ரத்த குழாயில் லேசர் ‘குண்டு வெடிப்பு’

லண்டன்:ரத்தக் குழாயில் இருக்கும் அடைப்பை ‘மினி குண்டு வெடிப்பு’ மூலம் தகர்க் கும் அதிநவீன லேசர் சிகிச்சை முறையை இங்கிலாந்து ஆராய்ச்சியாளர்கள் கண்டுபிடித் துள்ளனர்.உப்பு படிந்து, குப்பை அடைத்துக்கொள்ளும் கார்ப்பரேஷன் குழாயில் தண்ணீர் சரியாக வராது. அதேபோல, உடலின் அதிகப்படியான கொழுப்பு ரத்த நாளங்களில் படிவ தால் ரத்த ஓட்டம் பாதிக்கப்படும். கவனிக்காமல் விட்டால் மாரடைப்பு போன்றவை ஏற்ப ட்டு உயிரை பறிக்கும் அபாயமும் உள்ளது. இவர்களுக்கு பைபாஸ் சர்ஜரி என்ற அறுவை சிகிச்சைதான் தீர்வாக இருந்தது.

ஆபரேஷன் இல்லாமல் ரத்த நாள அடைப்புகளை சரிசெய்யும் வகையில் அதிநவீன லேசர் சிகிச்சை முறையை லண்டன் பல்கலைக்கழக ஆராய்ச்சியாளர்கள் கண்டுபிடித்துள் ளனர். டாக்டர் ஜோ ப்ரூக்ஸ் தலைமையில் நடந்த இந்த ஆராய்ச்சி நடந்துள்ளது.

கண் ஆபரேஷன்களில் பயன்படுத்தப்படும் எக்சைமர் லேசர் வகை இந்த சிகிச்சையில் பயன்படுத்தப்படுகிறது. கதீட்டர் எனப்படும் மிக நுண்ணிய குழாய் எக்சைமர் லேசர் கரு வியுடன் பொருத்தப்படும். இது ரத்த நாளங்களுடன் இணைக்கப்பட்டு ரத்த அழுத்தத்தை அதிகரிக்கும். அதிக அழுத்தத்துடன் சீறிப்பாயும் ரத்தத்துடன் லேசரும் செலுத்தப்படும். இது ரத்தக் குழாய்களில் உள்ள அடைப்புகளை வெடிக்க செய்து தகர்க்கிறது. வெடித்து சிதறும் கழிவுகள் நுண்ணிய துகள்களாகி ரத்த ஓட்டத்தில் கலந்து ரத்தக் குழாய்கள் மூல மாகவே வெளியேறிவிடும். ஆபரேஷன் மூலம் உடலின் ஏதோ ஒரு பகுதியில் உள்ள அடைப்பை மட்டுமே நீக்க முடியும். ஆனால் லேசர் முறையில் உடலின் எந்த பகுதியில் இருக்கும் அடைப்பையும் நீக்கலாம் என்கிறார் தலைமை டாக்டர் ஜோ.

லண்டன் பல்கலைக்கழக மருத்துவமனையில் கடந்த ஜூலையில் சோதனை அடிப்படை யில் 2 பேருக்கு லேசர் முறையில் ரத்த நாள அடைப்புகள் நீக்கப்பட்ட அடுத்த நாளே டிஸ்சார்ஜ் செய்யப்பட்டது குறிப்பிடத்தக்கது.

cnn