சிவகங்கை மாவட்டத்தை மீட்போம்

First topic message reminder :

சிவகங்கை மாவட்டத்தை மீட்போம், என்று தினமலர் வெளியிட்டுள்ள புகைப்படங்களை இங்கு தொகுத்து வழங்குகிறேன்! மக்களின் அலட்சியம், வீணாகும் அரசாங்க சொத்துக்கள் என பட்டியலிட்டு புகைப்படங்களுடன் வெளியிட்டுள்ளார்கள். ஆனால் இதுவரை அரசாங்கமோ, மக்களோ செவிசாய்க்கவில்லை என்பதுதான் வேதனையான விடயம்.

இயற்கை வளத்திற்கு சவால்

மனித நாகரிகம் வளர, வளர பூமியில் இயற்கை வளம் கேள்விக்குறியாகியுள்ளது. சுற்றுச்சூழலுக்கு சவால் விடும் பாலிதீன் பைகளை பயன்படுத்துவது "நாகரிகம்' என நாம் நினைக்கிறோம். இதனால், செல்லும் இடங்களில் எல்லாம், பாலிதீன் ஆதிக்கம் தான். இயற்கை சூழலை ரசிக்க செல்லும் சிலர், வயிற்றை நிரப்புவதில் அக்கறையாக செயல்படுகின்றனர். பிளாஸ்டிக் பாக்கெட்களில் உணவை எடுத்து சென்று, அக்கறையில்லாமல் அவற்றை வீசி ஏறிகின்றனர். இதனால், அப்பகுதியில் மண் வளம், "மக்கி' போய்விட்டது. சுற்றுலா மையங்களில் பாலிதீன் பயன்பாட்டை தடை செய்ய வேண்டிய கட்டாயம் எழுந்துள்ளது. இருபது மைக்ரான் அளவு(தடிமன்) குறைந்த பாலிதீன் பொருள், மண்ணில் மக்குவதற்கு, 400 ஆண்டுகள் ஆகும். இதன்படி பார்த்தால், நாம் பயன்படுத்தும் பாலிதீன் பைகள், பல தலைமுறைகளை தாண்டியும் கேடு விளைவிக்கும். இவற்றால் மரம், செடி, விலங்கினங்களுக்கு மட்டு மல்ல, இறுதியில் நமக்கே ஆபத்தாக முடியும் என்பதை, நாம் உணர்வது இல்லை. இவற்றை தடை செய்யாமல், விழிப்புணர்வு என்ற பெயரில், "பம்மாத்து' காட்டப்படுகிறது. ஒழிப்பதில் யாரும் ஆர்வம் காட்டவில்லை. பருவ நிலையை மாற்றி, உலகிற்கே சவால் விடும் பாலிதீன் பொருட்களை ஒழிப்பது என, இன்றே உறுதி ஏற்போம்.

படிக்கும் மாணவர்களுக்கு படிக்கட்டு பயணம் எதற்கு - மானாமதுரை அருகே செய்களத்தூர்

படிக்கட்டு பயணத்திற்கு உதவுவதில் எத்தனை தாராளம் - சிங்கம்புணரி - கொட்டாம்பட்டி ரோடு

இப்படி வரிசை கட்டி ஏறினால், போகும் இடம் நொடிப்பொழுதில் மாறி விடும் மாணவர்களே. - சிவகங்கை-மானாமதுரை ரோடு

படிப்பில் சறுக்கினால் தோல்வி. இதில் சறுக்கினால்... - திருப்புவனம்

அங்கொரு கை; இங்கொரு கை என சர்க்கஸ் சாகசத்தை நினைவுபடுத்துகிறார் போலும். - திருப்புத்தூர் அருகே அரளிக்கோட்டை

எங்கள் பயணம் எப்போதும் இப்படித் தான். மாறவே மாட்டோம். - காரைக்குடி கல்லூரி ரோடு

வாழ்க்கைப் பயணத்திற்கு ஏணி தேவை. இந்த ஏணிப்பயணம் விபரீதத்தில் தான் முடியும் - தேவகோட்டை-ராமேஸ்வரம் ரோடு

'இளம் கன்று பயம் அறியாது' என்பது பழமொழி. 'படியில் பயணம் நொடியில் மரணம்' என்பது புதுமொழி - காளையார்கோவில்

ஆ(வி)பத்து காரணிகள்


நம்மூரில் "மாமூலால்' அனுமதிக்கப்பட்ட கடைகள், அனுமதிக்கப்படாமல் "அட்ஜஸ்ட்' செய்யப்பட்டவை என, பலவித ஆக்கிரமிப்புகள் மக்களுக்கு பெரும் இடையூறாக உள்ளன. போதாக்குறைக்கு அரசியல்வாதிகளின் விளம்பர "பிளக்ஸ் போர்டு'களும் பாடாய்படுத்துகின்றன. இந்த சுய விளம்பர "பீற்றல்களுக்கு' யாரிடமும் அனுமதி பெற தேவையில்லை போலும். திருமணம், கோயில், அரசியல், குடும்ப விழா என எதற்கெடுத்தாலும் "பிளக்ஸ்' தான். இவற்றால் யாருக்கு, எப்படி எல்லாம் இடையூறு என, அதில் விளம்பரம் தேடுவோர் கொஞ்சம் கூட சிந்திப்பது இல்லை. சுய தம்பட்ட விளம்பரமே முக்கியம் என கருதுகின்றனர். இவை, சாலைகளில் வரும் வாகனங்களை பாதசாரிகளுக்கும், மற்ற வாகன ஓட்டிகளுக்கும் தெரியாமல் மறைத்து, விபத்துக்கு வழிவகுக்கின்றன. பாதசாரிகள் நடந்து செல்வதற்கும் இடையூறாய் உள்ளன. காற்று சுழன்று வீசினால் "சும்மா' செல்வோரையும் "அம்மா' என அலறவைக்கின்றன. இவற்றை தாங்கி நிற்கும் இரும்பு சட்டங்கள் உயிர்பறிக்கும் எமனாக உள்ளன. இந்த "ஆபத்து காரணிகளை' உள்ளாட்சி நிர்வாகத்தினர், போலீசார் இணைந்து அகற்ற வேண்டும். யாருக்கும் இடையூறு இல்லாத இடங்களில் அனுமதியோடு போர்டுகளை வைத்தால், உள்ளாட்சிகளுக்கும் வருவாய் கிடைக்கும். விபத்து அபாயங்களும்


அரசு தான் மின்சாரம் கொடுப்பதில்லையே. அப்புறம் எதற்கு மின் கம்பம்' என, போர்டு வைத்து விட்டார்களோ. - காளையார்கோவில் பஸ் ஸ்டாண்ட்.

ஊரின் நுழைவு பகுதியே "பிளக்ஸ்' மயம். - கோவிலூர்