4 தீவிரவாத குழுக்களுக்கு பாகிஸ்தான் அரசு நிதியுதவி

**சிவா** · **சிவா** Thu Dec 02, 2010 1:11 am

4 தீவிரவாத குழுக்களுக்கு பாகிஸ்தான் அரசு நிதியுதவி அளித்து வருவதாக விக்கி லீஸ் தகவல் வெளியிட்டுள்ளது.விக்கி லீஸ் என்ற இணையதள இதழ் அமெரிக்காவின் பலவேறு ரகசியங்களை அம்பலப்படுத்தி வருகிறது. இந்த நிலையில் இப்போது மேலும் ஒரு ரகசிய தகவலை இந்த இணைய தளம் வெளியிட்டுள்ளது. கடந்த 2009 ம் ஆண்டு பாகிஸ்தானுக்கான அமெரிக்க தூதுவராக இருந்தவர் அன்னி பேட்டர்சன். இவர் பாகிஸ்தான் நாட்டின் பல்வேறு ரகசிய தகவல்களை அமெரிக்காவிற்கு அனுப்பி வைத்திருக்கிறார். அந்த தகவல் அடங்கிய ஆவணம் ஒன்றை விக்கிலீஸ் வெளியிட்டுள்ளது. தலிபான் மற்றும் அல்குவைதா போன்ற 4 தீவிரவாத குழுக்களுக்கு பாகிஸ்தான் அரசு 16 பில்லியன் டாலரை வழங்கியுள்ளதாக தெரிவிக்கப்பட்டுள்ளது. மேலும் பாகிஸ்தானின் உளவு அமைப்பான ஐ.எஸ்.ஐ. க்கும் தீவிரவாதிகளுக்கும் இடையே நெருக்கமான தொடர்பு இருப்பதாகவும் கூறப்பட்டுள்ளது. ஆப்கானிஸ்தானில் இந்தியாவுக்கு சாதகமான அரசு அமைவதற்கு பாகிஸ்தான் எதிர்ப்பு தெரிவித்துள்ளது என்றும் அந்த ஆவணத்தில் கூறப்பட்டுள்ளது.

மேலும் பாகிஸ்தானில் தீவிரவாதத்தை எதிர்த்து போரிடுவதற்காக அமெரிக்கா அனுப்பிய நிதியை பாகிஸ்தான் அரசு தவறாக பயன்படுத்தி வருவதாகவும் அதில் கூறப்பட்டுள்ளது. பிற நாடுகளைக்காட்டிலும் அணு ஆயுதங்களை அதிவேகத்தில் தயாரிப்பதில் பாகிஸ்தான் வல்லமை பெற்றுள்ளது என்றும் அமெரிக்காவுக்கு அன்னி பேட்டர்சன் அனுப்பிய ஆவணத்தில் கூறப்பட்டுள்ளது. இந்த நிலையில் விக்கிலீஸ் நிறுவனத்தின் தலைவர் ஜுலி அசன்சென்னை சர்வதேச போலீசார் தேடிவருகின்றனர். அவருக்கு எதிராக ஸ்வீடன் நாட்டு ஞிதிமன்றத்தில் பாலியல் பலாத்கார வழக்கு ஒன்று பதிவு செய்யப்பட்டுள்ளது.

4 தீவிரவாத குழுக்களுக்கு பாகிஸ்தான் அரசு நிதியுதவி

4 தீவிரவாத குழுக்களுக்கு பாகிஸ்தான் அரசு நிதியுதவி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக