சிவகங்கை மாவட்டத்தை மீட்போம்

First topic message reminder :

சிவகங்கை மாவட்டத்தை மீட்போம், என்று தினமலர் வெளியிட்டுள்ள புகைப்படங்களை இங்கு தொகுத்து வழங்குகிறேன்! மக்களின் அலட்சியம், வீணாகும் அரசாங்க சொத்துக்கள் என பட்டியலிட்டு புகைப்படங்களுடன் வெளியிட்டுள்ளார்கள். ஆனால் இதுவரை அரசாங்கமோ, மக்களோ செவிசாய்க்கவில்லை என்பதுதான் வேதனையான விடயம்.

இயற்கை வளத்திற்கு சவால்

மனித நாகரிகம் வளர, வளர பூமியில் இயற்கை வளம் கேள்விக்குறியாகியுள்ளது. சுற்றுச்சூழலுக்கு சவால் விடும் பாலிதீன் பைகளை பயன்படுத்துவது "நாகரிகம்' என நாம் நினைக்கிறோம். இதனால், செல்லும் இடங்களில் எல்லாம், பாலிதீன் ஆதிக்கம் தான். இயற்கை சூழலை ரசிக்க செல்லும் சிலர், வயிற்றை நிரப்புவதில் அக்கறையாக செயல்படுகின்றனர். பிளாஸ்டிக் பாக்கெட்களில் உணவை எடுத்து சென்று, அக்கறையில்லாமல் அவற்றை வீசி ஏறிகின்றனர். இதனால், அப்பகுதியில் மண் வளம், "மக்கி' போய்விட்டது. சுற்றுலா மையங்களில் பாலிதீன் பயன்பாட்டை தடை செய்ய வேண்டிய கட்டாயம் எழுந்துள்ளது. இருபது மைக்ரான் அளவு(தடிமன்) குறைந்த பாலிதீன் பொருள், மண்ணில் மக்குவதற்கு, 400 ஆண்டுகள் ஆகும். இதன்படி பார்த்தால், நாம் பயன்படுத்தும் பாலிதீன் பைகள், பல தலைமுறைகளை தாண்டியும் கேடு விளைவிக்கும். இவற்றால் மரம், செடி, விலங்கினங்களுக்கு மட்டு மல்ல, இறுதியில் நமக்கே ஆபத்தாக முடியும் என்பதை, நாம் உணர்வது இல்லை. இவற்றை தடை செய்யாமல், விழிப்புணர்வு என்ற பெயரில், "பம்மாத்து' காட்டப்படுகிறது. ஒழிப்பதில் யாரும் ஆர்வம் காட்டவில்லை. பருவ நிலையை மாற்றி, உலகிற்கே சவால் விடும் பாலிதீன் பொருட்களை ஒழிப்பது என, இன்றே உறுதி ஏற்போம்.

கழிவு நீர் குழாயை கூட கண்டுகொள்ளாத காரைக்குடி ஆதிதிராவிடர் மாணவிகள் விடுதி.

சிதிலத்தின் உச்சத்தில் சிங்கம்புணரி ஆதிதிராவிடர் மாணவிகள் விடுதி

மழைநீர் சேகரிப்பின் மாண்பு


கடந்த அ.தி.மு.க., ஆட்சி காலத்தில், வந்த சில நல்ல திட்டங்களில் ஒன்று தான், மழைநீர் சேகரிப்பு திட்டம். அவர்களது ஆட்சியில், அரசு, தனியார் உட்பட அனைத்து கட்டடங்களிலும், மழை நீர் சேகரிப்பு கடைபிடிக்க வேண்டும் என உத்தரவிட்டனர். புதிதாக கட்டப்படும், வணிக நிறுவனம், வீடுகளில் மழை நீர் சேகரிப்பு தொட்டி கட்டியிருக்கிறதா என உள்ளாட்சி அதிகாரிகள் கண்காணித்த பின் தான், பிளான் அப்ரூவலே தரவேண்டும் என அரசு கட்டாய உத்தரவிட்டது. ஆனால் அரசு அறிவிக்கும் எந்த சட்டத்தையும் மீறுவதில் தான், அக்கறை செலுத்துகிறோம். அதனால் தான் அந்த அரசின் கட்டாய உத்தரவுக்காக, மழைநீர் சேகரிப்பு அமைப்பை உருவாக்கியவர்கள், இன்றைக்கு அந்த நல்லதிட்டத்தை கைவிட்டுவிட்டனர். மழைநீர் சேகரிப்பு அமைப்பு, நிலத்தடி நீரை பாதுகாக்க சிறந்த திட்டம் என்பதை நாம் இன்றைக்கு ஏற்க மறுக்கிறோம். அதனால், நிலத்தடி நீர் மட்டம் நாளுக்கு நாள் அதல பாதாளத்திற்கு செல்கிறது. இது போன்ற நல்ல திட்டங்களை அரசு "அதிகாரம்' காட்டி அமல் படுத்தினால் தான் நாட்டுக்கு நல்ல விமோசனம் கிடைக்கும். எனவே யார்கொண்டு வந்த திட்டம் என பார்க்காமல், எந்தளவிற்கு பிரயோஜனம் இருக்கிறது என்பதை உணர்ந்து நாம்


மழைநீர் சேகரிப்பு அமைப்பில், கழிவுநீர் சேகரிப்பு திட்டம் துவக்கம். மறவமங்கலம் - இளையான்குடி ரோடு.

காரைக்குடி தாலுகா அலுவலகத்தில் அமைத்துள்ள, மழைநீர் சேகரிப்பில் குறை இருந்தால், எங்கு சென்று முறையிடலாம்.

மழைநீர் சேகரமாகும் தொட்டியும், சேதமான குழாய்களும்.- சாக்கோட்டை ஊராட்சி ஒன்றிய அலுவலகம்.

குழந்தைகள் மையம் என்பதால் பராமரிக்காமல் விட்டு விட்டார்களோ - காரைக்குடி ரயில்வே பீடர் ரோடு.

இணைப்பு குழாய்கள் சேதம் அடைந்திருந்தால், மழை நீர் சேகரிப்பு எப்படி நடக்கும் - இளையான்குடி அங்கன்வாடி மையம்.

குழாய்களை முறையாக பராமரித்து வந்தாலே மழைநீரை சேகரிக்கலாம் - திருப்புவனம் பத்திரப்பதிவு அலுவலகம்.

திட்டம் செயல்பாடின்றி போனதால் சேதாரமான மழை நீர் சேகரிப்பு அமைப்பு - காளையார்கோவில் அரசு மேல்நிலைபள்ளி.

ரேஷன் கடையில் மழைநீர் சேகரிப்புக்கு குழாய் இணைப்பு கிடைக்குமா - திருப்புவனம்.