ஒப்பிடத்தான் தோன்றுதடி.. (ஒரு கவிதை..முடிவு மூன்றாக..)

தேனி சூர்யாபாஸ்கரன் · 09/06/2010

உன் நெற்றிப் பொட்டில்
சூரியனை எரியவிட்டவன் நானே..

உன் புருவத்தில் கருநிற
வானவில் வரைந்தவன் நானே..

உன் மண் தொடும் கூந்தலில்..
மேகத்தை திணித்துவிட்டவன் நானே..

உன் மூக்கின் முக்கில்
நட்சத்திரத்தை ஜொலிக்கவைத்தவன் நானே..

உன் கண்களுக்குள் குளிர்ச்சியாய்..
பனிமலையை கொட்டியவன் நானே.

உன் கன்னக்குழிக்குள்
நீர்ச்சுழல் சுழலவிட்டவன் நானே..

உன் உடலை மேடு பள்ளம் காடு நிறைந்த
பாலைவனமாய் மாற்றிவிட்டவன் நானே..

உன் பாலைவனஉடலில் வற்றாத
பாலாறும்,தேனாறும் பாயவிட்டவன் நானே..

உன் மௌனத்தில் மென்மையான
தென்றலை திரியவிட்டவன் நானே..

உன் கோபத்தில் கடுமையான
சூறாவளியை சுழலவிட்டவன் நானே..

உன் சிரிப்பினிடையில் சாரலாய்
மழையை பொழிந்தவன் நானே..

உன் ஒடிகின்ற இடைதன்னில்
கொடிமலரை வளரவிட்டவன் நானே..

உன் பாதத்தின் இதத்தோடு..
தாமரை இதழை இணைத்துவிட்டவன் நானே..

உன் நடையின் அடிச்சுவடைகண்டு நடைபயின்ற
அன்ன பறவையை அழித்துவிட்டவன் நானே..

உன் முகத்தின் வடிவழகில்
முழுநிலவில் குறைகண்டவன் நானே..

மூன்று முடிவுகளோடு..

முதல்முடிவு

நானே..நானே..என்றுஇறுமாப்புடன்..
நான் யார்..? கடவுளா..? கவிஞனா..?
காதலனா..?

இரண்டாம்முடிவு.

பெண்ணே..இந்த பிரபஞ்சம்..நீதானே..!
இப்படி உனை புகழ்பவனை.
ஒருமுறை நீ வர்ணித்தது உண்டா..?
உந்தன் பிரபஞ்சம் நான் என்று.

மூன்றாம்முடிவு.

உன் வாய் வார்த்தையோடு
வாக்கிய இசையையும்..
உன் இதழ்களோடு வழிந்தோடும்
வற்றாத தேன்சுவையும் சேர்த்தஎன்னை..

உன் இதயத்தோடு மட்டும் சேர்க்க..
உன்னால் முடியாதது..ஏனோ..?

உங்களுக்கு பிடித்தமுடிவு எது..?

வினுப்ரியா · வினுப்ரியா Thu 2 Dec 2010 - 17:22

ஒப்பிடத்தான் தோன்றுதடி மிக மிக அருமை.இதுவரை நீங்கள் எழுதிய காதல் கவிதைகளிலே மிகவும் சிறந்த கற்பனை வளமும் கருத்தும்,கவிதை நயமும் ,அழகும் ,இனிமையும்,நிறைந்த
அற்புதமான கவிதை,என் மனதை மிகவும் கொள்ளை கொண்ட கவிதையும் கூட.

ஒவ்வொரு வார்த்தைகளும்,ஒவ்வொரு எழுத்துக்களும் தனித்தனியாக நின்று சுவை தருகிறது.கற்பனை வளம் ரசிக்க வைக்கிறது,

உன் நடையின் அடிச்சுவடைகண்டு நடைபயின்ற
அன்ன பறவையை அழித்தவன் நானே..
மிக மிக அழகான கற்பனை ,நான் மிகவும் ரசித்தேன்.

மூன்று முடிவுகள் கொடுத்து புதுமை செய்திருக்கிறீர்கள் சூர்யா.
மூன்றுமே அழகான முடிவுதான் கவிதையைப்பொருத்தவரை

இது போன்று அழகான கவிதைகளாக வழங்குங்கள்,வாழ்த்துக்கள்

தேனி சூர்யாபாஸ்கரன் · 09/06/2010

நன்றி..வினு... தொடர்ந்து எழுத நேரம் கிடைப்பதில்லை...முயல்கிறேன்..
ஒப்பிடத்தான் தோன்றுதடி.. (ஒரு கவிதை..முடிவு மூன்றாக..) 678642

ஈகரையோடு இணைய... ஒப்பிடத்தான் தோன்றுதடி.. (ஒரு கவிதை..முடிவு மூன்றாக..) 678642

அப்புகுட்டி · அப்புகுட்டி Thu 2 Dec 2010 - 17:56

மூன்றாவது முடிவு மிகவும் அழகாய் உள்ளது அன்பு வாழ்த்துக்கள் மிகவும் அருமையாக கவிதை அமைந்துள்ளது காதல் காதல் வரிகள் நன்றி.

தேனி சூர்யாபாஸ்கரன் · 09/06/2010

அப்புகுட்டி wrote:மூன்றாவது முடிவு மிகவும் அழகாய் உள்ளது அன்பு வாழ்த்துக்கள் மிகவும் அருமையாக கவிதை அமைந்துள்ளது காதல் காதல் வரிகள் நன்றி.

நன்றி..அப்பு நண்பா..

கலைவேந்தன் · கலைவேந்தன் Thu 2 Dec 2010 - 21:18

கவிதை சென்ற போக்கில் ஊர்ந்து நானும் உளம் மகிழ்ந்தேன். மூன்று முடிவுகளுமே அற்புதம் என்றாலும் இரண்டாம் முடிவே பெண்களின் இயல்புக்கு ஏற்றதாக அமைகிறது.

பெண்களின் இயல்பென்றதும் என்னிடம் மகளிர் அணி சண்டைக்கு வந்து விடக்கூடாது. விளக்கமும் சொல்கிறேன்.

பொதுவாக ஆண்களின் அனுபவத்தில் மிக மிக அழுத்தம் மிக்கவர்கள் பெண்கள் என்பதை அனைவருமே ஏற்றுக்கொள்வர்.

பம்பரத்தைச் சுழல வைக்கும் சாட்டைக்கயிறு கூட சற்றே சுழன்று நிற்கும் எனலாம்... ஆனால் ஆண்களைச்சுழல விடும் பெண்கள் சற்றுக்கூட சுழல்வதில்லை என்பதால் அழுத்தம் மிக்கவர்கள் எனலாம்.

மேலும் தம் உளக்கருத்தை வெளியிடுவதில் ஆண்களுக்கு ஈடாக என்றும் பெண்களை ஒப்பிடவே இயலாது. இருக்கும் என்பார் இருக்காது என்னும் அரூப நிலைதான் பெண்கள் மனது.

இந்த இயல்பை வைத்துப் பார்க்கும் போது நான் கூறியபடி இரண்டாம் முடிவே ஏற்புடையது என்று அனைவருமே ஏற்றுக்கொள்வர்..!

புதியதொரு முயற்சிக்குப் பாராட்டுக்கள் பாஸ்கரன்..!

kalaimoon70 · kalaimoon70 Thu 2 Dec 2010 - 21:21

படம் சொல்லும் அழகு .அதை வரிகள் மெருகூட்டும் பாங்கு .
அருமை தோழரே .தொடரட்டும் உங்கள் கவி பேரணி .

அன்பு தளபதி · அன்பு தளபதி Thu 2 Dec 2010 - 21:48

முடியாமல் தொடரட்டும் உங்கள் கவிதை

தேனி சூர்யாபாஸ்கரன் · 09/06/2010

புவனா · புவனா Fri 3 Dec 2010 - 16:05

அழகான கவிதை........ இரண்டாம் முடிவு அழகு..

Sponsored content · Sponsored content

ஒப்பிடத்தான் தோன்றுதடி.. (ஒரு கவிதை..முடிவு மூன்றாக..)

ஒப்பிடத்தான் தோன்றுதடி.. (ஒரு கவிதை..முடிவு மூன்றாக..)

Re: ஒப்பிடத்தான் தோன்றுதடி.. (ஒரு கவிதை..முடிவு மூன்றாக..)

Re: ஒப்பிடத்தான் தோன்றுதடி.. (ஒரு கவிதை..முடிவு மூன்றாக..)

Re: ஒப்பிடத்தான் தோன்றுதடி.. (ஒரு கவிதை..முடிவு மூன்றாக..)

Re: ஒப்பிடத்தான் தோன்றுதடி.. (ஒரு கவிதை..முடிவு மூன்றாக..)

Re: ஒப்பிடத்தான் தோன்றுதடி.. (ஒரு கவிதை..முடிவு மூன்றாக..)

Re: ஒப்பிடத்தான் தோன்றுதடி.. (ஒரு கவிதை..முடிவு மூன்றாக..)

Re: ஒப்பிடத்தான் தோன்றுதடி.. (ஒரு கவிதை..முடிவு மூன்றாக..)

Re: ஒப்பிடத்தான் தோன்றுதடி.. (ஒரு கவிதை..முடிவு மூன்றாக..)

Re: ஒப்பிடத்தான் தோன்றுதடி.. (ஒரு கவிதை..முடிவு மூன்றாக..)

Re: ஒப்பிடத்தான் தோன்றுதடி.. (ஒரு கவிதை..முடிவு மூன்றாக..)

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக