சிவகங்கை மாவட்டத்தை மீட்போம்

First topic message reminder :

சிவகங்கை மாவட்டத்தை மீட்போம், என்று தினமலர் வெளியிட்டுள்ள புகைப்படங்களை இங்கு தொகுத்து வழங்குகிறேன்! மக்களின் அலட்சியம், வீணாகும் அரசாங்க சொத்துக்கள் என பட்டியலிட்டு புகைப்படங்களுடன் வெளியிட்டுள்ளார்கள். ஆனால் இதுவரை அரசாங்கமோ, மக்களோ செவிசாய்க்கவில்லை என்பதுதான் வேதனையான விடயம்.

இயற்கை வளத்திற்கு சவால்

மனித நாகரிகம் வளர, வளர பூமியில் இயற்கை வளம் கேள்விக்குறியாகியுள்ளது. சுற்றுச்சூழலுக்கு சவால் விடும் பாலிதீன் பைகளை பயன்படுத்துவது "நாகரிகம்' என நாம் நினைக்கிறோம். இதனால், செல்லும் இடங்களில் எல்லாம், பாலிதீன் ஆதிக்கம் தான். இயற்கை சூழலை ரசிக்க செல்லும் சிலர், வயிற்றை நிரப்புவதில் அக்கறையாக செயல்படுகின்றனர். பிளாஸ்டிக் பாக்கெட்களில் உணவை எடுத்து சென்று, அக்கறையில்லாமல் அவற்றை வீசி ஏறிகின்றனர். இதனால், அப்பகுதியில் மண் வளம், "மக்கி' போய்விட்டது. சுற்றுலா மையங்களில் பாலிதீன் பயன்பாட்டை தடை செய்ய வேண்டிய கட்டாயம் எழுந்துள்ளது. இருபது மைக்ரான் அளவு(தடிமன்) குறைந்த பாலிதீன் பொருள், மண்ணில் மக்குவதற்கு, 400 ஆண்டுகள் ஆகும். இதன்படி பார்த்தால், நாம் பயன்படுத்தும் பாலிதீன் பைகள், பல தலைமுறைகளை தாண்டியும் கேடு விளைவிக்கும். இவற்றால் மரம், செடி, விலங்கினங்களுக்கு மட்டு மல்ல, இறுதியில் நமக்கே ஆபத்தாக முடியும் என்பதை, நாம் உணர்வது இல்லை. இவற்றை தடை செய்யாமல், விழிப்புணர்வு என்ற பெயரில், "பம்மாத்து' காட்டப்படுகிறது. ஒழிப்பதில் யாரும் ஆர்வம் காட்டவில்லை. பருவ நிலையை மாற்றி, உலகிற்கே சவால் விடும் பாலிதீன் பொருட்களை ஒழிப்பது என, இன்றே உறுதி ஏற்போம்.

புகைப்பட கண்காட்சி நடத்திய அனுபவம் போலும். -காரைக்குடி செக்காலை ரோடு.

இங்கு போக்குவரத்திற்கே பெரும் பிரச்னை. போதக்குறைக்கு 'பிளக்ஸ்' வேறு. - திருப்புவனம்

அடுத்ததாக, அடுத்தவர் வீட்டு வாசலிலும் போர்டு வைப்பார்கள் போலும். - திருப்புத்தூர் பஸ் ஸ்டாண்ட் முன்.

கலெக்டர் உள்ளிட்ட அதிகாரிகள், தினமும் வந்து செல்லும் பகுதியிலேயே இந்த நிலை! -கலெக்டர் அலுவலக நுழைவு வாயில் எதிரே.

மாறாத பழைய நடைமுறை


மாவட்டத்தின் பொறுப்பு மிக்க அதிகாரியாக கலெக்டர் இருப்பது போல, ஒரு கிராமத்தின் முழு பொறுப்பையும் சுமக்கிறவர், கிராம நிர்வாக அலுவலர் (வி.ஏ.ஓ.,). பள்ளிகள் ஆம்பிக்கும் ஜூன் மாதத்தில், சான்றிதழ் கேட்டு வி.ஏ.ஓ., அலுவலகங் களுக்கு, மாணவர்கள் நடையாய் நடக்கின்றனர். வி.ஏ.ஓ., ஜமாபந்திக்கு சென்றுவிட்டதாக கூறி, அலுவலகத்திற்கு பூட்டு போடப்பட்டுள்ளது. மதுரை போன்ற மாவட்டங்களில் ஏப்ரலில் ஜமாபந்தி நடக்கிறது. ஒருங்கிணைந்த ராமநாதபுரம் மாவட்டத்தில் இருந்த போது முழுமையான நிலவரி வசூலுக்காக, ஜூனில் ஜமாபந்தி நடத்தும் முறை இருந்தது. தற்போது நிலவரியை அரசு குறைத்துள்ளதால், அதன்மூலம் கிடைக்கும் வருவாய் சொற்பமே. இதற்காக ஜூன் வரை ஜமாபந்தியை "இழுக்க' வேண்டிய அவசியம் இல்லை. ஏப்ரலில் நடத்தி முடித்து, ஜூனில், பள்ளி மாணவர்களுக்கு சான்றிதழ் வழங்கும் பணியை முழுமையாக செய்ய வேண்டும். மனது வைக்குமா மாவட்ட நிர்வாகம்?


பழமையை இழக்காத அலுவலகம். - கொல்லங்குடி.

பாதுகாப்பு பலம் தான். இழுத்து பூட்டியது சரியோ? - பள்ளத்தூர்.

வெட்டியாய் பொழுது போக்கவா திண்ணை? -சிவகங்கை அருகே வல்லனேரி.

இதுகளுக்காவது பயன்படுகிறதே. - இளையான்குடி அருகே தடியமங்கலம்

ஊராட்சிக்கு தாரைவார்க்கப்பட்ட வி.ஏ.ஓ., அலுவலகம். -சிவகங்கை அருகே ஏ.புதுபட்டி.

பயன்படுத்தி பல நாட்கள் ஆகிவிட்டதே. - காளையார்கோவில் அருகே சிரமம்