தமிழ்நாடு-கேரளாவைத் தளமாக பயன்படுத்த ‘லத்கர்-இ-தொய்பா’ முயற்சி

by நிசாந்தன் Mon 6 Dec 2010 - 17:17

தென் இந்தியாவில் நாச வேலைகளில் ஈடுபடுவதற்காக, லத்கர்-இ-தொய்பா தீவிரவாத இயக்கம் தமிழ்நாடு மற்றும் கேரளாவை தளமாக பயன்படுத்த முயன்ற தகவலை, விக்கிலீக் இணையதளம் வெளியிட்டுள்ளது.

தமிழகம்-கேரளா விக்கிலீக் இணையதளத்தில் இந்தியா தொடர்பான தகவல்கள் தொடர்ந்து வெளியாகி வருகின்றன.

கடந்து 2009-ம் ஆண்டு யூன் மாதம் 19-ந் தேதி அமெரிக்க வெளியுறவுத் துறை வெளியிட்ட இரகசிய தகவல் ஒன்றில் பாக்கித்தானைத் தளமாக கொண்டு செயல்பட்டுவரும் லத்கர்-இ-தொய்பா இயக்கம், தமிழகம் மற்றும் கேரளாவில் தளம் அமைக்க முயன்ற தகவலும் அதில் இடம் பெற்றுள்ளது.

இலங்கையில் இலங்கையில் அந்த இயக்கத்தின் மையம் ஒன்று செயல்படத் தொடங்கிவிட்டதாகவும், தென் இந்தியாவில் நாசவேலைகளில் ஈடுபடுவதற்காக தமிழ்நாடு மற்றும் கேரளாவை தளமாகப் பயன்படுத்திகொள்ள அந்த இயக்கம் முயன்று வருவதாகவும் அந்த தகவலில் இடம் பெற்றுள்ளது.

இந்தியா, பாக்கித்தான், இலங்கை மற்றும் நேபாளம் ஆகிய நாடுகளிலும் தனது பயங்கரவாத செயல்பாட்டை விரிவுபடுத்த முயன்ற தகவலையும் விக்கிலீக் அம்பலப்படுத்தியுள்ளது. விக்கிலீக்கின் இந்தத் தகவல்களை அமெரிக்க அரசு உறுதிப்படுத்தவோ அல்லது மறுக்கவோ இல்லை என்பது குறிப்பிடத்தக்கது.

2 குழுக்கள் விக்கிலீக்கின் அந்த தகவலில், மேலும் இடம் பெற்றுள்ள விவரங்கள் வருமாறு:-

இந்தியா, பாக்கித்தான், இலங்கை நேபாள நாடுகளில் உள்ள இயக்க உறுப்பினர்களின் ஆதரவுடன் தென் இந்தியாவில் சாபிக் கபா ஜி என்ற தளபதி மூலம் 2 குழுக்களை ஏற்படுத்த முயற்சிகள் மேற்கொள்ளப்பட்டுள்ளன.

இந்த தகவல்கள் உடனடியாக இந்தியாவுக்கு அதுபற்றிய தகவல்கள் தெரிவிக்கப்பட்டதாக தெரிகிறது. ஆனால் தென் இந்தியாவில் தாக்குதலுக்காக அவர்கள் தேர்வு செய்த இடங்கள் பற்றிய விவரங்கள் அதில் இல்லை.

தமிழ்நாடு மற்றும் கேரளா மற்றும் கர்நாடகம் ஆகிய மாநிலங்களில் பயிற்சி முகாம்களை ஏற்படுத்துவதற்கான தகவல்களை திரட்டவும் தளப்தி காபா முயற்சிகளை மேற்கொண்டார்

நரேந்திரமோடியை கொல்ல சதி குசராத் முதல் அமைச்சர் நரேந்திரமோடியை படுகொலை செய்யும் திட்டத்தை அரங்கேற்றவும் அவர் திட்டமிட்டு இருந்தார். லத்கர் இயக்கத்தின் இந்தியாவை சேர்ந்த உறுப்பினர் உசேன், சமீர் என்ற கூட்டாளியுடன் இணைந்து இதுபோன்ற சதித்திட்டங்களை தீட்டி உள்ளனர்.

மேற்கண்ட விவரங்கள் அதில் இடம்பெற்றுள்ளன.