சிவகங்கை மாவட்டத்தை மீட்போம்

by **சிவா** Tue Nov 30, 2010 10:56 pm

First topic message reminder :

சிவகங்கை மாவட்டத்தை மீட்போம், என்று தினமலர் வெளியிட்டுள்ள புகைப்படங்களை இங்கு தொகுத்து வழங்குகிறேன்! மக்களின் அலட்சியம், வீணாகும் அரசாங்க சொத்துக்கள் என பட்டியலிட்டு புகைப்படங்களுடன் வெளியிட்டுள்ளார்கள். ஆனால் இதுவரை அரசாங்கமோ, மக்களோ செவிசாய்க்கவில்லை என்பதுதான் வேதனையான விடயம்.

இயற்கை வளத்திற்கு சவால்

மனித நாகரிகம் வளர, வளர பூமியில் இயற்கை வளம் கேள்விக்குறியாகியுள்ளது. சுற்றுச்சூழலுக்கு சவால் விடும் பாலிதீன் பைகளை பயன்படுத்துவது "நாகரிகம்' என நாம் நினைக்கிறோம். இதனால், செல்லும் இடங்களில் எல்லாம், பாலிதீன் ஆதிக்கம் தான். இயற்கை சூழலை ரசிக்க செல்லும் சிலர், வயிற்றை நிரப்புவதில் அக்கறையாக செயல்படுகின்றனர். பிளாஸ்டிக் பாக்கெட்களில் உணவை எடுத்து சென்று, அக்கறையில்லாமல் அவற்றை வீசி ஏறிகின்றனர். இதனால், அப்பகுதியில் மண் வளம், "மக்கி' போய்விட்டது. சுற்றுலா மையங்களில் பாலிதீன் பயன்பாட்டை தடை செய்ய வேண்டிய கட்டாயம் எழுந்துள்ளது. இருபது மைக்ரான் அளவு(தடிமன்) குறைந்த பாலிதீன் பொருள், மண்ணில் மக்குவதற்கு, 400 ஆண்டுகள் ஆகும். இதன்படி பார்த்தால், நாம் பயன்படுத்தும் பாலிதீன் பைகள், பல தலைமுறைகளை தாண்டியும் கேடு விளைவிக்கும். இவற்றால் மரம், செடி, விலங்கினங்களுக்கு மட்டு மல்ல, இறுதியில் நமக்கே ஆபத்தாக முடியும் என்பதை, நாம் உணர்வது இல்லை. இவற்றை தடை செய்யாமல், விழிப்புணர்வு என்ற பெயரில், "பம்மாத்து' காட்டப்படுகிறது. ஒழிப்பதில் யாரும் ஆர்வம் காட்டவில்லை. பருவ நிலையை மாற்றி, உலகிற்கே சவால் விடும் பாலிதீன் பொருட்களை ஒழிப்பது என, இன்றே உறுதி ஏற்போம்.

சிவகங்கை மாவட்டத்தை மீட்போம் - Page 14 Large_12647

சிவகங்கை மாவட்டத்தை மீட்போம் - Page 14 Large_12647

by **சிவா** Tue Nov 30, 2010 11:46 pm

சிவகங்கை மாவட்டத்தை மீட்போம் - Page 14 Gallerye_163905585_40129

வருவாரா, வரமாட்டாரா? - காரைக்குடி.

by **சிவா** Tue Nov 30, 2010 11:46 pm

சிவகங்கை மாவட்டத்தை மீட்போம் - Page 14 Gallerye_164029477_40129

திறந்ததற்கான சுவடே இல்லை. - காளையார்கோவில் ஒன்றியம் சேதாம்பல் சிறுகானபேரி.

by **சிவா** Tue Nov 30, 2010 11:46 pm

சிவகங்கை மாவட்டத்தை மீட்போம் - Page 14 Gallerye_164054272_40129

போஸ்டர் ஒட்ட மட்டும் தான் பயன்படுமோ? - திருப்புவனம் அருகே அல்லிநகரம்.

by **சிவா** Tue Nov 30, 2010 11:47 pm

தொழில் வளர்ச்சியில் பின் தங்கும் மாவட்டம்

தமிழகத்தில் தொழில் வளர்ச்சியில் மிகவும் பின்தங்கி, 27 வது இடத்தில் பரிதாபமாக காட்சி தருகிறது சிவகங்கை மாவட்டம். குறிப்பிடும் வகையில் தொழில்கள் இல்லாமல் போனதற்கு கட்டமைப்பு வசதி இன்மையே முக்கிய காரணம். சென்னை, கோவை, திருப்பூரை சுற்றி தான், தொழில் துவங்க, பெரிய நிறுவனங்கள் முன்வருகின்றன. ஆனால் இங்கோ, ஏற்கனவே இருந்த தொழிற்சாலைகளே மூடப்படுகின்றன. கட்டமைப்பு; தொழில் துவங்குவோருக்கு தேவையான வசதிகள் இங்கு இல்லை. இதை ஆராய்ந்து, முயற்சிகள் எடுக்க மக்கள் பிரதிநிதிகள் தவறிவிட்டனர். இதனால், ஆலைகள் நலிவடைந்து, மூடுவிழா காண்கின்றன. இம்மாவட்ட இளைஞர்கள் வேலை தேடி வெளி மாவட்டம், வெளி நாடுகளுக்கு இடம் பெயரும் அவலம் நிலவுகிறது. தொழில் துவங்குவோருக்கு அரசின் சலுகைகள் முழுமையாக கிடைப்பதில்லை. அவை வெற்று அறிவிப்பாகவே உள்ளன. சலுகைகள் கிடைக்க பல ஆண்டுகள் போராட வேண்டியுள்ளது. சலுகை கிடைக்கும் என்ற எதிர்பார்ப்பில் தொழில் துவங்குவோர், அது கிடைக்காமல், இறுதியில் நிதி நெருக்கடியில் சிக்கி தவிக்கின்றனர். இதன் விளைவு, நிறுவனம் மூடல்; வேலை இழப்பு என அவலம் தொடர்கிறது. பின் தங்கிய இப்பகுதியில் தொழில்முனைவோருக்கு அதிகபட்ச சலுகை; கட்டமைப்பு வசதிகளை ஏற்படுத்துவதே இதற்கு தீர்வு.