மகிந்தாவின் போர்க் குற்றங்கள் ஒபாமாவுக்குத் தெரியும்

நிசாந்தன் · நிசாந்தன் Thu Dec 09, 2010 5:31 am

2009 ஆம் ஆண்டு மே மாதத்தில் இலங்கைப் போர் முடிவுக்கு வந்தது. ஆனால் இப்போர் நடந்தபோதும் அதன் பிறகும் இலங்கையில் நடந்துவரும் போர்க் குற்றங்கள் மற்றும் மனித உரிமை மீறல்கள் குறித்து விசாரணை அவசியம் என பல நாடுகளும் குரல் கொடுத்துவரும் நிலையில் விக்கிலீக்ஸ் வெளியிட்டுள்ள தகவல்கள் மேலும் பரபரப்பை ஏற்படுத்தியுள்ளன. இலங்கையில் நடந்த போர்க் குற்றங்களில் இந்தியாவுக்கு பாரிய பங்கு உள்ளது என்று அமெரிக்க இராஜாங்கத் தகவல்களை மேற்கோள் காட்டி தகவல்கள் வந்துள்ளன. விக்கிலீக்ஸ் வழங்கிய தகவல்களைப் பிரசுரித்துள்ள த வோல் ஸ்ட்ரீட் ஜேர்னல் என்ற சஞ்சிகையே இதைச் சுட்டிக்காட்டியுள்ளது.

இந்தப் போர்க் குற்றங்களில் இந்திய உளவு அமைப்பான றோ மற்றும் இராணுவப் புலனாய்வுத் துறையினரின் ஆதிக்கமும் இலங்கையில் அதிகம் காணப்படுவதாகச் சுட்டிக்காட்டப்பட்டுள்ளது.

இதுதவிர மேற்படி போரில் இலங்கை ஜனாதிபதி மஹிந்தவும் அவரது அரசாங்கமும் பாரிய போர்க் குற்றங்களில் ஈடுபட்ட விடயம் அமெரிக்க ஜனாதிபதி ஒபாமாவுக்கும் நன்கு தெரிந்துள்ளது. இலங்கையிலிருந்து அமெரிக்கத் தூதரகம் பரிமாறிய செய்திகளில் இவை குறிப்பிடப்பட்டுள்ளதாக மேற்படி சஞ்சிகை மேலும் அதிர்ச்சித் தகவல் வெளியிட்டுள்ளது.

2006 இல் தொடங்கி 2009 இல் நிறைவடைந்த போரில் ஏராளமான பொதுமக்கள் கொல்லப்பட்டனர். இதுகுறித்து விசாரணை நடத்தவேண்டுமென அமெரிக்கா இலங்கைக்கு அழுத்தம் கொடுத்து வந்த போதும் இலங்கை அதை ஏற்கவில்லை என்றும் தகவல் பரிமாற்றம் மூலம் தெரியவந்துள்ளது.

மகிந்தாவின் போர்க் குற்றங்கள் ஒபாமாவுக்குத் தெரியும்

மகிந்தாவின் போர்க் குற்றங்கள் ஒபாமாவுக்குத் தெரியும்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக