சிறீலங்கா ஜனாதிபதியை லண்டனில் வரவேற்ற சனல்4 காணொளி (இணைப்பு)

ஸ்ரீலங்காவின் ஜனாதிபதி மகிந்த ராஜபக்ச நேற்றையதினம் பிரித்தானியாவுக்கு வருகை தந்ததும் அவரின் வருகைக்காக எதிர்ப்பு ஆர்பாட்டம் ஒன்று புலம் பெயர்ந்த தமிழர்களால் heathrow விமான நிலையத்தில் மேற்கொள்ளப்பட்டது நேற்றைய செய்தி.

1000 கணக்கான மக்கள் கூடி கறுப்புக்கொடி பிடித்தும் கொட்டொலி எழுப்பியும் செய்த ஆர்ப்பட்டத்தினால் மகிந்த ராஜபக்சவை பிரத்தியேக பின் வாசல் வழியாக பத்திரமாக அழைத்துச் சென்றனர் பாதுகாப்பு வழங்கியோர். இதுபற்றி ஸ்ரீலங்கா ஜனாதிபதி தனது பிரயாண ஏற்பாடுகளுக்கு பொறுப்பானவர்களில் சீற்றம் கொண்டிருப்பதாக தெரியவந்துள்ளது
இது இப்படி இருக்க மகிந்த ராஜபக்ச லண்டனில் இருக்கும் முதல் நாளான இன்று சனல் 4 என்னும் லண்டனிலுள்ள ஒரு பிரசித்தி பெற்ற தொலைக்காட்சி மீண்டும் இலங்கை அரசினால் போர்க்காலத்தில் மேற்கொள்ளபட்ட மனித உரிமை மீறல்கள் பற்றிய புதிய காணொளி காட்சித்தொகுப்பை ஒருமணிநேர முன்பு வெளியிட்டுள்ளது. இது இலங்கை ஜனாதிபதிக்கு லண்டனில் பெரிய அவமானத்தையும் நெருக்கடியையும் ஏற்படுத்துவதுடன் பிரயாண நோக்கம் பாதிக்கப்படலாம் என ஊகம் தெரிவிக்கப்படுகிறது

channel 4 தொலைக்காட்சி வெளியிட்ட செய்தி பார்க்க

http://www.channel4.com/news/sri-lanka-execution-video-new-war-crimes-claims

Channel 4 வெளியிட்ட தகவல்


http://link.brightcove.com/services/player/bcpid601325122001?bctid=693375798001


விடுதலைபுலிகளை வென்றுவிட்டோம் என்று இலங்கை அரசு அறிவித்து
மூன்றுமாதங்களில் முதல் முறையாக சனல் 4 தொலைக்காட்சி, காணொளி
தொகுப்பொன்றை வெளியிட்டது. அதில் இறுதி நேரயுத்த முன்னெடுப்பில்
இலங்கை இராணுவம் தமிழ் மக்களைக் கொலை செய்யும் கோரமான
காட்சிகள் இடம் பெற்றிருந்தன.

இப்போது மீண்டும் இராணுவத்தின் அதேபோன்ற நடவடிக்கைகள் கொண்ட
மேலதிக காணொளித் தகவல்கள் வெளிவந்துள்ளன.

இந்த காணொளிக்காட்சியும் 16 மாதங்களுக்குமுன் சனல் 4 வெளியிட்ட
காணொளிக்காட்சியின் தொடராகவே இருக்கிறது. அப்போது வெளியிட்ட
காணொளியை ஸ்ரீலங்கா அரசு போலியாக தயாரிக்கப்பட்டதென மறுப்பு
தெரிவித்திருந்தது. அன்றைய காட்சியில் சிறைபிடிக்கப்பட்ட தமிழ்க்கைதி
ஒருவர் கைகள் கட்டிய நிலையில் கொலை செய்யப்பட்டு பிணமாக Truck
வாகனமொன்றில் போடப்பட்டிருக்கும் காட்சி இருந்தது

இப்போது வெளியான இரண்டாவது காணொளி இன்னுமொருவர் கைகள்
கட்டப்பட்ட நிலையில் கொலை செய்யப்பட்டிருப்பதை காட்டுவதோடு
நின்றுவிடாமல், தொடர்ந்து குறைந்தது ஏழு நிர்வாண நிலையிலுள்ள
பெண்களின் உடல்களைக் காட்சிப்படுத்தி, அதைப்பற்றிய பார்த்துக்
கொண்டிருப்பவர்களின் கீழ்த்தரமான வர்ணனைகள் கொண்ட உரையாடலும்
கேட்கக்கூடியதாக இருக்கிறது. இந்தப் பேச்சின்மூலம் அந்தப்பெண்கள்
கொலைசெய்யப்படுவதற்கு முன் கொடூரமாக கற்பழிக்கப்பட்டிருக்கலாம் என்ற
ஊகத்தை தருகிறது

சனல் 4 க்குரிய வெளிநாட்டுச்செய்திகளுக்கான தொடர்பாளர் இதைப்பற்றி
கூறுகையில், “இந்த வீடியோவில் காணப்படும் மிகுதிக்காட்சிகள்
தொலைக்காட்சியில் ஒளிபரப்ப முடியாத அளவு குரூரமானவை. பெண்களை
நிர்வாணப்படுத்தி கைகள் கட்டப்பட்ட நிலையில் பிணமாக காணப்படுவதோடு
அதைப்பற்றிய கீழ்த்தரமான உரையாடல்கள் நிறைந்ததாக உள்ளது
ஒருவருடத்துக்கு முன்னர் சனல் 4 க்கு கிடைத்த முதலாவது காணொளியைத்
தொடர்ந்து இன்றுவரை எங்களுக்கு நூற்றுக்கணக்கான கற்பழிப்பும்
கொலைக்ளும் கொண்ட நிழற்படங்களும் பல அதிர்ச்சிதரும் காணொளிகளும்
கிடைத்துள்ளன

இப்போது கிடைத்துள்ள இந்த 5 நிமிடங்கள் 30 வினாடிகள் கொண்ட
காணொளியை ஐநா வின் அனைத்துலக போர்க்குற்றங்கள் பற்றிய விசாரணைப்
பிரிவுக்கு அனுப்பி வைத்துள்ளோம்” என்று கூறினார்