பாம்புகள் பதுக்கி வைத்திருந்த 3 பேர் கைது

**krishnaamma** · **krishnaamma** Wed Dec 08, 2010 1:58 pm

ஈரோடு மாவட்டத்தில் மலைப்பாம்பு உள்ளிட்ட 31 பாம்புகளை பதுக்கிவைத்திருந்த 3 பேரை வனத்துறையினர் கைது செய்தனர்.

ஈரோடு மண்டல வனப்பாதுகாவலர் அருண் உத்தரவின்பேரில் சத்தியமங்கலம் மாவட்ட வனஅதிகாரி சதீஷ், துணை மண்டல வனப்பாதுகாவலர்கள் (பயிற்சி) பத்மா, அசோக்குமார் உள்ளிட்டோர் அடங்கிய தனிப்படையினர் ஈரோடு மாவட்டத்தில் பாம்புகளை பிடித்து பதுக்கி வைத்திருப்பவர்களை கண்டுபிடிக்க சிறப்பு ரோந்து பணியில் ஈடுபட்டனர்.

இந்த தனிப்படையினர் ஈரோடு மாவட்டத்தில் கோபிசெட்டிபாளையம், சத்தியமங்கலம், ஈரோடு உள்ளிட்ட பல்வேறு பகுதியில் ரகசியமாக கண்காணிப்பு பணியில் ஈடுபட்டதில் ஈரோட்டை சேர்ந்த கபூர் (38), யுவராஜ் (27), கோபிசெட்டிபாளையத்தை சேர்ந்த ஜெகன்குமார் (28) ஆகிய மூவரை கைது செய்தனர்.

இவர்களிடம் இருந்து மலைப்பாம்பு, நாகபாம்பு உட்பட 31 பாம்புகளை பறிமுதல் செய்தனர். பறிமுதல் செய்யப்பட்ட பாம்புகளை பண்ணாரி வனப்பகுதியில் கொண்டு சென்று விட்டனர்.

மலைப்பாம்பு அழிந்துவரும் உயிரினங்களின் பட்டியலில் இருப்பதால் பாம்பு வைத்திருந்த 3 பேரையும் வனத்துறையினர் கைது செய்தனர்.

பாம்புகள் பதுக்கி வைத்திருந்த 3 பேர் கைது Img110120101512