மலேசியாஇன்று: நாடாளுமன்ற உறுப்பினர் கோபால கிருஷ்ணன் கைது.

**சிவா** · **சிவா** Mon Aug 17, 2009 6:51 pm

புக்கிட் மெர்தாஜாம் தேசிய இளஞர் தொழில் தேர்ச்சி பயிற்சி கழகத்தில் அமைக்கப்பட்டிருந்த பெர்மாத்தாங் பாசிர் இடைத் தேர்தலுக்கான வேட்பாளர் நியமன மையத்தில் இன்று போலீசாருடன் நிகழ்ந்த இழுபறி போராட்டத்தில் பாடாங் ஜெராய் நாடாளுமன்ற உறுப்பினர் என் கோபால கிருஷ்ணன் கைது செய்யப்பட்டார்.

முற்பகல் மணி 11.30 மணிக்கு நிகழ்ந்த அந்தச் சம்பவத்தில் ஒலிபெருக்கியின் மூலம் தூண்டிவிடும் சொற்களை பயன்படுத்த வேண்டாம் என்று போலீசார் இரண்டு முறை விடுத்த எச்சரிக்கைக்கு செவிசாய்க்க பிகேஆர் உச்ச மன்ற உறுப்பினருமான கோபால கிருஷ்ணன் தவறிவிட்டதாக பினாங்கு மாநில போலீஸ் படைத் தலைவர் அயோப் யாக்கோப் கூறினார்.

இரண்டு எச்சரிக்கைகளுக்கு அவர் செவிசாய்க்கத் தவறியதைத் தொடர்ந்து போலீசார் அவரை கைது செய்வதற்கு முற்பட்டனர். ஆனால் அவரது ஆதரவாளர்கள் தலையிட்டு போலீசார் தங்களது கடமைகளைச் செய்வதிலிருந்து தடுக்க முயன்றதாக அயோப் சொன்னார். அதனால் அமளி ஏற்பட்டது.

50 க்கும் மேற்பட்ட பக்காத்தான் ஆதரவாளர்கள் வேட்பாளர் நியமன மய்யத்தில் அமைக்கப்பட்டிருந்த போலீஸ் தடையை மீறிச் செல்ல முயன்ற போது அந்தச் சம்பவம் தொடங்கியதாக அவர் மேலும் கூறினார்.

“எனினும் போலீசார் நிலைமையை தங்களது கட்டுக்குள் வைத்திருந்தனர். அந்த அமளியில் தனது இடது கையில் முறிவு ஏற்பட்டதாக கூறிக் கொண்ட கோபால கிருஷ்ணன் அம்புலன்ஸ் மூலம் புக்கிட் மெர்தாஜாம் மருத்துவமனைக்கு அனுப்பி வைக்கப்பட்டார்”, என்றும் அவர் நிருபர்களிடம் கூறினார்.

காயமடைந்த பல போலீஸ்காரர்களும் மருத்துவமனைக்கு கொண்டு செல்லப்பட்டனர், அந்தச் சம்பவம் குற்றவியல் சட்டத்தின் 186 வது பிரவின் கீழ் விசாரிக்கப்படுவதாகவும் அயோப் தெரிவித்தார்.

**சிவா** · **சிவா** Mon Aug 17, 2009 7:02 pm

மலேசியாஇன்று: நாடாளுமன்ற உறுப்பினர் கோபால கிருஷ்ணன் கைது.

மலேசியாஇன்று: நாடாளுமன்ற உறுப்பினர் கோபால கிருஷ்ணன் கைது.

Re: மலேசியாஇன்று: நாடாளுமன்ற உறுப்பினர் கோபால கிருஷ்ணன் கைது.

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக