கணவர் தனிக்குடித்தனம் வர மறுத்ததால் உடலில் தீ வைத்து பெண் தற்கொலை

தேவாரத்தில் மாமனார் வீட்டில் இருந்து தனிக்குடித்தனம் செல்ல கணவர் மறுத்ததால் 3 பெண் குழந்தைகளின் தாய் தீ வைத்து தற்கொலை செய்து கொண்டார்.

மதுரை மாவட்டம்,பேரையூர் அருகே உள்ள இலந்தைகுளத்தில் வசித்து வருபவர் ஈஸ்வரன்.இவர் டிராக்டர் டிரைவர் .இவருடைய மனைவி பெயர் ஜோதி(26) இவர்களுக்கு கடந்த 4 ஆண்டுகளுக்கு முன் திருமணமாகிறது.இவர்கள் திருப்ஞீரில் வசித்து வந்தனர்.முதலில் இவர்களுக்கு இரட்டை குழந்தை பிறந்தது.பின் ஒருவருடத்திற்கு முன்பு 2_வது முறையாக கர்ப்பம் அடைந்த ஜோதி பிரசவத்துக்காக தேனி மாவட்டம்,உத்தமபாளையம் தாலுகா,தேவாரத்தில் உள்ள தனது தாய்வீட்டுக்கு வந்து இருந்தார்.அவருக்கு மீண்டும் பெண் குழந்தை பிறந்தது.

அப்போது மாமனார் வீட்டுக்கு வந்த ஈஸ்வரன் மீண்டும் திருப்ஞீருக்கு வேலைக்கு செல்ல வில்லை.மாமனார் வீட்டில் ஈஸ்வரன் இங்கும் வேலைக்கு செல்லாததால் மனைவி ஜோதி கணவரிடம் திருப்பூருக்கு வேலைக்கு செல்லுங்கள் அல்லது தேவாரத்தில் வேறு வீட்டுக்கு சென்று விடுவோம் .எனது தாய்வீட்டில் இருப்பதால் உறவினர்கள் கேலிபேசுகிறார்கள் என்று கூறி தனியாக குடித்தனம் செல்லலாம் என்று கூறியுள்ளார்.ஆனால் ஈஸ்வரன் தனிக்குடித்தனம் செல்ல மறுத்ததால் கணவன் ,மனைவிக்குமிடையே தகராறு ஏற்பட்டுள்ளது.

இந்நிலையில் வீட்டில் தனியாக இருந்த ஜோதி மனம் வெறுத்து உடலில் மண்எண்ணெயை ஊற்றி தீ வைத்துக்கொண்டார்.உடல் கருகிய நிலையில் உயிருக்கு போராடிக்கொண்டிருந்த ஜோதியை சிகிச்சைக்காக உத்தமபாளையம் அரசு மருத்துவமனைக்கு கொண்டு சென்று அங்கு அவருக்கு முதல் உதவி சிகிச்சை செய்து மேல் சிகிச்சைக்காக தேனி அரசு மருத்துவக்கல்லூரி மருத்துவமனைக்கு அனுப்பி வைத்தனர்.அங்கு அவருக்கு தீவிர சிகிச்சை அளிக்கப்பட்டது.ஆனால் சிகிச்சை பலனின்றி ஜோதி பரிதாபமாக உயிர் இழந்தார்.இச்சம்பவம் குறித்து தேவாரம் சப்_இன்ஸ்பெக்டர் ஜான்பெஞ்சமின் வழக்குப்பதிவு செய்து விசாரணை நடத்தி வருகிறார்.