சிவகங்கை மாவட்டத்தை மீட்போம்

First topic message reminder :

சிவகங்கை மாவட்டத்தை மீட்போம், என்று தினமலர் வெளியிட்டுள்ள புகைப்படங்களை இங்கு தொகுத்து வழங்குகிறேன்! மக்களின் அலட்சியம், வீணாகும் அரசாங்க சொத்துக்கள் என பட்டியலிட்டு புகைப்படங்களுடன் வெளியிட்டுள்ளார்கள். ஆனால் இதுவரை அரசாங்கமோ, மக்களோ செவிசாய்க்கவில்லை என்பதுதான் வேதனையான விடயம்.

இயற்கை வளத்திற்கு சவால்

மனித நாகரிகம் வளர, வளர பூமியில் இயற்கை வளம் கேள்விக்குறியாகியுள்ளது. சுற்றுச்சூழலுக்கு சவால் விடும் பாலிதீன் பைகளை பயன்படுத்துவது "நாகரிகம்' என நாம் நினைக்கிறோம். இதனால், செல்லும் இடங்களில் எல்லாம், பாலிதீன் ஆதிக்கம் தான். இயற்கை சூழலை ரசிக்க செல்லும் சிலர், வயிற்றை நிரப்புவதில் அக்கறையாக செயல்படுகின்றனர். பிளாஸ்டிக் பாக்கெட்களில் உணவை எடுத்து சென்று, அக்கறையில்லாமல் அவற்றை வீசி ஏறிகின்றனர். இதனால், அப்பகுதியில் மண் வளம், "மக்கி' போய்விட்டது. சுற்றுலா மையங்களில் பாலிதீன் பயன்பாட்டை தடை செய்ய வேண்டிய கட்டாயம் எழுந்துள்ளது. இருபது மைக்ரான் அளவு(தடிமன்) குறைந்த பாலிதீன் பொருள், மண்ணில் மக்குவதற்கு, 400 ஆண்டுகள் ஆகும். இதன்படி பார்த்தால், நாம் பயன்படுத்தும் பாலிதீன் பைகள், பல தலைமுறைகளை தாண்டியும் கேடு விளைவிக்கும். இவற்றால் மரம், செடி, விலங்கினங்களுக்கு மட்டு மல்ல, இறுதியில் நமக்கே ஆபத்தாக முடியும் என்பதை, நாம் உணர்வது இல்லை. இவற்றை தடை செய்யாமல், விழிப்புணர்வு என்ற பெயரில், "பம்மாத்து' காட்டப்படுகிறது. ஒழிப்பதில் யாரும் ஆர்வம் காட்டவில்லை. பருவ நிலையை மாற்றி, உலகிற்கே சவால் விடும் பாலிதீன் பொருட்களை ஒழிப்பது என, இன்றே உறுதி ஏற்போம்.

ஊருக்கு வெளியே குளம் இருக்கலாம். நகரின் மையத்திலும் இருக்குமோ - காரைக்குடி பழைய பஸ் ஸ்டாண்ட்.

அகழ்வாராய்ச்சிக்கான முயற்சியோ - பிரான்மலை தெற்குத்தெரு.

சரிபாதி சேதம் அடைந்தால் எப்படி தான் பயணிப்பது. - திருப்புவனம் - சிவகங்கை ரோடு.

ரோடு ஓரத்தில் பள்ளம் கேள்விப்பட்டிருக்கிறோம். இது பள்ளத்தின் இடையே ரோடு - தேவகோட்டை சரஸ்வதி பாடசலைத்தெரு.

யாருக்கு லாபம்?



பின் தங்கிய பகுதியான சிவகங்கையை வளப்படுத்த, அப்போதைய முதல்வர் எம்.ஜி.ஆர்., மாவட்ட தலைநகராக அறிவித்தார். அரசு அலுவலகங்களுக்கு "பெரிய பெரிய ' கட்டடங்களை கட்டவும் வழிவகை செய்தார். ஆனால் அவரது கனவு நனவாகவில்லை. சில கட்டடங்கள் பராமரிப்பு இல்லாமல் பாழடைந்து, சமூக விரோத கும்பலின் கூடாரமாக மாறி விட்டது. ஒரு சில கட்டடங்களை குறைந்த செலவில் பராமரித்தால் கூட பயன்படுத்தலாம். ஆனால் பொதுப்பணி துறையினர் பாராமுகமாக உள்ளனர். பல அலுவலகங்கள் வாடகை கட்டடத்தில் செயல்பட்டு வருகின்றன. பாழடையும் கட்டடங்களை சீரமைத்து, அந்த அலுவலகங்களை அங்கு செயல்படுத்தலாம். ஆனால் பூனைக்கு யார் மணி கட்டுவது என்ற அலட்சிய போக்கில் அதிகாரிகள் உள்ளனர். அரசு நிதியை வீணடிப்பதில், அதிகாரிகளுக்கு அப்படி என்ன மகிழ்ச்சியோ


பூட்டு போட்டதால் யாருக்கு புண்ணியம். - சிவகங்கை இசைப்பள்ளி அருகே பொதுப்பணித் துறை கட்டடம்.

இனியும் இடிந்து விழ ஒன்றும் இல்லை - காளையார்கோவில், மாவட்ட கல்வி, ஆசிரியர் பயிற்சி மையம்.

மன்னர் கட்டியதால் மறந்து விட்டார்கள் - சிவகங்கை மன்னர் துரைசிங்கம் கல்லூரி விடுதிகள்.

நினைவு சின்னமாக மாற்ற முடிவாகி விட்டதோ - திருப்புத்தூர் பொதுப்பணித் துறை அலுவலகம்.

அரசு தானே கட்டியது என்ற அலட்சியம். நமக்காக கட்டியது என்ற எண்ணம் டாக்டர்களுக்கு இல்லையே - சிவகங்கை அரசு மருத்துவமனை டாக்டர் குடியிருப்பு.

வீணடிப்பதற்காகவே கட்டினார்களோ - காளையார்கோவில் மருத்துவத் துறை ஊழியர் குடியிருப்பு.