சிவகங்கை மாவட்டத்தை மீட்போம்

First topic message reminder :

சிவகங்கை மாவட்டத்தை மீட்போம், என்று தினமலர் வெளியிட்டுள்ள புகைப்படங்களை இங்கு தொகுத்து வழங்குகிறேன்! மக்களின் அலட்சியம், வீணாகும் அரசாங்க சொத்துக்கள் என பட்டியலிட்டு புகைப்படங்களுடன் வெளியிட்டுள்ளார்கள். ஆனால் இதுவரை அரசாங்கமோ, மக்களோ செவிசாய்க்கவில்லை என்பதுதான் வேதனையான விடயம்.

இயற்கை வளத்திற்கு சவால்

மனித நாகரிகம் வளர, வளர பூமியில் இயற்கை வளம் கேள்விக்குறியாகியுள்ளது. சுற்றுச்சூழலுக்கு சவால் விடும் பாலிதீன் பைகளை பயன்படுத்துவது "நாகரிகம்' என நாம் நினைக்கிறோம். இதனால், செல்லும் இடங்களில் எல்லாம், பாலிதீன் ஆதிக்கம் தான். இயற்கை சூழலை ரசிக்க செல்லும் சிலர், வயிற்றை நிரப்புவதில் அக்கறையாக செயல்படுகின்றனர். பிளாஸ்டிக் பாக்கெட்களில் உணவை எடுத்து சென்று, அக்கறையில்லாமல் அவற்றை வீசி ஏறிகின்றனர். இதனால், அப்பகுதியில் மண் வளம், "மக்கி' போய்விட்டது. சுற்றுலா மையங்களில் பாலிதீன் பயன்பாட்டை தடை செய்ய வேண்டிய கட்டாயம் எழுந்துள்ளது. இருபது மைக்ரான் அளவு(தடிமன்) குறைந்த பாலிதீன் பொருள், மண்ணில் மக்குவதற்கு, 400 ஆண்டுகள் ஆகும். இதன்படி பார்த்தால், நாம் பயன்படுத்தும் பாலிதீன் பைகள், பல தலைமுறைகளை தாண்டியும் கேடு விளைவிக்கும். இவற்றால் மரம், செடி, விலங்கினங்களுக்கு மட்டு மல்ல, இறுதியில் நமக்கே ஆபத்தாக முடியும் என்பதை, நாம் உணர்வது இல்லை. இவற்றை தடை செய்யாமல், விழிப்புணர்வு என்ற பெயரில், "பம்மாத்து' காட்டப்படுகிறது. ஒழிப்பதில் யாரும் ஆர்வம் காட்டவில்லை. பருவ நிலையை மாற்றி, உலகிற்கே சவால் விடும் பாலிதீன் பொருட்களை ஒழிப்பது என, இன்றே உறுதி ஏற்போம்.

உள்ளாட்சிகளுக்கு தாராள நிதி வந்தாலும், திருந்தவே மாட்டார்களோ - திருப்புவனம் ஊராட்சி ஒன்றிய அலுவலக வளாகம்.

பேய் பங்களாவை நினைவுபடுத்துகிறதே. யார் கண்களி<லுமா படவில்லை - சிங்கம்புணரி அரசு மருத்துவமனை கட்டடம்.

பராமரித்தால் பத்து பேருக்காவது பயன்படுமே. -மானாமதுரை பட்டு நூல் உற்பத்தி மையம்.

கூட்டுறவு அதிகாரிகள் செழிப்பாக இருக்கின்றனர். அலுவலகத்தை மட்டும் அனாதையாக விடுவது நியாயமா - தேவகோட்டை.

கடைசியாக திறந்தது எந்த ஆண்டு என புதிர் போட்டி நடத்தலாம் - காரைக்குடி வனத்துறை முந்திரி கிடங்கு.

இங்கே தெரிவது இருள் முகங்கள்


இம்மாவட்டத்தில் உள்ள பயணிகள் நிழற்குடைகளின் பரிதாப நிலை தான் இவை. நிழற்குடை என்பது அடிப்படை வசதிகளின் ஒன்று தான். "நீண்ட கால திட்டமிடல்' இதற்கு தேவையில்லை. ஆனால் அடிப்படை வசதிகளின் லட்சணமே சந்தி சிரிக்கிறது. நீண்ட கால திட்டங்களை பற்றி, சொல்லவா வேண்டும்? அடிப்படை வசதிகளை நிறைவேற்றியதாக அமைச்சர்கள் முதல் ஊராட்சித் தலைவர்கள் வரை மார்தட்டினாலும், இதுபோன்ற "வெட்ட வெளிச்சங்களால்' அவர்களின் இருள் முகம் அப்பட்டமாக தெரிகிறது. மக்கள் பிரதிநிதி, அதிகாரி, கன்ட்ராக்டர்களின் "கூட்டு முயற்சியால்', இவை இடிந்து விழ காத்திருக்கின்றன. தரமில்லாத கட்டுமானம் மூலம் பாக்கெட்டை நிரப்பி கொண்டவர்கள் யார் என கண்டறிந்து தண்டனை கொடுக்க வேண்டும். "கோப்புகளை மட்டும் ஆய்வு செய்வதே கடமை உணர்ச்சி' என நினைக்கும் அதிகாரிகளின் மனப்போக்கு மாற வேண்டும். மக்களின் வரிப்பணம் முறையாக செலவு செய்யப்படுகிறாதா? என கண்காணிக்கும் வரை, இந்த அவலங்கள் தீராது. இக்கொடுமைகளை பொதுமக்களும் பார்த்துக்கொண்டிருக்க மாட்டார்கள். ஒரு நாள் விடிவு


சுரங்கப் பாதைக்கான (சப் வே) வழி அல்ல. சாட்சாத் பஸ் ஸ்டாப் தான். -மறவமங்கலம் அருகே கீழத்துறையூர்.

இன்னும் பழைய இரும்புக் கடைக்கு போகாமல் இருப்பது ஆச்சரியம் தான் - காளையார்கோவில் திருநகர்

கம்பி வைத்து கட்டியிருக்கிறோம் என்பதை விளம்பரப்படுத்தியுள்ளனர் போலும் - சிவகங்கை அருகே காஞ்சிரங்கால்.

அரிதாரம் பூசி என்ன பயன். அடித்தளம் சரியில்லையே. - திருப்புத்தூர் தம்பிப்பட்டி.

அரசு நிதி தானே என்ற அலட்சியம் வேண்டாம். இது நம் வரிப்பணம் "ஜென்டில்மேன்' - திருப்புவனம் அருகே லாடனேந்தல்.