மேற்கத்திய வாழ்க்கைமுறையே மார்பக புற்றுநோய்க்கு காரணம்

தாமு · தாமு Tue Dec 07, 2010 5:49 am

அதிகமாக சாப்பிடுதல், அதிக உடலுக்கு கெடுதல் விளைவிக்கக்கூடிய பானங்களை அருந்துதல், மிக குறைவான உடற்பயிற்சி போன்ற மேற்கத்திய வாழ்க்கை முறைகளாலேயே பிரித்தானியாவில் இருக்கும் பெண்களுக்கு அதிக அளவில் மார்பக புற்றுநோய் உருவாவதாக நிபுணர்கள் எச்சரித்துள்ளனர்.

கிழக்கு ஆப்ரிக்காவில் தான் மார்பக புற்றுநோய் வீதம் மிக குறைவு. அதனோடு ஒப்பிட்டுப் பார்க்கையில் பிரித்தானியாவில் உள்ள பெண்களுக்கு மார்பக புற்றுநோய் 4 மடங்கு அதிகமாக உள்ளது அதிர்ச்சியளிப்பதாக உள்ளதாகவும் கூறியுள்ளனர்.

அதே போன்று தென் அமெரிக்கா மற்றும் ஆசியாவின் சில பகுதிகளிலும் மார்பக புற்றுநோய் வீதம் குறைவாக இருப்பதை சுட்டிக் காட்டியுள்ள நிபுணர்கள் இதிலிருந்து மேற்கத்திய வாழக்கை முறையை மாற்றிக் கொண்டால் உறுதியாக ஆபத்து விழுக்காட்டை குறைக்க முடியும் எனக் கூறுகின்றனர்.

இது குறித்து நடத்திய மதிப்பீடுகளில் அதிக வருமானம் உள்ள நாடான பிரித்தானியாவில் 100,000 பெண்களை எடுத்துக்கொண்டால் 87.9 பேருக்கு மார்பக புற்று நோய் இருப்பது உறுதியாகி உள்ளது. அதே நேரத்தில் கென்யா , தன்சானியா ஆகிய குறைவான வருமானம் உள்ள நாடுகளில் இதே 100,000 பெண்களில் 19.3 பேருக்கு மட்டுமே மார்பக புற்று நோய் உள்ளது.

மார்பக புற்றுநோயில் பெல்ஜியம் முதலிடத்தையும், பிரான்ஸ் இரண்டாமிடத்தையும் பிடித்துள்ளது. மொத்தத்தில் ஆல்கஹால் கலந்த பானங்களை அருந்தும் பெண்களுக்கே மார்பக புற்றுநோய்க்கான சாத்தியக் கூறுகள் அதிகமிருப்பதால் மேற்கத்திய வாழ்க்கை முறையை விட்டொழித்து விடுமாறு பெண்கள் எச்சரிக்கப்பட்டுள்ளனர்.

tamilcnn