சினேகா இல்லாமல் என்னால் வாழமுடியாது:தொழிலதிபர் வாக்குமூலம்

by இளவரசன் Mon Aug 17, 2009 3:27 pm

சினேகா இல்லாமல் என்னால் வாழமுடியாது:தொழிலதிபர் வாக்குமூலம்

தன்னை திருமணம் செய்துகொள்ளும்படி தினமும் 50-க்கும் மேற்பட்ட எஸ்எம்எஸ் அனுப்பி நடிகை சினேகாவை டார்ச்சர் செய்த ரியல் எஸ்டேட் அதிபர் சென்னையில் கைது செய்யப்பட்டார். சினேகா இல்லாமல் என்னால் வாழ முடியாது என்று போலீசாரிடம் அவர் பரபரப்பு வாக்குமூலம் அளித்துள்ளார்.

நாக் ரவி என்பவரை சினேகா திருமணம் செய்துகொள்ளப் போவதாக சமீபத்தில் வதந்தி பரவியது. பின்னர் அது வெறும் புரளி என்று தெரிந்தது.

இந்நிலையில், கடந்த 6 மாதமாக ஒருவர் அடிக்கடி சினேகாவின் செல்போனில் தொடர்பு கொண்டு, தன்னை திருமணம் செய்துகொள்ளும்படி வற்புறுத்தி வந்தார். தினமும் 50-க்கும் மேற்பட்ட எஸ்எம்எஸ் அனுப்புவாராம். நான்தான் உன்னை திருமணம் செய்யவேண்டும். வேறு யாராவது திருமணம் செய்தால் அவரை கொன்று விடுவேன். நீ விதவை ஆகிவிடுவாய்.

சினிமாவில் இருந்து உன்னை ஒழித்துவிடுவேன் என்று எஸ்எம்எஸ்-ல் மிரட்டியுள்ளார். சினேகாவின் அழகை வர்ணித்து தமிழ், ஆங்கிலத்தில் கவிதைகளாக அனுப்பியுள்ளார்.

இந்நிலையில், சென்னை மாநகர போலீஸ் கமிஷனர் ராஜேந்திரனிடம் சினேகா நேற்று ஒரு புகார் கொடுத்தார். அதில், ‘‘ஒருவர் எனக்கு கடந்த 6 மாதமாக எஸ்எம்எஸ் மூலம் தொல்லை கொடுக்கிறார். திருமணம் செய்யச்சொல்லி மிரட்டுகிறார். என்னால் நிம்மதியாக இருக்க முடியவில்லை. சினிமாவில் நடிக்க முடியவில்லை. அந்த நபர் மீது நடவடிக்கை எடுக்க வேண்டும் என்று கூறியிருந்தார்.

இதுபற்றி விசாரணை நடத்த சைபர் கிரைம் உதவி கமிஷனர் சுதாகர் தலைமையில் தனிப்படை அமைக்கப்பட்டது. அவர்கள் நடத்திய விசாரணையில், எஸ்எம்எஸ் அனுப்பிய நபர் சென்னை நட்சத்திர ஓட்டல் ஒன்றில் தங்கியிருப்பது கண்டுபிடிக்கப்பட்டது.

இதையடுத்து, போலீசார் சென்று ஓட்டலில் தங்கியிருந்த பெங்களூரைச் சேர்ந்த ராகவேந்திரா (35) என்பவரை சுற்றிவளைத்து கைது செய்தனர். அவரது செல்போனை வாங்கி பரிசோதித்தபோது, நேற்றும் சினேகாவுக்கும் எஸ்எம்எஸ் அனுப்பியிருந்தது தெரியவந்தது.

போலீசாரிடம் ராகவேந்திரா, ‘’நான் பி.காம். படித்துள்ளேன். ரியல் எஸ்டேட் தொழில் செய்வதால் தமிழ் நடிகர்கள் சிலருடன் பழக்கம் ஏற்பட்டது. தொழில் விஷயமாக அடிக்கடி சென்னை வருவேன். சினிமாவில் சினேகாவின் சிரிப்பு, அழகைப் பார்த்து மயங்கினேன். தினமும் கனவில் வருவார். அவரை ஒருதலையாக காதலிக்கத் தொடங்கினேன். அவர் இல்லாமல் வாழ முடியாது என்ற நிலைக்கு வந்தேன்.

எப்படியும் அவரை திருமணம் செய்துகொள்ள வேண்டும் என முடிவு செய்தேன்.

சினிமா நண்பர் மூலம் 2 ஆண்டுகளுக்கு முன்பு சினேகாவின் செல்போன் நம்பரை தெரிந்து கொண்டு, அவரிடம் பேசினேன். திருமணம் செய்துகொள்ளலாம் என கேட்டேன். அவர் மறுத்துவிட்டார். இருப்பினும் விடாமல் அவருக்கு போன் செய்தேன். போலீசில் புகார் கொடுப்பேன் என்று எச்சரித்தார். அதை கண்டுகொள்ளாமல் தினமும் காலை முதல் இரவு வரை 50-க்கும் மேற்பட்ட எஸ்எம்எஸ் அனுப்புவேன்.

சென்னையில் சினேகாவை சந்திக்க பலமுறை முயற்சி செய்தும் முடியவில்லை. என் தொல்லை தாங்காமல் பலமுறை செல்போன் நம்பரை சினேகா மாற்றினார். ஆனாலும் சினிமா நண்பர்கள் மூலம் புதிய நம்பரை உடனடியாக தெரிந்து கொண்டு எஸ்எம்எஸ் அனுப்புவேன்.

இப்போதுகூட அவரை சந்திக்கத்தான் சென்னையில் தங்கியிருந்தேன். சினேகா இல்லாமல் என்னால் வாழ முடியாது. நான் வசதியானவன். சினேகாவை நல்ல முறையில் வைத்து காப்பாற்றுவேன்’’என்று கூறினார்.

அவரை சைதாப்பேட்டை கோர்ட்டில் ஆஜர்படுத்திய பின்னர், நீதிபதி உத்தரவின்படி புழல் மத்திய சிறையில் போலீசார் அடைத்தனர்.

by sudhakaran Mon Aug 17, 2009 8:05 pm

என்ன கொடுமை சார் இது.....

by மீனு Mon Aug 17, 2009 9:31 pm

Inge oru vishayam therihirathu..Antha sms anuppum nabarukku sneha mel paithiyamaa irukkaaru yenbathe..Inge avar melum thappille..sneha melum thappille..irunthaazhum snehava ivaru ivazhavu thooram thollai panni irukka kuudaathu..hmmm

by Sponsored content

சினேகா இல்லாமல் என்னால் வாழமுடியாது:தொழிலதிபர் வாக்குமூலம்

சினேகா இல்லாமல் என்னால் வாழமுடியாது:தொழிலதிபர் வாக்குமூலம்

Re: சினேகா இல்லாமல் என்னால் வாழமுடியாது:தொழிலதிபர் வாக்குமூலம்

Re: சினேகா இல்லாமல் என்னால் வாழமுடியாது:தொழிலதிபர் வாக்குமூலம்

Re: சினேகா இல்லாமல் என்னால் வாழமுடியாது:தொழிலதிபர் வாக்குமூலம்