சிவகங்கை மாவட்டத்தை மீட்போம்

First topic message reminder :

சிவகங்கை மாவட்டத்தை மீட்போம், என்று தினமலர் வெளியிட்டுள்ள புகைப்படங்களை இங்கு தொகுத்து வழங்குகிறேன்! மக்களின் அலட்சியம், வீணாகும் அரசாங்க சொத்துக்கள் என பட்டியலிட்டு புகைப்படங்களுடன் வெளியிட்டுள்ளார்கள். ஆனால் இதுவரை அரசாங்கமோ, மக்களோ செவிசாய்க்கவில்லை என்பதுதான் வேதனையான விடயம்.

இயற்கை வளத்திற்கு சவால்

மனித நாகரிகம் வளர, வளர பூமியில் இயற்கை வளம் கேள்விக்குறியாகியுள்ளது. சுற்றுச்சூழலுக்கு சவால் விடும் பாலிதீன் பைகளை பயன்படுத்துவது "நாகரிகம்' என நாம் நினைக்கிறோம். இதனால், செல்லும் இடங்களில் எல்லாம், பாலிதீன் ஆதிக்கம் தான். இயற்கை சூழலை ரசிக்க செல்லும் சிலர், வயிற்றை நிரப்புவதில் அக்கறையாக செயல்படுகின்றனர். பிளாஸ்டிக் பாக்கெட்களில் உணவை எடுத்து சென்று, அக்கறையில்லாமல் அவற்றை வீசி ஏறிகின்றனர். இதனால், அப்பகுதியில் மண் வளம், "மக்கி' போய்விட்டது. சுற்றுலா மையங்களில் பாலிதீன் பயன்பாட்டை தடை செய்ய வேண்டிய கட்டாயம் எழுந்துள்ளது. இருபது மைக்ரான் அளவு(தடிமன்) குறைந்த பாலிதீன் பொருள், மண்ணில் மக்குவதற்கு, 400 ஆண்டுகள் ஆகும். இதன்படி பார்த்தால், நாம் பயன்படுத்தும் பாலிதீன் பைகள், பல தலைமுறைகளை தாண்டியும் கேடு விளைவிக்கும். இவற்றால் மரம், செடி, விலங்கினங்களுக்கு மட்டு மல்ல, இறுதியில் நமக்கே ஆபத்தாக முடியும் என்பதை, நாம் உணர்வது இல்லை. இவற்றை தடை செய்யாமல், விழிப்புணர்வு என்ற பெயரில், "பம்மாத்து' காட்டப்படுகிறது. ஒழிப்பதில் யாரும் ஆர்வம் காட்டவில்லை. பருவ நிலையை மாற்றி, உலகிற்கே சவால் விடும் பாலிதீன் பொருட்களை ஒழிப்பது என, இன்றே உறுதி ஏற்போம்.

இதைக்கட்டிய கான்ட்ராக்டருக்கு விருது கொடுக்கலாம். சைக்கிள் ஸ்டாண்டாக மாற்றிய பொதுமக்களின் பொறுப்புணர்வுக்கும் சேர்த்து தான் - தாயமங்கலம் அருகே வில்லிசேரி

விவசாயத்திற்கு முன்னுரிமை வேண்டியது தான். அதற்காக, விளைபொருளை இங்கு வைப்பது முறையாகுமா - மானாமதுரை அருகே தெற்கு சந்தனூர்.

இதே நிலை தொடர்ந்தால் தொல்லியல் துறையினர் வந்து, தேட வேண்டி வரும் - பிரான்மலை.

"எச்சரிக்கை பெரியவரே. உங்கள் முகத்திலும் பசை தடவுவதற்கு முன் சுதாரித்து கொள்ளுங்கள்' - காரைக்குடி பள்ளிவாசல் அருகே.

வேதனையில் விடுதி மாணவர்கள்


அனைத்து தரப்பு மாணவர்களும் உயர்கல்வி பெறவேண்டும் என்ற உயரிய நோக்கத்தில், அரசு விடுதிகள் துவக்கப்பட்டன. ஆனால் இவை, இன்றைக்கும் கட்டிய நிலையிலேயே பராமரிப்பின்றி உள்ளன. பெரும்பாலான விடுதிகளில் மாணவர்களுக்கு, அடிப்படை வசதிகள், மின்விசிறி, மின்விளக்குகள் இல்லை. சுகாதாரத்தை தேடி கண்டுபிடிக்க வேண்டிய நிலையில், கழிப்பிடங்கள் காட்சி தருகின்றன. சுற்றுப்புறங்கள் முட்புதர் மண்டிக்கிடக்கின்றன. இதனால், மாணவர்கள் வேதனையில் விளம்பில், உயர்கல்வி கற்கும் நிலை. மாவட்டத்தில் உள்ள விடுதிகளை கண்டுகொள்ளாமல் இருப்பதன் காரணம் புரியவில்லை. கல்வித்தரத்தை உயர்த்த நினைக்கும் அரசு, அதற்கான கட்டமைப்பு வசதிகளை கண்டுகொள்வதில்லை. ஏன் இந்த முரண்பாடு. இனியாவது அரசின் கவனம்


சிறிது, சிறிதாக சேதமடையும் தேவகோட்டை ஆதிதிராவிடர் மாணவர் விடுதி.

திறந்த வெளி சமையல் நடக்கும் திருப்புத்தூர் பிற்படுத்தப்பட்டோர் மாணவிகள் விடுதி.

பராமரிப்பு கேள்விக்குறியான மானாமதுரை பிற்படுத்தப்பட்டோர் மாணவர் விடுதி.

ஜன்னல் கண்ணாடிகள் மாயமான மறவமங்கலம் பிற்படுத்தப்பட்டோர் மாணவர் விடுதி.

கழிப்பிட கதவு காட்சி பொருளான, சிவகங்கை அரசு கல்லூரி பிற்படுத்தப்பட்டோர் மாணவர் விடுதி.

காளையார்கோவில் பிற்படுத்தப்பட்டோர் மாணவர் விடுதியில் மின் விசிறியும் மாயம்.