வேலை‌ப் பளுவு‌ம்; ரேஷ‌ன் ஊ‌ழிய‌ர்க‌ளி‌ன் குமுற‌ல்களு‌ம்!

சென்னை உள்பட தமிழகம் முழுவதும் ரேஷன் அட்டைகளை தணிக்கை செய்யும் பணி அ‌ண்மை‌யி‌ல் நட‌ந்து முடி‌ந்துள்ளது. இந்தப் பணியின் போது, முகவரியில் குறிப்பிட்ட ஆட்கள் இல்லாமல் இருந்தால் அவர்களது ரேஷன் அட்டைகளுக்கு பொருள் வழங்கல் நிறுத்தப்பட்டது. இதற்கு பல்வேறு தரப்பில் இருந்தும் எதிர்ப்புகள் கிளம்பின.

பொருள் வழங்கல் நிறுத்தப்பட்ட குடிமக்கள் முதல் வி.ஐ.பி. வரை அனைவரும் ரேஷன் அலுவலகங்களுக்கு படையெடுக்கத் தொடங்கியுள்ளனர். சென்னை நகரம் என்றால் உதவி ஆணையாளர் அலுவலகங்களுக்கும், வெளி மாவட்டங்கள் எனில் வட்ட வழங்கல் அலுவலரையும் தொடர்பு கொண்டு வருகின்றனர். ஆனால், இதற்கு உடனடியாக தீர்வு காண முடியாத நிலை உள்ளது.

உதவி ஆணையாளர் அலுவலகங்கள், வட்ட வழங்கல் அலுவலரின் அலுவலகங்களில் பணியாளர் பற்றாக்குறை நிலவி வருவதாக தொடர்ந்து கூறப்பட்டு வருகிறது. போதிய பணியாளர்களை நியமிப்பதிலும் அரசு காலம் தாழ்த்தி வருவதாக குற்றச்சா‌ற்றும் உள்ளது.

இதனால், ரேஷன் அட்டை புகார்கள் தொடர்பாக அலுவலகங்களுக்குச் செல்வோரின் எண்ணிக்கை அதிகரித்து வரும் வேளையில் அதைத் தீர்க்க போதிய அதிகாரிகளோ, அலுவலர்களோ இல்லை என மக்கள் குறைபட்டுக் கொள்கின்றனர். இதைப் போக்க தமிழக அரசும், உணவு வழங்கல் ம‌ற்று‌ம் நுகர்வோர் பாதுகாப்புத் துறையும் நடவடிக்கை எடுத்துள்ளன.

தமிழகத்தில் எண்ணற்ற நபர்கள் சுய உதவிக் குழுக்களில் உறுப்பினர்களாக உள்ளனர். அவர்களில் ஆர்வம் மிக்கவர்களை ரேஷன் அலுவலகங்களில் உதவிக்கு நியமித்து வருகிறது உணவுத் துறை. சென்னையில் உதவி ஆணையாளர் அலுவலகங்களில் சுய உதவிக் குழுக்கள், நுகர்வோர் பாதுகாப்பு அமைப்புகளைச் சேர்ந்தவர்கள் அலுவலகத்துக்கு நான்கு பேர் வீதம் நியமிக்கப்பட்டு வருகின்றனர். அவர்களிடம் முகவரி மாற்றம் தொடர்பான மனுக்கள் மட்டுமே அளிக்கப்படுகின்றன.

வேறு புகார்கள் குறித்த மனுக்கள் கொடுக்கப்படுவதில்லை. இதில், சுய உதவிக் குழுக்கள், நுகர்வோர் பாதுகாப்பு அமைப்புகளில் உள்ள ஆண்கள் மட்டுமே பணியில் சேர்ந்துள்ளனர். பெண்கள் சேரவில்லை. இ‌ப்படி ப‌ணியாள‌ர்களை ‌நிய‌மி‌த்தாலு‌ம் கால‌ம் தாமத‌ம்தா‌ன் ஏ‌ற்ப‌ட்டு வரு‌கிறது.

ரேஷ‌ன் ‌‌ஊ‌‌ழிய‌ர்க‌ளி‌ன் குமுற‌ல்க‌ள்

ரேஷ‌ன் அலுவலர்களுக்கு ப‌ணி சுமை அ‌திக‌ம் எ‌ன்று கூறமுடியாது. காரண‌ம் ஒரு குடு‌ம்ப அ‌ட்டைதார‌ர் ச‌ம்ப‌ந்த‌ப்ப‌ட்ட அலுவலக‌த்‌தி‌ற்கு செ‌ன்று பெ‌ய‌‌ர் சே‌ர்‌ப்போ, முகவ‌ரி மா‌ற்றமோ செ‌ய்ய செ‌ன்றா‌ல் உடனே ‌நிறைவே‌றி‌விடாது. கு‌டு‌‌ம்ப அ‌ட்டையை கொடு‌த்து‌வி‌‌‌ட்டு செ‌ல்பவ‌ர்களு‌க்கு 10 நா‌ட்க‌ளுக்கு பிறகே வழ‌ங்கு‌கி‌ன்றன‌ர் அலுவல‌‌ர்க‌ள். எனவே தாங்கள் செய்ய வேண்டிய அந்த வேலையை 10 நா‌ட்க‌ளு‌க்கு‌ள் ஏதாவது ஒருநா‌ளி‌ல் செ‌ய்து முடி‌க்கலா‌ம்.

ஆனா‌ல் ‌நியாய‌ விலை கடைக‌‌ளி‌ல் ப‌ணியா‌ற்று‌ம் ஊ‌ழிய‌ர்க‌ளி‌ன் ‌நிலைமையோ பெரு‌ம் ‌தி‌‌ண்டா‌‌‌ட்ட‌மாக உள்ளதெனக் கூறுகின்றனர். கொள‌த்தூ‌‌ர் ‌‌‌விநாயகபுர‌‌த்‌தி‌ல் உ‌ள்ள ‌‌நியாய‌ விலை கடைக‌ளி‌ல் உணவு பொரு‌‌ள் வா‌ங்குவத‌ற்காக தனது குடு‌ம்ப அ‌ட்டையை ப‌திவு செ‌ய்ய செ‌ன்றபோதுதா‌ன் அ‌ந்த ஊ‌ழிய‌ர்‌ இவ்வாறு குமு‌றினா‌ர்.

அ‌ந்த‌‌நியாய‌விலை கடைக‌ளி‌ல் 4 ஆ‌யிர‌ம் குடு‌ம்ப அ‌ட்டைக‌ள் இரு‌ந்து‌ள்ளது. கட‌ந்த 2 ஆ‌ண்டுகளாக ப‌ணியா‌ற்‌றி வரு‌ம் அ‌ந்த ஊ‌ழி‌ய‌ரு‌க்கு 4 ஆ‌யிர‌ம் குடு‌‌ம்ப அ‌ட்டைக‌ள் எ‌ன்பது அ‌திக‌ம்தா‌ன். இ‌த்தனை அ‌‌ட்டைக‌ளை ப‌‌திவு செ‌ய்து ம‌க்களு‌க்கு பொரு‌ள் கொடு‌ப்பது கடின‌ம்தா‌ன். இ‌ந்த வேலை‌ப் பளு காரணமாக ச‌ம்ப‌ந்த‌ப்ப‌ட்ட அ‌‌திகா‌ரியை ச‌ந்‌‌தி‌‌த்து முறை‌யி‌ட்டு‌ள்ளா‌ர் அ‌ந்த ஊ‌ழி‌ய‌ர். ஆனா‌ல் அ‌ந்த அ‌திகா‌ரியோ த‌ற்போதைய ‌நிலை‌யி‌ல் ஆ‌ட்க‌ளை ‌நிய‌மி‌க்கமுடியாது எ‌ன்று கறாராக கூ‌றி‌‌வி‌ட்டா‌ராம்.

இதனா‌‌ல் ‌விர‌க்‌தி அடை‌ந்த அ‌ந்த ஊ‌ழிய‌ரு‌க்கு மாரடை‌ப்பே வ‌ந்து ‌வி‌ட்டது. இதனா‌ல் ஒரு மாத‌ம் ‌விடு‌‌ப்‌‌பி‌ல் ச‌ெ‌ன்று ‌வி‌ட்டா‌ர். இதனா‌ல் செ‌ய்வத‌றியாது ‌‌திகை‌த்த அ‌‌திகா‌ரி உடனடியாக ச‌‌ம்ப‌ந்த‌‌ப்ப‌ட்ட அ‌ந்த ‌நியாய ‌விலை கடையை 3 கடைகளாக ‌பி‌ரி‌த்தா‌ர். ஒ‌வ்வொரு ‌நியாய‌ விலை கடைக‌்கு‌‌ம் 1,500 குடு‌‌ம்ப அ‌ட்டைக‌ள் எ‌ன்ற ‌வி‌கி‌த‌த்‌தி‌ல் ‌பி‌ரி‌த்து‌க் கொடு‌த்தா‌ர். அடி‌க்கொடு‌க்காம‌ல் ‌திரு‌ந்தமா‌ட்டா‌ன் எ‌ன்ற பழமொ‌ழி‌க்கு ஏ‌ற்ப ‌‌‌நீ‌ண்ட விடுமுறை எடு‌த்ததா‌ல்த‌ா‌ன் வேலை நட‌ந்தது எ‌ன்று சொ‌ல்‌கிறா‌ர் அ‌ந்த ஊ‌ழிய‌ர்!

இது ஒரு‌ப‌க்க‌ம் நட‌ந்து முடி‌ந்தாலு‌ம் ‌விடு‌ப்பு எடு‌க்‌கி‌ன்ற நா‌ள்க‌ளி‌ல் மா‌ற்று ஆ‌ட்க‌ள் ‌‌நிய‌மி‌க்க‌ப்படுவ‌‌தி‌ல்லை. எடை போடுபவ‌ர்களை வை‌‌த்து கொ‌ண்டு அதை ச‌ரி செ‌ய்து ‌‌விடு‌கி‌ன்றன‌ர் அ‌திகா‌ரிக‌ள். இதனா‌ல் பெரு‌ம் ‌சி‌க்க‌ல் ஏ‌ற்படுவதாகவு‌ம் அ‌ந்த ஊ‌‌ழிய‌ர் குமுறு‌கி‌றா‌ர்.

இதே ‌நிலைதா‌ன் த‌மிழக‌ம் உ‌ள்ள ‌நியாய‌விலை கடைக‌ளி‌ல் நட‌ந்து வரு‌கிறது. இதனை போ‌க்க அரசு நடவடி‌க்கை வேண்டு்ம். ஒரு கடையில் போதுமான ஊழியர்கள் இல்லையென்றால், அங்கு பொருட்களை பெற வரும் பொது மக்களுக்கும், ஊழியர்களுக்கும் இடையே பிரச்சனை ஏற்படுகிறது. பொருள் வழங்கலில் தாமதம் ஏற்படுகிறது. இது பொது விநியோக முறையின் அடிப்படையையே கெடுத்துவிடுகிறது. இது இன்னொரு புறத்தில் ஊழலிற்கும் வழிவகுக்கிறது என்பதை சொல்லத் தேவையில்லை. எனவே, ஊழியர்களின் எண்ணிக்கை கால தாமமின்றி தமிழக அரசு உயர்த்த வேண்டும்.

நன்றி : வெப் துனியா

அதுக்கு தானே அவங்கள பப்ளிக் செர்வென்ட் நு சொல்றாங்க