பட்டுள்ளது. இதனால் பெட்டிக்குள் இருந்து வெளியில் பார்த்தால் எந்த நிலையம் வந்துள்ளது என சுத்தமாகத் தெரியவில்லை. குளிர்சாதனப் பெட்டி என்பதனால் நிலையத்தில் ஒலிபரப்பப்படும் அறிவிப்பும் உள்ளே கேட்காது. இந்தப் பிரச்சனையால் தான் சென்னை என நினைத்து திருச்சியில் இறங்கினேன். வயது முதிர்ந்த நிலையில் அடிக்கடி நிலையம் தெரியாமல் இப்படி ஏறி இறங்கினால் எனது உடல்நிலை என்னவாகும் என நீங்களே முடிவு செய்து கொள்ளுங்கள்.” என்று அவர் முடிக்க, அட, குளிர்சாதன பெட்டியில் இப்படியொரு பிரச்சனையா? என்று ஆடிப்போனார் அந்த அதிகாரி.

விளம்பரம் தப்பிலில்லை… ஆனா…

“விளம்பரம் செய்வதை தவறு எனக்கூறவில்லை. குளிர்சாதனப் பெட்டியில் உள்ள சாளரங்களை இப்படி விளம்பரப் போர்வையில்” மூடினால் பயணிகளின் நிலை என்ன..? என சுதர்சனம் படப்டப்புடன் கூறிவிட்டு அலுவலகத்தில் அமர்ந்தார். ஒருவழியாக அவரை சமாதானம் செய்து வேறு தொடர்வண்டியில் ஏற்றி அனுப்பினார் அந்த அதிகாரி.

புகார் கூறிய சுதர்சனம் பேச்சில் நியாயம் தெரிய, து குறித்து தொடர்வண்டி இலாகா உயர் அதிகாரி ஒருவரிடம் விசாரித்தோம். “வைகை, பல்லவன் உள்ளிட்ட சில முக்கிய வண்டிகளில் உள்ள குளிர்சாதனப் பெட்டிகளில் உள்ள சாளரத்தில் விளம்பரங்கள் ஒட்டப்பட்டுள்ளன. குளிர்சாதனப் பெட்டிகளின் சாளரத்தின் அருகே சூரிய ஒளி உள்ளே புகாதவாறு திரைச் சீலை போட வேண்டியது அவசியம். அப்படி திரைச்சீலை போடும் பட்சத்தில், திரைச் சீலை செலவு, அதை வாராவாரம் பராமரிக்கும் செலவு, எனப் பலவகைகளில் செலவுகள் அதிகமாகின்றது. இதை சமாளிக்க, சாளரங்களில் விளம்பரங்களை ஒட்டினால் திரைச்சீலை போடும் செலவு மிச்சமாவதுடன், விளம்பரங்கள் மூலம் வருமானமும் கிடைக்கின்றது.

மொத்தத்தில் ஒரே கல்லில் இரண்டு மாங்காய் கிடைக்கின்றது. ஆனால், இப்படியும் சில சம்பவங்கல் நடப்பது அதிர்ச்சி அளிக்கின்றது. பெரும்பாலான தொடர்வண்டிகளின் குளிர்சாதனப் பெட்டிகளில் நிலையங்களைக் காட்டும் எண்ணியல் பலகை வைக்கப்பட்டுள்ளன. இதை அந்தப் பயணி கவனிக்கத் தவறிவிட்டார் போலும். இந்த திட்டம் விரைவில் அனைத்து அதிவிரைவு தொடர்வண்டிகளுக்கும் விரிவுபடுத்தப்படவுள்ளது. பயணிகளும் சிறிது விழிப்பாக இருப்பது நல்லது” என்றார்.

தினமலர்.

by தாமு Thu Dec 09, 2010 4:12 pm

குளிர்சாதனப் பெட்டியில் பயணிப்பவரா? இதைப் படியுங்கள் முதல்ல...

குளிர்சாதனப் பெட்டியில் பயணிப்பவரா? இதைப் படியுங்கள் முதல்ல...

Re: குளிர்சாதனப் பெட்டியில் பயணிப்பவரா? இதைப் படியுங்கள் முதல்ல...